Joel 3:16 - Yn Vible Casherick 1775 1819

¹⁶ Nee yn Chiarn myrgeddin gyllagh dy ard ass Zion, as nee eh fockley-magh e choraa veih Jerusalem; as bee ny niaughyn as y thalloo er-creau; agh bee yn Chiarn treishteil e phobble, as niart cloan Israel.

Joel 3:16 ပူးပေါင်းရင်းမြစ်များ

Psalmyn 18:2

Neem’s geamagh er y Chiarn, ta feeu dy ve er ny voylley: myr shen bee’m sauchey veih my noidyn.

Psalmyn 61:3

O soie mee seose er y chreg ta ny syrjey na mee: son t’ou er ve my hreishteil, as toor lajer dooys noi yn noid.

Raaghyn Creeney 18:10

Ta ennym y Chiarn toor lajer: ta’n dooinney cairagh chea huggey, as t’eh ayns sauchys.

Isaiah 33:16

Nee eshyn cummal ’syn yrjid: bee troshid ny creggyn cashtal e endeilys, bee arran er ny choyrt da, bee e ushtaghyn shickyr.

Isaiah 33:21

Agh shen y raad bee’n Chiarn gloyroil dooinyn ammyr ny hawinyn lheaney as strooanyn; ayn nagh jed gallee erbee lesh maidjyn-raue, chamoo hed lhong ard-voyrnagh shaghey.

Isaiah 42:13

Hed y Chiarn magh myr treanagh, greinnee eh seose e ghunnallys myr dooinney-caggee: nee eh gyllagh, as s’agglagh vees e choraa; ver eh fo-chosh e noidyn.

Isaiah 51:16

As ta mee er choyrt my ghoan ayns dty veeal, as er dty choodaghey ayns scadoo my laue, dy choamrey ny niaughyn, as dy hoiaghey undinyn y thallooin, as dy ghra rish Zion, Uss my phobble.

Jeremiah 16:19

O Hiarn my niart, as my chashtal lajer, as my chemmyrk ’sy laa dy heaghyn, hig ny ashoonee hood’s veih ardjyn sodjey magh yn ooir, as jir ad, Son shickyrys va eiraght nyn ayraghyn ayns breagyn, fardalys, as reddyn gyn ymmyd.

Jeremiah 17:17

Ny bee son atchim dou: t’ou uss my hreishteil ’sy laa seaghnagh.

Ezekiel 38:19

Son ayns my eadolys, as ayns chiass my eulys ta mee er loayrt: s’feer eh, er y laa shen dy bee craa-hallooin atchimagh ayns thalloo Egypt.

Hosea 11:10

Nee ad gimmeeaght lurg y Chiarn: troggee eh seose e choraa myr lion: tra ver eh magh e choraa, eisht bee’n chloan er-creau voish y neear.

Amos 1:2

As dooyrt eh, Nee yn Chiarn freaney veih Zion, as fockley-magh e choraa veih Jerusalem: as nee ynnydyn-vaghee ny bochillyn dobberan, as nee mullagh Charmel fioghey.

Amos 3:8

Ta’n lion er vuirroogh, quoi nagh gow aggle? ta’n Chiarn Jee er loayrt, quoi nagh jean phadeyrys?

Nahum 1:7

Ta’n Chiarn dooie, fendeilagh lajer ayns y laa seaghnagh, as shione da adsyn ta treishteil aynsyn.

Haggai 2:6

Son shoh myr ta Chiarn ny flaunyssee dy ghra, Foast yn un cheayrt shoh, as cha vel shen agh son tammylt, dy jean-yms craa ny niaughyn, as y thalloo, as y faarkey, as y thalloo chirrym:

Haggai 2:7

As neem’s craa dy chooilley ashoon, as nee yeearree dy chooilley ashoon cheet, as lhieen-yms y thie shoh lesh gloyr, ta Chiarn ny flaunyssee dy ghra.

Zechariah 10:12

As neem’s ad y niartaghey ayns y Chiarn, as nee ad shooyl noon as noal ayns e ennym, ta’n Chiarn dy ghra.

Zechariah 10:6

As neem’s thie Yudah y niartaghey, as saue-yms thie Yoseph, as ver-ym lhiam reesht ad gys nyn ynnyd hene; son ta myghin aym orroo: as bee ad myr nagh beign er n’yiooldey voym ad: son ta mish yn Chiarn y Jee oc, as eaisht-ym roo.

Zechariah 9:12

Chyndaa-jee gys yn chashtal lajer, shiuish phryssoonee dy hreishteil, eer er y laa shoh, ta mee dy hickyraghey, dy jean-ym cooilleeney dooble dhyt.

Hebrewnee 12:26

E choraa ren ec y traa shen yn thalloo y chraa: agh nish t’eh er ghialdyn, gra, Foast keayrt elley nee’m craa cha nee ynrycan y thalloo, agh niau myrgeddin.

Ashlish 11:13

As ’syn oor cheddin va craa mooar thallooin ayn, as huitt yn jeihoo ayrn jeh’n ard-valley, as ayns y craa-thallooin v’er nyn stroie shiaght thousane dooinney: as v’adsyn va er-mayrn atchimagh, as hug ad gloyr da Jee t’ayns niau.

Ashlish 11:19

As va chiamble Yee er ny osley ayns niau, as va arg e chonaant er ny akin ayns e hiamble: as va tendreilyn, as coraaghyn, as taarnaghyn, as craa-hallooin, as claghyn mooarey sniaghtee.

Ashlish 16:18

As va coraaghyn, as taarnaghyn, as tendreilyn; as va craa mooar thallooin, lheid as nagh row rieau neayr’s va sheelnaue er ny chroo, lheid y chraa-thallooin mooar as atchimagh.

1 Samuel 15:29

Myrgeddin cha jean eshyn ta coyrt barriaght da Israel caghlaa, ny goaill arrys: son cha nee dooinney eh, dy goghe eh arrys.