Joel 3:2 - Yn Vible Casherick 1775 1819

² Neem’s myrgeddin chaglym dy chooilley ashoon, as ver-yms lhiam sheese ad gys coan Yehoshaphat, as neem’s pleadeil roo ayns shen, son my phobble, as son my eiraght Israel, t’ad er skeayley mastey ny ashoonyn, as t’ad er rheynn my heer.

Joel 3:2 ပူးပေါင်းရင်းမြစ်များ

2 Recortyssyn 20:26

As er y chiarroo laa haink ad cooidjagh ayns coan Berachah; son ayns shen vannee ad y Chiarn: shen-y-fa va’n boayl cheddin enmyssit coan Berachah, gys y traa t’ayn.

Isaiah 66:16

Son liorish aile as y chliwe nee yn Chiarn pleadeil rish dy chooilley eill: as bee merriu yn Chiarn ymmodee.

Isaiah 66:18

Son shione dou ny obbraghyn as ny smooinaghtyn oc: hig eh gy-kione, dy jean-yms chaglym dy chooilley ashoon as glare; as hig ad, as ver ad my-ner my ghloyr.

Jeremiah 12:14

Shoh myr ta’n Chiarn dy ghra noi ooilley my ghrogh naboonyn, ta jannoo assee er yn eiraght hug mee da my phobble Israel; Cur-my-ner, nee’m ad y astyrt ass y cheer, as livrey-ym thie Yudah veih ny mast’ oc.

Jeremiah 25:31

Hig feiyr gys eer ardjyn sodjey magh yn ooir; son ta cooish ec y Chiarn rish ny ashoonyn; nee eh e chooish hene y ghoaill seose noi dy chooilley vac dooinney; faagee eh magh ny mee-chrauee gys y chliwe, ta’n Chiarn dy ghra.

Jeremiah 49:1

Mychione ny Ammoniteyn, shoh myr ta’n Chiarn dy ghra, Nagh vel mec ec Israel? nagh vel eirey echey? cre’n-fa eisht ta’n ree ocsyn goaill Gad myr eiraght, as e phobble cummal ayns ny ard-valjyn echeysyn?

Jeremiah 50:17

Ta Israel ny cheyrrey chailjey; ta ny lionyn er n’eiyrt ersooyl eh: hoshiaght d’ee ree Assyria yn eill jeh, as ny lurg-syn ta ree Vabylon er chaigney e chraueyn.

Ezekiel 25:8

Myr shoh ta’n Chiarn Jee dy ghra, Er-yn-oyr dy vel Moab as Seir gra, Cur-my-ner ta thie Yudah goll-rish ooilley ny ashoonee:

Ezekiel 34:6

Ren ny kirree aym’s rouail trooid ooilley ny sleityn, as er dagh cronk ard: dy jarroo va my hioltane er ny skeayley feaï-ny-cruinney, as cha ren fer erbee ronsagh ny briaght nyn yeï.

Ezekiel 35:10

Er-yn-oyr dy vel oo er ghra, Bee yn daa ashoon shoh, as y daa heer shoh lhiam’s, as nee mayd cummal ayndoo, ec y traa va’n Chiarn ayns shen:

Ezekiel 36:1

Myrgeddin, uss vac y dooinney, jean phadeyrys gys sleityn Israel, as abbyr, Shiuish sleityn Israel, clasht-jee rish goo yn Chiarn.

Ezekiel 36:5

Shen-y-fa, myr shoh ta’n Chiarn Jee dy ghra, S’feer eh, ayns aile my eadolys ta mee er loayrt noi yn chooid elley jeh ny ashoonee, as noi ooilley Idumea, ta er ghoaill orroo dy hoiaghey magh yn thalloo aym’s son eiraght daue hene, lesh slane boggey nyn gree, lesh aignaghyn elgyssagh, dy yiarey magh eh son spooilley.

Ezekiel 38:22

As nee’m eshyn y vriwnys lesh y phlaih as lesh fuill, as deayrt-yms ersyn, as er ooilley e heshaghtyn-caggee, as er yn ymmodee pobble ta mârish, thooillaghyn fliaghee, as claghyn-sniaghtee mooar, aile as brimstone.

Ezekiel 39:11

As hig eh gy-kione er y laa shen, dy der-yms da Gog ynnyd oanluckee ayns Israel, eer coan ny troailtee, cheu-har jeh’n aarkey: as nee ny troailtee cummal nyn stroanyn: as ayns shen nee ad Gog y oanluckey, as ooilley yn ymmodee echey, as nee ad genmys eh, Coan Hamon-gog.

Joel 3:12

Lhig da ny ashoonee ve er nyn ghoostey, as lhig daue cheet seose gys coan Yehoshaphat: son ayns shen neem’s soie dy vriwnys ooilley ny ashoonee ta mygeayrt.

Joel 3:14

Earrooyn mooarey, erskyn earrooyn mooarey ayns coan y vriwnys: son ta laa yn Chiarn er-gerrey ayns coan y vriwnys.

Amos 1:11

Shoh myr ta’n Chiarn dy ghra, Son three ard-pheccaghyn Edom, as son kiare cha jyndaa-ym ersooyl e cherraghey: er-yn-oyr dy deiyr eh er e vraar lesh y chliwe, as dy hilg eh jeh dy chooilley erreeish, as ren e chorree freaney dy kinjagh, as dreill eh e yymmoose son dy bragh.

Micah 4:12

Agh cha vel fys oc er smooinaghtyn y Chiarn, chamoo t’ad toiggal e choyrle: son nee eh ad y haglym myr bunneeyn gys y laare-vooie.

Zephaniah 3:8

Shen-y-fa, fark-jee orrym’s, ta’n Chiarn dy ghra, derrey’n laa irree-ym seose gys y chragh: son ta mee kiarit dy haglym ny ashoonyn, dy hayrn cooidjagh ny reeriaghtyn, dy gheayrtey magh orroo my yymmoose, eer slane dewilys my chorree: son bee ooilley yn ooir er ny lostey seose lesh aile my eadolys.

Ashlish 11:18

As va ny ashoonyn corree, as ta dty yymmoose er jeet, as traa ny merriu dy ve er nyn mriwnys, as uss dy choyrt leagh da dty harvaantyn ny phadeyryn, as da ny nooghyn, as dauesyn ta goaill aggle roish dty ennym, beg as mooar, as dy stroie adsyn ta mhilley’n seihll.

Ashlish 16:14

Son spyrrydyn jouyil ad gobbraghey mirrilyn, ta goll magh gys reeaghyn y thallooin, as ooilley’n seihll, dy haglym ad gys caggey yn laa mooar shen jeh’n Ooilley-niartal Jee.

Ashlish 16:16

As ren eh ad y haglym cooidjagh gys ynnyd enmyssit ayns Hebrew, Armageddon.

Ashlish 16:6

Son t’ad er gheayrtey fuill nooghyn as phadeyryn, as t’ou er choyrt daue fuill dy iu; son shen t’ad dy hoilliu.

Ashlish 20:8

As hed eh magh dy volley ny ashoonyn t’ayns ny kiare ayrnyn jeh’n theihll, Gog as Magog, dy haglym ad dy cheilley gys caggey: nyn earroo ta myr genniagh ny marrey.