Joel 2:27 - Yn Vible Casherick 1775 1819

²⁷ As bee fys eu, dy vel mish ayns mean Israel, as dy nee mish yn Chiarn, y Jee eu, as cha nee fer erbee elley: as cha bee my phobble dy bragh er nyn goyrt gys nearey.

Joel 2:27 ပူးပေါင်းရင်းမြစ်များ

Psalmyn 46:5

Ta Jee ayns y vean eck, shen-y-fa cha bee ee er ny scughey: nee Jee cooney lh’ee, as shen dy feer voghey.

Psalmyn 68:18

T’ou er n’gholl seose er yn yrjid, t’ou er leeideil cappeeys ayns bondiaght, as er gheddyn giootyn son deiney: dy jarroo, son dt’eer noidyn, dy voddagh y Chiarn Jee cummal ny mast’ oc.

Raaghyn Creeney 1:23

Chyndaa-jee ec my oghsan: cur-my-ner, deayrt-yms magh my spyrryd erriu, nee’m soilshaghey my ghoan diu.

Isaiah 12:6

Eïe magh, as yllee, uss chummaltagh Zion: son s’mooar ta’n Fer-casherick dy Israel cheu-sthie jeed.

Isaiah 44:3

Son ver-yms magh ushtey er e hon-syn ta paagh, as thooillaghyn er y thalloo chirrym; nee’m my Spyrryd y gheayrtey magh er dty luight, as my vannaght er cloan dty chlienney:

Isaiah 44:8

Ny bee aggle erriu, ny fo imnea erbee: nagh vel mee er n’insh dhyt eh er-dyn traa shen, as er n’ockley magh eh? dy jarroo ta shin hene my eanishyn. Vel Jee erbee cheu-mooie jeem’s? dy firrinagh-focklagh, cha vel Jee erbee elley dy nhione dooys.

Isaiah 45:18

Son myr shoh ta’n Chiarn dy ghra chroo ny niaughyn, Jee hene ren y thalloo y chummey as chroo eh, t’eh er hickyraghey eh, cha chroo eh eh ayns fardail, ren eh cummey eh cour cummaltee; mish y Chiarn, as cha vel Jee erbee elley.

Isaiah 45:5

Mish y Chiarn, as cha vel Jee erbee elley agh mish: ren mee dty niartaghey, ga nagh vel oo er choyrt enney orrym;

Isaiah 45:6

Dy vod fys ’ve oc veih irree ny greïney, as veih’n neear, nagh vel Jee ayn er-lhimmey jeem’s: mish y Chiarn, as cha vel Jee erbee elley.

Isaiah 46:9

Cooinee-jee er cooishyn y chenn earish: son mish yn Jee, as cha vel Jee erbee elley; mish yn Jee, as cha vel fer erbee casley rhym;

Isaiah 49:23

As bee ayd reeaghyn son dty ayraghyn boandyrys, as ny mraane-reïn son dty voiraghyn boandyr: nee ad croymmey sheese hood’s lesh nyn eddin gys y thalloo, as nee ad joan dty chassyn y liee; as bee fys ayd’s dy nee mish y Chiarn: son cha bee oyr nearey orroosyn ta farkiaght er my hon.

Isaiah 53:6

Ta shinyn ooilley, myr kirree, er n’gholl er-shaghryn; ta shin er jyndaa dagh unnane ain gys e raad hene; as ta’n Chiarn er lhie ersyn yn loght ain ooilley.

Ezekiel 37:6

As nee’m fehyn y choyrt erriu, as ver-ym er feill dy heet seose erriu, as coodee-ym shiu lesh crackan, as ver-ym ennal ayndiu: as bee shiu bio, as bee fys eu, dy nee mish y Chiarn.

Ezekiel 39:22

Myr shen bee fys ec thie Israel, dy nee mish y Chiarn yn Jee ocsyn, veih’n laa shen as maghey shen.

Ezekiel 39:28

Eisht bee fys oc, dy nee mish y Chiarn y Jee oc, hug orroosyn dy gholl ayns cappeeys mastey ny ashoonee: agh ta mee er jaglym ad gys y cheer oc hene, as cha vel mee er vaagail veg jeu ny-sodjey ayns shen.

Ezekiel 39:29

Chamoo nee’m maghey shoh follaghey my eddin vouesyn: son ta mee er gheayrtey magh my spyrryd er lught-thie Israel, ta’n Chiarn Jee dy ghra.

Joel 2:26

As nee shiu gee ayns palchey, as bee shiu jeant magh, as ver shiu booise da ennym y Chiarn yn Jee eu, ta er ghellal dy yindyssagh riu: as cha bee my phobble dy bragh er nyn goyrt gys nearey.

Joel 3:17

Myr shen bee fys eu, dy nee mish y Chiarn yn Jee eu, ta cummal ayns Zion, my lieau’s casherick: eisht bee Jerusalem casherick, as cha jed joarreeyn arragh ny hrooid.

Joel 3:21

Son glen-yms yn uill ocsyn, nagh vel mee er ghlenney; son ta’n Chiarn cummal ayns Zion.

Zephaniah 3:11

Ayns y laa shen cha bee nearey ort son ooilley dty obbraghyn, ayndoo t’ou er ve mee-viallagh m’oï: son eisht goyms ersooyl veih ny mast’ eu adsyn ta boggyssagh ayns dty voym, as cha bee oo arragh mooaralagh jeh my chronk casherick.

Zephaniah 3:17

Ta’n Chiarn dty Yee, niartal mayrt: nee eh sauail, gowee eh boggey harryd lesh taitnys; nee eh tannaghtyn ayns e ghraih, bee eh gennal harryd lesh kiaulleeaght.

Zechariah 2:9

Son cur-my-ner crie-ym my laue orroo, as bee ad son spooilley da nyn sharvaantyn, as bee fys eu, dy vel Chiarn ny flaunyssee er my choyrt.

Earrooyn 11:29

As dooyrt Moses rish, Vel uss troo er y choontey aym’s? dy baillish Jee dy beagh ooilley pobble y Chiarn phadeyryn, as dy jinnagh y Chiarn cur e spyrryd orroo.

Earrooyn 23:21

Cha surr eh aggair erbee ’ve jeant da Jacob, ny seaghyn dy huittym er Israel: ta’n Chiarn e Yee mârish, as yn coraa dy varriaght reeoil ny-vud oc.

2 Corinthianee 6:16

As cre’n chaarjys t’ec chiamble Yee rish jallooyn? son ta shiuish chiamble yn Jee bio; myr ta Jee er ghra, Neem’s baghey ayndoo, as gimmeeaght mâroo; as beem’s yn Jee ocsyn, as bee adsyn yn pobble aym’s.

Deuteronomy 23:14

Son ta’n Chiarn dty Yee gimmeeaght ayns mean dty champ, dy livrey oo, as dy chur dty noidyn fo-chosh royd: shen-y-fa vees dty champ casherick, nagh vaik eh red erbee neu-ghlen aynyd, as chyndaa ersooyl voïd.

1 Peddyr 2:6

Shen-y-fa myrgeddin te raït ayns goo Yee, Cur-my-ner, ta mee soiaghey ayns Sion ard-chlagh chorneilagh, reiht, costal: as eshyn ta credjal aynsyn cha bee eh mollit.

Ashlish 21:3

As cheayll mee coraa mooar veih niau, gra, Cur-my-ner, ta cabbane-agglish Yee marish deiney, as nee eh cummal mâroo, as bee ad e phobble, as bee Jee eh-hene mâroo, as bee eh yn Jee oc.