Joel 2:26 - Yn Vible Casherick 1775 1819

²⁶ As nee shiu gee ayns palchey, as bee shiu jeant magh, as ver shiu booise da ennym y Chiarn yn Jee eu, ta er ghellal dy yindyssagh riu: as cha bee my phobble dy bragh er nyn goyrt gys nearey.

Joel 2:26 ပူးပေါင်းရင်းမြစ်များ

Genesis 33:11

Gow, ta mee guee ort, my vannaght, ta mee er choyrt lhiam hood; er-yn-oyr dy vel Jee er ghellal dy graysoil rhym: as er-y-fa dy vel dy liooar aym pene; as hionn eh er, as ren eh goaill eh.

Nehemiah 9:25

As ghow ad ard-valjyn lajer, as cheer messoil, as hooar ad ayns nyn gummal thieyn lane jeh dy chooilley nhee mie, chibbraghyn cleiyt, garaghyn-feeyney as olive, as biljyn messoil ayns palchey: myr shen d’ee ad, as v’ad jeant magh, as ghow ad riurid, as hooar ad slane soylley jeh dty vieys vooar.

Psalmyn 103:5

Ta jannoo magh dty veeal lesh nheeghyn mie: jannoo oo aeg as lajer myr urley.

Psalmyn 116:7

Chyndaa reesht eisht gys dt’ea, O my annym: son ta’n Chiarn er dty chooilleeney.

Psalmyn 13:6

Neem’s arrane y ghoaill jeh’n Chiarn, son dy vel eh er ghellal rhym er aght cha graihagh: dy jarroo ver-ym moylley da ennym y Chiarn smoo ard.

Psalmyn 22:26

Nee ny boghtyn gee, as bee ad er nyn yannoo magh: adsyn ta shirrey lurg y Chiarn, moyllee ad eh; bee’n cree eu bio son dy bragh.

Psalmyn 37:19

Cha bee ad seaghnit ayns yn earish ghaueagh: as ayns ny laghyn dy ghenney bee dy liooar oc.

Psalmyn 67:5

Lhig da’n pobble uss y voylley, O Yee: dy jarroo lhig da ooilley’n pobble moylley ’choyrt dhyt.

Psalmyn 72:18

Bannit dy row yn Chiarn Jee, dy jarroo yn Jee dy Israel: ta ny-lomarcan jannoo reddyn yindyssagh.

Raaghyn Creeney 13:25

Ta’n dooinney cairal gee dy yannoo magh e yeearree: agh bee bolg ny mee-chrauee shang.

Arrane Solomon 5:1

Ta mee er jeet stiagh ayns my gharey, my huyr, my ven heshey, ta mee er haglym yn myrrh, marish ny spiceyn millish, ta mee er ee my chere-volley marish my vill, ta mee er iu my feeyn marish my vainney: ee-jee, O my chaarjyn, iu-jee, dy jarroo, iu-jee dy palchey, O my ghraihaltee.

Isaiah 25:1

O Hiarn, she uss my Yee; ver-ym ard-ooashley dhyt, ver-ym moylley da dty ennym; son t’ou er n’yannoo reddyn yindyssagh; ta ny coyrleyn ayd’s er-dyn toshiaght cairys as firrinys.

Isaiah 29:22

Shen-y-fa, shoh myr ta’n Chiarn, ren Abraham y livrey, dy ghra mychione thie Yacob, Cha bee nearey nish er Jacob, chamoo vees drogh neeal er e eddin.

Isaiah 45:17

Agh bee Israel er ny hauail ayns y Chiarn lesh saualtys dy bragh farraghtyn: cha bee shiuish er nyn goyrt gys nearey ny er nyn gastey seihll gyn jerrey.

Isaiah 49:23

As bee ayd reeaghyn son dty ayraghyn boandyrys, as ny mraane-reïn son dty voiraghyn boandyr: nee ad croymmey sheese hood’s lesh nyn eddin gys y thalloo, as nee ad joan dty chassyn y liee; as bee fys ayd’s dy nee mish y Chiarn: son cha bee oyr nearey orroosyn ta farkiaght er my hon.

Isaiah 54:4

Ny gow aggle; son cha bee oyr nearey ort: chamoo bee uss er dty chastey; son cha bee oyr nearey ort: son nee oo jarrood nearey dty aegid, as cha gooinee oo ny smoo er oltooan dty stayd-treoghe.

Isaiah 55:2

Cre’n-fa ta shiu baarail nyn argid er shen nagh nee arran eh, as nyn laboraght er shen nagh vel jannoo magh shiu? Eaisht-jee dy imneagh rhym’s, as ee-jee shen ny ta mie, as lhig da’n annym eu goaill soylley ayns riurid.

