Joel 3:9 - Yn Vible Casherick 1775 1819

⁹ Fockle-jee shoh magh mastey ny ashoonee: bee-jee ullee son y chaggey, dooisht-jee ny deiney niartal, lhig da ooilley ny deiney-caggee tayrn er-gerrey, lhig daue cheet seose.

Joel 3:9 ပူးပေါင်းရင်းမြစ်များ

Psalmyn 96:10

Insh-jee mastey ny ashoonyn, dy nee yn Chiarn y Ree: as dy nee eshyn eh t’er n’yannoo yn seihll runt cha shickyr nagh vod eh ve er ny scughey, as kys dy jean eh yn pobble y vriwnys dy cairagh.

Isaiah 34:1

Tar-jee er-gerrey, shiuish ashoonyn, dy chlashtyn; as eaisht-jee, shiuish phobble; lhig da’n ooir clashtyn, as ooilley ny ta ayn; yn seihll, as ooilley ny te dy ymmyrkey.

Jeremiah 31:10

Clasht-jee goo yn Chiarn, O shiuish ashoonyn, as jean-jee shoh y hoilshaghey ayns ny hellanyn foddey jeh, as abbyr-jee, Nee eh ren skeayley Israel eshyn y haglym, as nee eh fassaghey eh, myr ta bochilley e hioltane.

Jeremiah 50:2

Insh-jee magh mastey ny ashoonyn, as lhig daue clashtyn, as soie-jee seose yn mergey; cur-jee eam, as ny jean-jee keiltyn: abbyr-jee, Ta Babylon goit, ta Bel currit naardey, ta Merodach brisht ayns peeshyn; ta ny jeeghyn eck bun-ry-skyn, ny jallooyn eck nyn beeshyn mynney.

Jeremiah 51:11

Shleeu-jee ny sideyn; lhieen-jee ny builg-side: ta’n Chiarn er ghoostey spyrryd reeaghyn ny Medeyn: son t’eh kiarit noi Babylon dy stroie eh, as dy nee shoh yn cooilleeney ta’n Chiarn dy ghoaill son e hiamble.

Jeremiah 51:27

Soie-jee seose mergey ayns y cheer, sheid-jee yn trumpet mastey ny ashoonyn, soie-jee ny ashoonyn urree, muster-jee cooidjagh noi eck reeriaghtyn Ararat, Minni, as Ashchenaz; reih-jee captan noi eck; lhig da ny cabbil cheet seose myr ny braddagyn mollagh.

Jeremiah 6:4

Fow-jee aarloo dy chaggey n’oï; trog-jee, as lhig dooin goll seose ec y vun-laa. Smerg dooinyn! son ta’n laa goll shaghey, son ta scadooyn yn astyr er ny heeyney magh.

Ezekiel 38:17

Myr shoh ta’n Chiarn Jee dy ghra, Nee uss eshyn, loayr mee jeh ’sy chenn earish, liorish my harvaantyn phadeyryn Israel, ren phadeyrys ayns ny laghyn shen ymmodee bleeantyn, dy jinnin lhiam uss nyn ’oï?

Ezekiel 38:7

Kiartee oo hene, as bee er dty arrey dhyt hene, uss, as ooilley dty heshaght, ta er nyn jaglym hood’s, as bee uss son gard dauesyn.

Micah 3:5

Myr shoh ta’n Chiarn dy ghra mychione ny phadeyryn, ta coyrt shaghrynys er my phobble, ta lhottey lesh nyn veeacklyn, as fockley magh, Shee: as dy jarroo t’ad jannoo ad-hene aarloo gys caggey, noi eshyn nagh vel er lhieeney nyn meeal.

Haggai 2:7

As neem’s craa dy chooilley ashoon, as nee yeearree dy chooilley ashoon cheet, as lhieen-yms y thie shoh lesh gloyr, ta Chiarn ny flaunyssee dy ghra.

Zechariah 14:2

Son chaglee-ym ooilley ny ashoonee noi Jerusalem dy chaggey, as bee’n ard-valley er ny ghoaill, as bee ny thieyn er ny roostey, as bee ny mraane goit er-êgin, as hed y derrey lieh jeh’n ard-valley magh ayns cappeeys, as cha bee yn chooid elley jeh’n pobble er ny yiarey jeh veih’n ard-valley.

Zechariah 14:3

Eisht hed yn Chiarn magh, as nee eh caggey noi ny ashoonee shen, myr ren eh caggey ayns laa yn chah.