Joel 3:1 - Yn Vible Casherick 1775 1819

¹ Son cur-jee my-ner, ayns ny laghyn shen, as ec y traa cheddin, tra ver-yms chyndaa da cappeeys Yudah as Yerusalem,

Joel 3:1 ပူးပေါင်းရင်းမြစ်များ

Psalmyn 14:7

Ta toyrt-mow as mee-vaynrys ayns nyn raaidyn, as raad y chee cha bione daue: cha vel aggle erbee dy Yee roish nyn sooillyn.

Psalmyn 85:1

Hiarn, t’ou er jeet dy ve graysoil da dty heer: t’ou er hyndaa ersooyl cappeeys Yacob.

Raaghyn Creeney 1:23

Chyndaa-jee ec my oghsan: cur-my-ner, deayrt-yms magh my spyrryd erriu, nee’m soilshaghey my ghoan diu.

Isaiah 44:3

Son ver-yms magh ushtey er e hon-syn ta paagh, as thooillaghyn er y thalloo chirrym; nee’m my Spyrryd y gheayrtey magh er dty luight, as my vannaght er cloan dty chlienney:

Jeremiah 16:15

Agh, ta’n Chiarn bio hug lesh seose cloan Israel veih’n cheer my-hwoaie, as veih dy chooilley heer raad va mee er n’imman ad: as ver-ym lhiam ad reesht gys y cheer oc hene hug mee da nyn ayraghyn.

Jeremiah 29:14

As yiow shiu mish foayroil diu, ta’n Chiarn dy ghra; as chyndaa-yms ersooyl yn cappeeys eu, as neem’s shiu y haglym ass dy chooilley ashoon, as veih dy chooilley ynnyd, raad ta mee er n’eiyrt shiu, dooyrt y Chiarn; as ver-ym lhiam shiu reesht gys y voayl veih shen deiyr mee shiu gys cappeeys.

Jeremiah 30:18

Shoh myr ta’n Chiarn dy ghra, Cur-my-ner, ver-ym lhiam reesht cappeeys cabbaneyn Yacob, as bee myghin aym er ny ynnydyn-vaghee echey; as bee yn ard-valley troggit reesht er e shenn undin, as bee yn chiamble shassoo myr ve roïe.

Jeremiah 30:3

Son cur-my-ner, ta ny laghyn cheet, ta’n Chiarn dy ghra, dy jyndaa-yms reesht cappeeys my phobble Israel as Judah, ta’n Chiarn dy ghra; as ver-yms orroo dy hyndaa gys y cheer hug mee da nyn ayraghyn, as yiow ad eh ayns nyn gummal.

Ezekiel 16:53

Tra neem’s yn chappeeys ocsyn y hyndaa, eer cappeeys Sodom as ny inneenyn eck, cappeeys Samaria as ny inneenyn ecksh, eisht ver-yms lhiam reesht cappeeys ny cappeeyn ayd’s ny mast’ oc.

Ezekiel 39:25

Shen-y-fa, shoh myr ta’n Chiarn Jee dy ghra, Nish ver-ym chyndaa da cappeeys Yacob, as bee myghin aym er slane lught-thie Israel, as bee’m eadolagh son my ennym’s casherick.

Daniel 12:1

As ec y traa shen, shassee Michael seose, yn ard-phrince, ta ass lieh cloan dty phobble, as hig traa seaghnagh, lheid as nagh row rieau neayr va ashoon, gys yn eer traa cheddin: as ec y traa shen bee dty phobble er ny livrey, dagh unnane vees ry-gheddyn scruit ayns y lioar.

Joel 2:29

As myrgeddin er ny fir-vooinjer, as er ny sharvaantyn, ayns ny laghyn shen, deayrt-yms magh my spyrryd.

Amos 9:14

As nee’m feaysley reesht cappeeys my phobble Israel, as nee ad troggal ny ard-valjyn ta naardey, as cummal ayndoo; as nee ad garaghyn-feeyney y hoiaghey, as giu jeh’n feeyn oc; nee ad myrgeddin garaghyn y yannoo, as gee yn mess oc.

Earrooyn 11:29

As dooyrt Moses rish, Vel uss troo er y choontey aym’s? dy baillish Jee dy beagh ooilley pobble y Chiarn phadeyryn, as dy jinnagh y Chiarn cur e spyrryd orroo.

Earrooyn 12:6

As dooyrt eh, Eaisht-jee nish rish my ghoan; My ta phadeyr ny mast’ eu, Mish y Chiarn, nee soilshaghey mee hene da ayns ashlish, as loayr-ym rish aym’s dreamal.

Deuteronomy 30:3

Dy jean y Chiarn dty Yee chyndaa dty chappeeys, as bee chymmey echey ort, as nee eh meiyghey, as chaglym shiu ass dy chooilley ashoon, nyn vud ta’n Chiarn dty Yee er dty skeayley.