Joel 3:11 - Yn Vible Casherick 1775 1819

¹¹ Chaggle-jee shiu hene, as tar-jee, ooilley shiuish ashoonee, as chymsee-jee shiu hene dy cheilley ooilley mygeayrt: gys shen cur er dty gheiney niartal dy heet sheese, O Hiarn.

Joel 3:11 ပူးပေါင်းရင်းမြစ်များ

Psalmyn 103:20

O bannee-jee yn Chiarn, shiuish e ainleyn, shiuish ta pooaral ayns niart: shiuish ta cooilleeney e harey, as ta geaishtagh rish coraa e ghoan.

Isaiah 10:34

As giaree eh sheese biljyn y cheyll lesh yiarn, as nee Lebanon tuittym liorish fer niartal.

Isaiah 13:3

Ta mee er n’oardaghey my vooinjer chasherick, ta mee myrgeddin er n’eamagh er my vooinjer niartal cour my yymmoose, dy feer, adsyn ta goaill boggey ayns my yrjid.

Isaiah 37:36

Eisht hie ainle y Chiarn magh, as woaill eh ayns camp ny Assyrianee nuy-feed as queig thousaneyn: as tra dirree ad ’sy voghrey, cur-my-ner, v’ad ooilley nyn girp marroo.

Joel 3:2

Neem’s myrgeddin chaglym dy chooilley ashoon, as ver-yms lhiam sheese ad gys coan Yehoshaphat, as neem’s pleadeil roo ayns shen, son my phobble, as son my eiraght Israel, t’ad er skeayley mastey ny ashoonyn, as t’ad er rheynn my heer.

Micah 4:12

Agh cha vel fys oc er smooinaghtyn y Chiarn, chamoo t’ad toiggal e choyrle: son nee eh ad y haglym myr bunneeyn gys y laare-vooie.

Zephaniah 3:8

Shen-y-fa, fark-jee orrym’s, ta’n Chiarn dy ghra, derrey’n laa irree-ym seose gys y chragh: son ta mee kiarit dy haglym ny ashoonyn, dy hayrn cooidjagh ny reeriaghtyn, dy gheayrtey magh orroo my yymmoose, eer slane dewilys my chorree: son bee ooilley yn ooir er ny lostey seose lesh aile my eadolys.

2 Thessalonianee 1:7

As diuish ta seaghnit, fea mârin, tra vees y Chiarn Yeesey er ny hoilshaghey veih niau marish e ainleyn niartal.

Ashlish 19:14

As deiyr er sheshaghtyn-caggee niau, er cabbil baney, coamrit lesh aanrit keyl, gial as glen.