Leviticus 25:19

As nee’n thalloo gymmyrkey magh e mess, as bee shiu jeant magh dy palchey, as baghey ayn dy sauchey.

Leviticus 26:26

As tra ta mish er vrishey lorg nyn arran, nee jeih mraane gaarlaghey nyn arran ’syn un oghe, as ver ad diu nyn arran reesht liorish towse: as nee shiu gee, as cha bee shiu jeant magh.

Leviticus 26:5

As nee’n bwoalley eu roshtyn gys y fouyr-feeyney, as y fouyr-feeyney gys y traa-correy: as bee nyn saie arran eu, as nee shiu baghey dy sauchey ayns y cheer.

Micah 6:14

Nee oo gee, agh cha bee oo er dty yannoo magh, as bee dty lhieggey er cheu-sthie jeed, as nee oo greimmey, agh cha jean oo livrey: as shen t’ou livrey, ver-ym seose gys y chliwe.

Zephaniah 3:11

Ayns y laa shen cha bee nearey ort son ooilley dty obbraghyn, ayndoo t’ou er ve mee-viallagh m’oï: son eisht goyms ersooyl veih ny mast’ eu adsyn ta boggyssagh ayns dty voym, as cha bee oo arragh mooaralagh jeh my chronk casherick.

Zechariah 9:15

Nee Chiarn ny flaunyssee ad y endeil, as nee ad stroie, as yiow ad yn varriaght lesh claghyn-sling, as iu-ee ad, as nee ad feiyr myr lesh feeyn, as bee ad er ny lhieeney myr siyn, as myr corneilyn yn altar.

Zechariah 9:17

Son cre wheesh as ta e vieys, as cre wheesh as ta e aalid! nee arroo ny deiney aegey y yannoo gennal, as feeyn noa ny mraane aegey.

Romanee 10:11

Son ta’n scriptyr gra, Quoi-erbee ta credjal ersyn, nagh bee eh er ny choyrt gys nearey.

Romanee 5:5

As cha vel treishteil jannoo shin lhag-chreeagh, er-y-fa dy vel graih Yee deayrtit magh ayns nyn greeaghyn, liorish yn Spyrryd Noo t’er ny choyrt dooin.

Romanee 9:33

Myr te scruit, Cur-my-ner, ta mee soiaghey ayns Sion clagh-snapperal, as creg vees oyr tuittym: as quoi-erbee ta credjal ersyn, cha jig eh giare jeh e hreishteil.

Deuteronomy 11:15

As ver-ym faiyr ayns dty vagheryn, da dty vaase, dy vod oo gee as ve jeant magh.

Deuteronomy 12:12

As nee shiu boggey ’ghoaill kiongoyrt rish y Chiarn nyn Yee, shiu hene, as nyn mec, as nyn inneenyn, nyn fir-vooinjerey, as nyn inneenyn-veyl, as y Levite t’er cheu-sthie jeh dty yiattyn; er-yn-oyr nagh vel echeysyn ayrn ny eiraght erbee mêriu.

Deuteronomy 12:18

Agh shegin dhyt ad y vaarail kiongoyrt rish y Chiarn dty Yee, ayns yn ynnyd nee’n Chiarn dty Yee y reih, oo hene, as dty vac, as dty inneen, as dty er-mooinjerey, as dty inney-veyl, as y Levite t’er cheu-sthie jeh dty yiattyn: as nee oo boggey ’ghoaill kiongoyrt rish y Chiarn dty Yee ayns ooilley ny t’ou goaill ayns laue.

Deuteronomy 12:7

As ayns shen nee shiu gee kiongoyrt rish y Chiarn y Jee eu, as nee shiu boggey ’ghoaill ayns ooilley ny ta shiu coyrt nyn laue huggey, shiu hene as y vooinjer eu, lesh shen ta’n Chiarn dty Yee er dty vannaghey.

Deuteronomy 8:10

Erreish dhyt v’er n’ee, as oo ve jeant magh, eisht cur booise da’n Chiarn dty Yee, son y cheer mie t’eh er choyrt dhyt.

1 Timothy 6:17

Cur currym orroosyn ta berchagh ’sy theihll shoh, nagh bee ad ard-aignagh, ny treishteil ayns berchys neu-hickyr, agh ayns y Jee bio, ta cur dooin dy palchey dy chooilley nhee dy ghoaill soylley jeu:

1 Ean 2:28

As nish, chloan veggey, tannee-jee aynsyn: tra hig eh kionfenish, dy vod dunnallys ’ve ain, as nagh bee mayd er nyn goyrt gys nearey ec y cheet echey.