Jonah 1:12 - Yn Vible Casherick 1775 1819

¹² As dooyrt eh roo, Trog-jee mee seose, as tilg-jee mee magh ’sy cheayn; myr shen vees y keayn kiune diuish: son ta fys aym dy nee by-chyndagh rhym’s ta’n sterrym mooar shoh er jeet erriu.

Jonah 1:12 ပူးပေါင်းရင်းမြစ်များ

2 Samuel 24:17

As loayr David rish y Chiarn, tra honnick eh yn ainle va stroie y pobble, as dooyrt eh, Cur-my-ner, mish t’er n’yannoo peccah, as s’mooar ta my loght: agh ny kirree shoh, cre t’adsyn er n’yannoo? Lhig da dty laue, ta mee guee ort, ve m’oï’s as noi thie m’ayrey.

1 Recortyssyn 21:17

As dooyrt David rish Jee, Nagh nee mish hug sarey dy ghoaill earroo’n phobble? mish hene t’er n’yannoo’n peccah, as yn olk shoh; agh er son ny kirree shoh, cre t’adsyn er n’yannoo? lhig da dty laue, guee-ym ort, O Hiarn my Yee, ve orrym’s, as er thie m’ayrey; agh cha nee er dty phobble, dy beagh adsyn er nyn gerraghey.

Lioar Yob 35:8

Foddee dt’olkys jannoo aggair da dooinney myr t’ou hene, as foddee dty chairys ve vondeishagh da mac dooinney.

Ecclesiastes 9:18

Ta creenaght ny share na greïnyn-caggee: agh ta un drogh-yantagh cur naardey saase mie ny ghaa.

Jonah 1:11

Eisht dooyrt ad rish, Cre nee mayd rhyt, dy vod y keayn ve kiune dooin? (son va’n keayn freaney, as erskyn-towse stermagh).

Jonah 1:13

Ny-yeih, ren ny deiney gymmyrt dy doccaragh, dy chosney yn thalloo, agh cha voddagh ad roshtyn, son va’n keayn freaney, as dewil-dorrinagh noi oc.

Noo Ean 11:50

Chamoo ta shiu goaill eu hene kys dy vel eh ymmyrchagh er ny son ain, un dooinney dy gheddyn baase son y pobble, as gyn y slane ashoon dy herraghtyn.

Jannoo 27:24

Gra, Ny bee aggle ort, Phaul; shegin dhyt shassoo fenish Cesar: as cur-my-ner ta Jee er ghiootal ort ooilley adsyn ta shiaulley mayrt.

Joshua 7:12

Shen va’n oyr nagh voddagh cloan Israel shassoo roish nyn noidyn, agh dy dug ad cooyl da nyn noidyn, er-y-fa dy row ad cursit: chamoo veem’s ny-sodjey mêriu mannagh stroie shiu yn er custey shen veih ny-vud eu.