Joel 2:30 - Yn Vible Casherick 1775 1819

³⁰ As soilshee-ym yindyssyn ayns yn aer, as er y thalloo, fuill, as aile, as torcan jaagh.

Joel 2:30 ပူးပေါင်းရင်းမြစ်များ

Genesis 19:28

As yeeagh eh lesh Sodom as Gomorrah, as lesh ooilley yn cheer rea, as honnick eh, as cur-my-ner, hrog jaagh ny cheerey seose, myr jaagh coirrey.

Arrane Solomon 3:6

Quoi eh shoh ta cheet seose ass yn aasagh, goll-rish pillaryn jaagh, as mârish bree dy hoar millish myrrh as frankincense, lesh ooilley poodyryn spiceit y varchan.

Jeremiah 4:28

Son shoh nee’n thalloo dobberan, as bee ny niaughyn heose ayns doo-dorraghys: er-y-fa dy vel mee er loayrt eh, ta foym dy bee eh jeant, as cha jean-ym arrys y ghoaill, chamoo nee’m shen y chaghlaa.

Zechariah 14:6

As hig eh gy-kione ’sy laa shen, nagh bee’n soilshey sollys ny dorraghey.

Noo Mian 24:29

Chelleeragh lurg seaghyn ny laghyn shen, hig dorraghys er y ghrian, as cha der yn eayst e soilshey, as tuittee rollageyn yn aer, as bee pooaraghyn yn aer er nyn graa.

Noo Luke 21:11

As bee craaghyn-thallooin mooar ayns ymmodee ynnydyn, as gennaghyn, as crampyn, as shillaghyn agglagh, as bee cowraghyn mooarey veih niau.

Joshua 8:20

As tra yeeagh deiney Ai nyn yeï, honnick ad, as cur-my-ner, hie jaagh yn ard-valley seose ’syn aer, as hie nyn dappey voue dy chosney roue, yn derrey raad ny’n raad elley: as ren ny deiney va er roie myr-yien er-chea gys yn aasagh chyndaa back dy choyrt eddin da nyn eiyrtyssee.

Ashlish 18:18

As dyllee ad tra honnick ad jaagh yn lostey eck, gra, Cre’n ard-valley ta casley rish yn ard-valley mooar shoh?

Ashlish 18:9

As nee reeaghyn y theihll ta er n’yannoo maarderys, as er vaghey dy rouanagh mâree, keayney, as dobberan er e son, tra hee ad jaagh y lostey eck.

Ashlish 8:7

Heid y chied ainle, as haink claghyn-sniaghtee as aile lesh fuill ny chione, as v’ad er nyn gheayrtey er y thalloo: as va’n trass ayrn jeh ny biljyn losht, as va ooilley yn faiyr glass losht.

Briwnyn 20:38

Nish va cowrey pointit eddyr deiney Israel as y vooinjer va dy lhie fo-chlea, dy jinnagh ad aile mooar lesh jaagh dy hroggal ass yn ard-valley.

Briwnyn 20:40

Agh tra ren yn aile toshiaght dy hroggal seose ass yn ard-valley lesh bodjal dy yaagh, yeeagh ny Benjamiteyn nyn gooyl, as cur-my-ner, ren lossey yn ard-valley troggal seose dy ard ’syn aer.