Joel 2:31 - Yn Vible Casherick 1775 1819

³¹ Bee yn ghrian er ny hyndaa gys dorraghys, as yn eayst gys fuill, roish my jig laa mooar as atchimagh y Chiarn.

Joel 2:31 ပူးပေါင်းရင်းမြစ်များ

Jeremiah 4:28

Son shoh nee’n thalloo dobberan, as bee ny niaughyn heose ayns doo-dorraghys: er-y-fa dy vel mee er loayrt eh, ta foym dy bee eh jeant, as cha jean-ym arrys y ghoaill, chamoo nee’m shen y chaghlaa.

Ezekiel 32:7

As tra nee’m oo y vooghey, coodee-ym yn aer, as dollee-ym ny rollageyn: as tilg-ym bodjal er y ghrian, as cha der yn eayst magh e ray-sollys.

Joel 2:1

Sheid-jee yn trumpet ayns Zion, as trog-jee tharmane caggee ayns my chronk casherick: lhig da ooilley cummaltee ny cheerey ve er-creau: son ta laa yn Chiarn cheet, son te faggys dy laue.

Joel 2:10

Nee yn thalloo craa kiongoyrt roo, bee ny niaughyn er-creau; hig dorraghys er y ghrian as yn eayst, as cha geau ny rollageyn nyn soilshey.

Joel 2:11

As nee yn Chiarn fockley-magh e choraa roish e heshaght-chaggee; son ta’n camp echey feer vooar, son s’niartal t’eshyn, ta cooilleeney e ghoo: son ta laa yn Chiarn mooar, as feer atchimagh, as quoi oddys shassoo roish?

Joel 2:2

Laa dy ghorraghys, as dy ghrooid, laa dy vodjallyn as dy ghorraghys dowin, myr y voghrey skeaylt er ny sleityn; pobble mooar as niartal, cha row rieau nyn lheid, chamoo vees arragh ny lurg oc, eer gys bleeantyn ymmodee sheelogheyn.

Joel 3:1

Son cur-jee my-ner, ayns ny laghyn shen, as ec y traa cheddin, tra ver-yms chyndaa da cappeeys Yudah as Yerusalem,

Joel 3:15

Bee yn ghrian as yn eayst fo dorraghys, as cha geau ny rollageyn nyn soilshey.

Zechariah 14:6

As hig eh gy-kione ’sy laa shen, nagh bee’n soilshey sollys ny dorraghey.

Malachi 4:1

Son cur-my-ner ta’n laa cheet nee lostey myr oghe, as bee ooilley ny mooaralee, as eer adsyn ta cur-rish olkys, myr y coau, as nee yn laa ta cheet ad y lostey seose, ta Chiarn ny flaunyssee dy ghra; myr shen nagh vaag eh daue, eddyr fraue ny banglane.

Malachi 4:5

Cur-my-ner, ver-yms hiu Elijah yn phadeyr, roish my jig yn laa mooar shen as atchimagh yn Chiarn.

Noo Mian 24:29

Chelleeragh lurg seaghyn ny laghyn shen, hig dorraghys er y ghrian, as cha der yn eayst e soilshey, as tuittee rollageyn yn aer, as bee pooaraghyn yn aer er nyn graa.

Noo Mian 27:45

Nish veih yn cheyoo oor, va dorraghys harrish ooilley yn cheer, gys yn nuyoo oor.

Noo Luke 21:25

As bee cowraghyn ayns y ghrian, as ayns yn eayst, as ayns ny rollageyn: as er y thalloo seaghyn er ashoonyn, as angaish; yn faarkey, as ny tonnyn freaney;

Jannoo 2:20

Bee yn ghrian er ny hyndaa gys dorraghys, as yn eayst gys fuill, roish my jig laa mooar as cronnal y Chiarn.

Ashlish 8:12

As heid y chiarroo ainle, as va’n trass ayrn jeh’n ghrian fo dorraghys, as y trass ayrn jeh’n eayst, as y trass ayrn jeh ny rollageyn; ayns wheesh as dy row yn trass ayrn jeu fo dorraghys, as cha daink y laa rish son y trass ayrn jeh, as yn oie myrgeddin.