Joel 2:3 - Yn Vible Casherick 1775 1819

³ Rhymboo ta aile stroie, as nyn gooyl ta yn lossey coyrt naardey: ta’n cheer myr garey Eden kiongoyrt roo, as nyn yeï faasagh follym-feayn, dy jarroo, as cha jean nhee erbee shaghney ad.

Joel 2:3 ပူးပေါင်းရင်းမြစ်များ

Genesis 13:10

As hrog Lot seose e hooillyn: as hug eh my-ner ooilley strah Yordan, dy row ushtey dy mie ayn dy chooilley raad, roish my stroie yn Chiarn Sodom as Gomorrah, eer myr garey yn Chiarn, goll-rish cheer Egypt myr t’ou cheet lesh Zoar.

Genesis 2:8

As ren y Chiarn Jee soiaghey garey my-hiar ayns Eden: as ayns shen hug eh yn dooinney v’eh er chroo,

Psalmyn 50:3

Hig y Jee ain, as cha bee eh ny host: hed aile roishyn nee toyrt-mow, as bee dorrin niartal er ny ghoostey seose mygeayrt-y-mysh.

Psalmyn 97:3

Hed aile magh roish: as loshtee eh seose e noidyn er dy chooilley heu.

Exodus 10:15

Son choodee ad ooilley eaghtyr y thallooin, myr shen dy row’n cheer fo dorraghys, as d’ee ad ooilley lossreeyn y cheer, as ooilley mess ny biljyn va’n sniaghtey-garroo er n’aagail; as cha row glassyraght erbee er-mayrn er ny biljyn, ny ayns lossreeyn y vagheragh, trooid ooilley cheer Egypt.

Exodus 10:5

As nee ad coodaghey eaghtyr y thallooin, nagh vod fer cronnaghey yn thalloo, as nee ad stroie yn fooilliagh shen t’er scapail, shen ny t’er-mayrn diuish veih’n sniaghtey-garroo, as ver ad naardey dy chooilley villey ta gaase diuish ’sy vagher.

Isaiah 14:17

Ren y seihll myr faasagh, as hug ny ard-valjyn echey mow; nagh doshil pryssoon e chappeeyn?

Isaiah 15:6

Son bee ushtaghyn Nimrim treigit: son ta’n traagh fiojit ersooyl, ta’n faiyr failleil, cha vel glassyraght erbee faagit.

Isaiah 33:4

As bee yn spooilley eu er ny hymsagh dy ve stroit, myr braddagyn; myr ny locustyn ta roie noon as noal, nee eh roie orroo.

Isaiah 51:3

Son nee’n Chiarn Zion y gherjaghey: nee eh gerjaghey ooilley ny ynnydyn treigit eck, as nee eh yn aasagh eck myr Eden, as yn eaynagh eck myr garey yn Chiarn; bee boggey as gennallys er ny gheddyn ayn, toyrt-booise as coraa dy vingys.

Isaiah 9:18

Son ta mee-chraueeaght lostey myr yn aile: nee eh stroie ny dressyn as ny drineyn, as nee eh foaddey ayns thammagyn ny keylley; as troggee ad seose myr y jaagh-chassee neealloo yn aer.

Isaiah 9:19

Liorish jymmoose Chiarn ny flaunyssee ta’n cheer fo dorraghys, as bee’n pobble myr stoo cour yn aile: cha jean dooinney erbee lhiggey lesh e vraar.

Jeremiah 5:17

As ee-ys ad seose yn troar ayd, as dty arran va kiarit son beaghey dty vec as dty inneenyn: nee ad gee seose dty hioltaneyn kirree as ollagh; nee ad gee seose messyn dty viljyn-feeyney as dty viljyn-figgagh: as dty ard-valjyn voallit, orroo v’ou cur dty varrant, ver ad naardey lesh y chliwe.

Ezekiel 36:35

As jir ad, Ta’n thalloo shoh va ny hraartys, er jeet dy ve goll-rish garey Eden; as ny ard-valjyn va naardey, as follym-faase, as lhieggit, er jeet dy ve cummit ass-y-noa, as cummaltee ayndoo.

Amos 7:4

Shoh myr ta’n Chiarn Jee er hoilshaghey dooys, as cur-my-ner ta’n Chiarn Jee er chur eam dy cherraghey lesh aile, as stroie eh yn diunid vooar, as hug eh naardey ayrn [jeh’n thalloo].

Habakkuk 1:6

Son cur-my-ner, nee’m greinnaghey seose ny Caldeanee, yn ashoon elgyssagh shen as gaskeydagh, nee marchal trooid lheead y cheer, dy ghoaill daue hene cummallyn, nagh vel nyn eiraght.

Zechariah 7:14

As skeayl mee ad lesh geay-chassee, mastey ooilley ny ashoonee quaagh daue: myr shoh va’n cheer ny hraartys nyn yeï, nagh jagh dooinney erbee ny hrooid huggey ny veih: son ren ad yn cheer aalin ny hraartys.