Jonah 1:10 - Yn Vible Casherick 1775 1819

¹⁰ Eisht va ny deiney erskyn-towse agglagh, as dooyrt ad rish, Cre’n-fa t’ou uss er n’yannoo shoh? (son va fys ec ny deiney dy row eh er-chea veih fenish y Chiarn, son v’eh er n’insh daue).

Jonah 1:10 ပူးပေါင်းရင်းမြစ်များ

Genesis 3:13

As dooyrt y Chiarn Jee rish y ven, Cre shoh t’ou er n’yannoo? As dreggyr y ven, Ren yn ard-nieu m’y volley, as ren mee gee.

2 Samuel 24:3

As dooyrt Joab rish y ree, Nish dy jean y Chiarn dty Yee bishaghey yn pobble, (cre-erbee t’ad ayns earroo,) keead-filley, as dy vod sooillyn my hiarn y ree fakin eh: agh cre’n-fa ta my hiarn y ree goaill taitnys dy yannoo shoh?

Lioar Yob 27:22

Son hig Jee dy trome er, as cha jean eh sparail: baillish cosney ass e laue.

Jonah 1:11

Eisht dooyrt ad rish, Cre nee mayd rhyt, dy vod y keayn ve kiune dooin? (son va’n keayn freaney, as erskyn-towse stermagh).

Jonah 1:3

Agh dirree Jonah seose dy roie er-chea gys Tarshish veih fenish y Chiarn, as hie eh sheese gys Joppa; as hooar eh lhong goll gys Tarshish: myr shen deeck eh yn leagh-shiaullee, as hie eh er boayrd, dy gholl mâroo gys Tarshish, veih fenish y Chiarn.

Noo Ean 19:8

Tra cheayll Pilate er-y-fa shen yn raa shoh, v’eh ny s’agglee;

Joshua 7:25

As dooyrt Joshua, Cre’n-fa t’ou er hayrn seaghyn orrin? nee’n Chiarn uss y heaghney yn laa jiu. As ren ooilley Israel eh y chlaghey lesh claghyn, as ad y lostey lesh aile erreish daue v’er chlaghey ad lesh claghyn.