Joel 2:7 - Yn Vible Casherick 1775 1819

⁷ Nee ad roie myr deiney trean, snaue-ee ad seose er y voalley myr deiney-caggee, as nee ad marchal dagh unnane oc jeeragh er e hoshiaght, as cha brishee ad nyn rankyn.

Joel 2:7 ပူးပေါင်းရင်းမြစ်များ

2 Samuel 1:23

S’ghraihoil as s’aalin yn aigney-mie va eddyr Saul as Jonathan ayns nyn mioys, as ayns baase cha row ad er nyn scarrey: v’ad ny s’bieau na urlee, v’ad ny s’troshey na lionyn.

2 Samuel 5:8

As dooyrt David er y laa shen, Quoi-erbee chosnys stiagh er ny gutteryn-ushtey, as woaillys ny Jebusiteyn, as ny baccee, as ny doail, ta dwoaie oc er annym Ghavid, bee eshyn ny ard-chaptan. Shen-y-fa te oc myr raa, Cre dooyrt ny doail as ny baccee rish [David]? Cha vow eh stiagh ’sy voayl shoh.

1 Recortyssyn 12:36

As jeh Asher, lheid as hie magh gys caggey, schleioil ’sy vagher, da-eed thousane.

Lioar Yob 16:14

T’eh dy my vrishey lesh brishey er brishey; t’eh roie orrym myr dooinney caggee.

Psalmyn 19:5

Ayndoo t’eh er hoiaghey cabbane son y ghrian: ta cheet magh myr dooinney-poosee ass e hiamyr, as goaill boggey myr dooinney lajer dy roie e choorse.

Raaghyn Creeney 30:27

Cha vel ree er ny locustyn, ny-yeih t’ad goll magh ayns sheshaghtyn;

Jeremiah 5:10

Seose-jee er ny voallaghyn eck, as stroie-jee ad; agh ny jean-jee slane jerrey orroo: gow-jee ersooyl ny tooryn eck; son cha nee lesh y Chiarn ad.

Joel 2:8

Chamoo nee fer jeu chionney er fer elley, nee ad gimmeeaght dy chooilley er ayns e chassan hene; as tra huittys y cliwe orroo, cha bee ad lhottit.

Joel 2:9

Nee ad roie noon as noal ’syn ard-valley; nee ad roie er y voalley, snaue-ee ad seose er ny thieyn: hed ad stiagh er ny uinniagyn myr maarliagh.