Joel 3:15 - Yn Vible Casherick 1775 1819

¹⁵ Bee yn ghrian as yn eayst fo dorraghys, as cha geau ny rollageyn nyn soilshey.

Joel 3:15 ပူးပေါင်းရင်းမြစ်များ

Ecclesiastes 12:2

Roish my vees y ghrian, ny’n soilshey, ny’n eayst, ny foast ny rollageyn er ny ghorraghey, as nagh vel ny bodjallyn er jyndaa lurg y fliaghey:

Isaiah 13:10

Son cha der rollageyn niau, ny ny co-soilshaghyn, nyn sollyssid: nee’n ghrian girree ayns dorraghys, as cha jean yn ray-sollys soilshean.

Ezekiel 32:7

As tra nee’m oo y vooghey, coodee-ym yn aer, as dollee-ym ny rollageyn: as tilg-ym bodjal er y ghrian, as cha der yn eayst magh e ray-sollys.

Joel 2:10

Nee yn thalloo craa kiongoyrt roo, bee ny niaughyn er-creau; hig dorraghys er y ghrian as yn eayst, as cha geau ny rollageyn nyn soilshey.

Joel 2:31

Bee yn ghrian er ny hyndaa gys dorraghys, as yn eayst gys fuill, roish my jig laa mooar as atchimagh y Chiarn.

Noo Mian 24:29

Chelleeragh lurg seaghyn ny laghyn shen, hig dorraghys er y ghrian, as cha der yn eayst e soilshey, as tuittee rollageyn yn aer, as bee pooaraghyn yn aer er nyn graa.

Noo Mark 13:24

Agh ayns ny laghyn cheddin, lurg y seaghyn shen, aasee yn ghrian dorraghey, as cha der yn eayst e soilshey:

Ashlish 8:12

As heid y chiarroo ainle, as va’n trass ayrn jeh’n ghrian fo dorraghys, as y trass ayrn jeh’n eayst, as y trass ayrn jeh ny rollageyn; ayns wheesh as dy row yn trass ayrn jeu fo dorraghys, as cha daink y laa rish son y trass ayrn jeh, as yn oie myrgeddin.