Joel 3:17 - Yn Vible Casherick 1775 1819

¹⁷ Myr shen bee fys eu, dy nee mish y Chiarn yn Jee eu, ta cummal ayns Zion, my lieau’s casherick: eisht bee Jerusalem casherick, as cha jed joarreeyn arragh ny hrooid.

Joel 3:17 ပူးပေါင်းရင်းမြစ်များ

Lioar Yob 15:19

Dauesyn ny-lomarcan va’n thalloo er ny choyrt, as nagh daink joarree erbee ny mast’ oc.

Psalmyn 76:2

Ec Salem ta e chabbane-agglish: as e chummal ayns Sion.

Psalmyn 9:11

O moylley-jee yn Chiarn ta baghey ayns Sion: soilshee-jee da’n pobble cre t’eh er n’yannoo.

Exodus 16:12

Ta mee er chlashtyn trughanys chloan Israel: loayr roo, gra, Fastyr yiow shiu feill dy ee, as ’sy voghrey yiow shiu nyn saie arran: as bee fys eu, dy nee mish y Chiarn y Jee eu.

Isaiah 11:9

Cha jean ad gortaghey ny stroie ayns ooilley my lieau’s casherick: son bee yn seihll lane jeh tushtey yn Chiarn, myr ta ny ushtaghyn coodaghey diunid ny marrey.

Isaiah 12:6

Eïe magh, as yllee, uss chummaltagh Zion: son s’mooar ta’n Fer-casherick dy Israel cheu-sthie jeed.

Isaiah 35:8

As bee raad-mooar ayns shen, eer raad vees enmyssit, Yn raad dy ynrickys; cha jed adsyn ta neu-ghlen er; agh bee eh son y vooinjer elley: cha lhiass da troailtee, ga dy veggan tushtey, goll er-shaghryn ayn.

Isaiah 4:3

As hig eh gy-kione, dy bee eshyn ta faagit ayns Zion, as eshyn ta er-mayrn ayns Jerusalem, enmyssit casherick, dy jarroo dagh unnane ta e ennym currit stiagh son bio ayns Jerusalem:

Isaiah 46:13

Ver-ym lhiam my ynrickys er-gerrey; cha bee eh foddey jeh, as cha jean my haualtys cumrail; as soie-yms saualtys ayns Zion cour Israel my ghloyr.

Isaiah 52:1

Dooisht oo, dooisht oo; cur mood dty niart, O Zion; cur mood dty gharmadyn aalin, O Yerusalem, yn ard-valley casherick: veih shoh magh cha jig ny smoo stiagh aynyd’s ny chymmyltee as y neu-ghlen.

Isaiah 56:7

Eer ad shen ver-ym lhiam gys my lieau casherick, as nee’m ad gerjoil ayns my hie dy phadjer; bee soiaghey jeant jeh ny ourallyn-losht as ny chebballyn oc er my altar: son bee my hie’s enmyssit thie dy phadjer son dy chooilley phobble.

Jeremiah 31:23

Myr shoh ta Chiarn ny flaunyssee, Jee Israel, dy ghra, Nee ad foast gimraa ny goan shoh ayns cheer Yudah, as ayns ny ard-valjyn oc, tra nee’m yn chappeeys oc y hyndaa, Dy bannee yn Chiarn oo, O ynnyd-vaghee dy chairys, as y cronk dy chasherickys.

Jeremiah 31:40

As bee slane coan ny kirp marroo, as thorran ny leoie, as ooilley ny magheryn, choud’s strooan Chidron, gys corneil giat ny gabbyl lesh y shiar, casherick gys y Chiarn: cha bee eh er ny rassey veih’n undin, ny lhieggit, arragh son dy bragh.

Ezekiel 20:40

Son er my lieau’s casherick, ayns yrjid slieau Israel, ta’n Chiarn Jee dy ghra, ayns shen nee slane lught-thie Israel, veih dy chooilley ashoon, mish y hirveish: shen y raad neem’s soiaghey j’iu, as shen y raad goym’s rish nyn ourallyn, as y chied-vess jeh nyn jebballyn, marish ooilley nyn nheeghyn casherick.

Ezekiel 37:6

As nee’m fehyn y choyrt erriu, as ver-ym er feill dy heet seose erriu, as coodee-ym shiu lesh crackan, as ver-ym ennal ayndiu: as bee shiu bio, as bee fys eu, dy nee mish y Chiarn.

Ezekiel 43:12

Shoh leigh yn thie; er mullagh y clieau bee yn slane cagliagh echey ooilley mygeayrt ard-chasherick: cur-my-ner, shoh leigh yn thie.

Ezekiel 44:9

Myr shoh ta’n Chiarn Jee dy ghra, Cha jean joarree erbee, nagh vel er ny yiarey-chymmylt ayns cree, chammah’s callin, goll stiagh ayns my ynnyd’s casherick, eer joarree erbee ta mastey cloan Israel.

Ezekiel 48:35

Va’n slane towshan mygeayrt hoght thousaneyn jeig dy howshanyn: as bee ennym yn ard-valley veih yn laa shen, Ta’n CHIARN ayns shen.

Daniel 11:45

As troggee eh cabbaneyn e champ eddyr ny faarkaghyn, er y clieau gloyroil casherick; ny-yeih hig jerrey er, as cha jean fer erbee cooney lesh.

Daniel 9:16

O Hiarn, cordail rish ooilley dty ynrickys, ta mee guee ort, lhig da dty chorree, as dty yymmoose va er ny chastey veih dty ard-valley Jerusalem, dty lieau casherick: son kyndagh rish nyn beccaghyn hene, as drogh-yannoo nyn ayraghyn, ta Jerusalem, as dty phobble, er jeet dy ve an-ghoo dauesyn ooilley ta mygeayrt-y-mooin.

Joel 2:27

As bee fys eu, dy vel mish ayns mean Israel, as dy nee mish yn Chiarn, y Jee eu, as cha nee fer erbee elley: as cha bee my phobble dy bragh er nyn goyrt gys nearey.

Joel 3:21

Son glen-yms yn uill ocsyn, nagh vel mee er ghlenney; son ta’n Chiarn cummal ayns Zion.

Micah 4:7

As ver-ym sluight jeeish va baccagh, as neem’s ashoon lajer jeeish va eiyrit foddey magh; as nee yn Chiarn reill harrystoo ayns cronk Zion, veih shoh magh dy jarroo son dy bragh.

Nahum 1:15

Cur-my-ner er ny sleityn ny cassyn echeysyn ta coyrt lesh naightyn mie, ta fockley-magh shee: O Yudah, freill dty eaillaghyn casherick, cooilleen dty vreearraghyn: son cha jed y tranlaasagh dty hrooid arragh, t’eh dy bollagh giarit jeh.

Zechariah 8:3

Myr shoh ta’n Chiarn dy ghra, Ta mee er hyndaa gys Zion, as nee’m cummal ayns mean Yerusalem, as bee Jerusalem enmyssit, Ard-valley yn ynrickys, as slieau Chiarn ny flaunyssee, Yn slieau casherick.

Ashlish 21:27

As cha jed stiagh ayn er aght erbee red erbee neu-ghlen, chamoo nhee erbee ta gobbraghey eajeeys, ny jannoo foalsaght: agh adsyn ta scruit ayns lioar vea yn Eayn.