Joel 2:25 - Yn Vible Casherick 1775 1819

²⁵ As ver-ym diu reesht ny bleeantyn ren ny locustyn stroie, yn veishteig-vergagh, yn vraddag, as yn veishteig-loauee, my heshaght-chaggee vooar hug mee ny mast’ eu.

Joel 2:25 ပူးပေါင်းရင်းမြစ်များ

Exodus 10:5

As nee ad coodaghey eaghtyr y thallooin, nagh vod fer cronnaghey yn thalloo, as nee ad stroie yn fooilliagh shen t’er scapail, shen ny t’er-mayrn diuish veih’n sniaghtey-garroo, as ver ad naardey dy chooilley villey ta gaase diuish ’sy vagher.

Jeremiah 46:23

Nee ad yn cheyll eck y yiarey sheese, ta’n Chiarn dy ghra, ga t’ad erskyn coontey, er-y-fa dy vel ad ny smoo na ny lheimeyderyn-faiyr, as erskyn-earroo.

Zechariah 10:6

As neem’s thie Yudah y niartaghey, as saue-yms thie Yoseph, as ver-ym lhiam reesht ad gys nyn ynnyd hene; son ta myghin aym orroo: as bee ad myr nagh beign er n’yiooldey voym ad: son ta mish yn Chiarn y Jee oc, as eaisht-ym roo.

Malachi 3:11

As nee’m yn stroider y chastey er y ghraih euish, nagh jean eh stroie messyn y thallooin: chamoo nee yn billey-feeyney tilgey yn mess eck ayns y vagher roish e traa, ta Chiarn ny flaunyssee dy ghra.