Jonah 1:16 - Yn Vible Casherick 1775 1819

¹⁶ Eisht ghow ny deiney aggle roish y Chiarn erskyn-towse, as ren ad breearrey dy hebbal oural da’n Chiarn.

Jonah 1:16 ပူးပေါင်းရင်းမြစ်များ

Genesis 28:20

As ren Jacob breearrey, gra, My vees Jee mârym, as my nee eh m’y reayll ’sy raad ta mee goll, as my ver eh dou arran dy ee, as coamrey dy chur moom;

Genesis 8:20

As hrog Noah altar da’n Chiarn, as ghow eh jeh dagh baagh glen, as jeh dagh eean glen, as heb eh ourallyn-losht er yn altar.

2 Reeaghyn 5:17

As dooyrt Naaman, Nagh bee eisht, ta mee guee ort, er ny choyrt da dty harvaant laad daa vule dy ooir? son cha jean dty harvaant maghey shoh chebbal oural-losht ny oural erbee gys jeeghyn elley, agh gys y Chiarn.

Lioar Yob 37:24

Shen-y-fa ta deiney goaill aggle roish: cha vel eh soiaghey jeh dooinney erbee ta creeney ayns e smooinaghtyn hene.

Psalmyn 107:22

Dy jebbagh ad da oural dy hoyrt-booise: as ny obbraghyn echey y ockley magh lesh gennallys.

Psalmyn 116:14

Cur-my-ner, O Hiarn, kys dy vel mish dty harvaant: ta mish dty harvaant, as mac dt’inney-veyl; t’ou er vrishey my chianglaghyn veih-my-cheilley.

Psalmyn 50:14

Cheb yn oural dy hoyrt-booise gys Jee: as eeck dty vreearraghyn dasyn smoo Ard;

Ecclesiastes 5:4

Tra t’ou jannoo breearrey gys Jee, ny lhig shaghey dy chooilleeney eh: son cha vel taitnys erbee echeysyn ayns ommydanyn; eeck shen ny t’ou er vreearrey.

Isaiah 26:9

Lesh my annym ta mee er yeearree oo ’syn oie; dy jarroo, lesh my spyrryd cheu-sthie jee’m nee’m shirrey hood dy moghey: son tra ta dty vriwnyssyn er y thalloo, nee cummaltee yn theihll gynsaghey cairys.

Jeremiah 5:22

Nagh jean-jee aggle y ghoaill roym’s? ta’n Chiarn dy ghra: nagh bee shiu er-creau ec my enish, t’er hoiaghey yn gheinnagh son cagliagh ny marrey, liorish sarey shickyr, nagh jed eh harrish; as ga dy vel ny tonnyn eck troggal ad-hene dy ard, ny-yeih cha vod ad goll harrish; ga s’mooar y feiyr t’ad dy yannoo, ny-yeih cha jarg ad goll ny-sodjey?

Daniel 6:26

Ta mish jannoo slattys ayns dy chooilley rheam jeh my reeriaght, dy bee deiney er-creau, as ayns aggle, roish Jee Ghaniel: son eshyn y Jee bio, as firrinagh son dy bragh, as e reeriaght, shen nagh bee er ny stroie, as e reiltys dy bragh farraghtyn.

Jonah 1:10

Eisht va ny deiney erskyn-towse agglagh, as dooyrt ad rish, Cre’n-fa t’ou uss er n’yannoo shoh? (son va fys ec ny deiney dy row eh er-chea veih fenish y Chiarn, son v’eh er n’insh daue).

Jonah 1:14

Shen-y-fa, deïe ad gys y Chiarn, as dooyrt ad, Ta shin guee ort, O Hiarn, ta shin guee ort, ny lhig dooin cherraghtyn son bioys yn dooinney shoh, as ny cur gys nyn lieh yn uill gyn-loght; son t’ou uss, O Hiarn, er n’yannoo myr s’gooidsave lhiat.

Noo Mark 4:31

Te goll-rish grine dy rass mustard, ta ny sloo, tra te cuirt ayns y thalloo, na dy chooilley rass ta ayns y thalloo.

Jannoo 5:11

As haink aggle mooar er ooilley yn agglish, as er whilleen as cheayll ny reddyn shoh.

Briwnyn 13:16

As dooyrt ainle y Chiarn rish Manoah, Ga dy vuirrin mêriu, cha jean-ym gee jeh dty arran; agh my nee oo oural-losht y hebbal, shegin dhyt chebbal eh gys y Chiarn: son cha row fys ec Manoah dy nee ainle y Chiarn v’eh.