Joel 3:14 - Yn Vible Casherick 1775 1819

¹⁴ Earrooyn mooarey, erskyn earrooyn mooarey ayns coan y vriwnys: son ta laa yn Chiarn er-gerrey ayns coan y vriwnys.

Joel 3:14 ပူးပေါင်းရင်းမြစ်များ

Psalmyn 37:13

Cha jean y Chiarn agh craid jeh: son t’eh er vakin dy vel y laa echey er-gerrey.

Isaiah 13:4

Feiyr ymmodee ayns ny sleityn, myr jeh pobble mooar; tharmane reeriaghtyn ny ashoonyn er nyn jaglym cooidjagh: ta Chiarn ny flaunyssee musteral e heshaght-chaggee:

Isaiah 22:1

Errey coan yn ashlish. Cre ta jannoo ort nish, dy vel shiu ooilley er n’gholl seose gys mullagh ny thieyn?

Joel 1:15

Ah treih son y laa! son ta laa yn Chiarn er-gerrey, as goll-rish toyrt-mow veih yn Ooilley-niartal hig eh.

Joel 2:1

Sheid-jee yn trumpet ayns Zion, as trog-jee tharmane caggee ayns my chronk casherick: lhig da ooilley cummaltee ny cheerey ve er-creau: son ta laa yn Chiarn cheet, son te faggys dy laue.

Joel 2:11

As nee yn Chiarn fockley-magh e choraa roish e heshaght-chaggee; son ta’n camp echey feer vooar, son s’niartal t’eshyn, ta cooilleeney e ghoo: son ta laa yn Chiarn mooar, as feer atchimagh, as quoi oddys shassoo roish?

Joel 3:12

Lhig da ny ashoonee ve er nyn ghoostey, as lhig daue cheet seose gys coan Yehoshaphat: son ayns shen neem’s soie dy vriwnys ooilley ny ashoonee ta mygeayrt.

Joel 3:2

Neem’s myrgeddin chaglym dy chooilley ashoon, as ver-yms lhiam sheese ad gys coan Yehoshaphat, as neem’s pleadeil roo ayns shen, son my phobble, as son my eiraght Israel, t’ad er skeayley mastey ny ashoonyn, as t’ad er rheynn my heer.

Zephaniah 1:14

Ta laa mooar y Chiarn er-gerrey, as cheet feer siyragh, dy jarroo coraa laa yn Chiarn: nee yn dooinney niartal keayney ayns shen dy sharroo.

Philippianee 3:2

Cur-jee twoaie jeh moddee, cur-jee twoaie jeh drogh-yantee, cur-jee twoaie jeh’n cowrey-foalley.

2 Peddyr 3:7

Agh ta ny niaughyn as yn thalloo t’ayn nish, liorish y goo cheddin freilt ayns stoyr, kiarit son yn aile ry-hoi laa ny briwnys, as toyrt-mow deiney mee-chrauee.