Joel 2:24 - Yn Vible Casherick 1775 1819

²⁴ As bee ny laareyn-vooie lane dy churnaght, as ny doaghyn lhieeney harrish lesh feeyn as ooil.

Joel 2:24 ပူးပေါင်းရင်းမြစ်များ

Ezekiel 36:8

Agh shiuish, O leityn Israel, ver shiuish magh nyn manglaneyn, as nee shiu gymmyrkey nyn mess da my phobble Israel, son t’ad er-gerrey dy heet.

Joel 3:13

Cur-jee fo yn corran, son ta’n arroo creen; tar-jee, sheese-jee, son ta’n press-feeyney lane, ta ny doaghyn lhieeney harrish, son ta’n vee-chraueeaght oc mooar.

Joel 3:18

As hig eh gy-kione ayns y laa shen, dy jean ny sleityn shilley neose feeyn noa, as nee ny croink roie lesh bainney, as nee ooilley awinyn Yudah roie lesh ushtaghyn, as nee farrane geill magh veih thie yn Chiarn, as nee eh gushtaghey coan ny reih cedaryn.

Leviticus 25:19

As nee’n thalloo gymmyrkey magh e mess, as bee shiu jeant magh dy palchey, as baghey ayn dy sauchey.

Leviticus 26:10

As nee shiu baarail yn chenn stoyr, dy chur ass y raad eh, son room da’n troar noa.

Amos 9:13

Cur-my-ner, ta ny laghyn cheet, ta’n Chiarn dy ghra, dy jean yn erroo berraghtyn er y beaynee, as y stampeyder feeyney er yn correyder; as nee ny sleityn shilley feeyn noa, as nee ooilley ny croink lheïe.

Malachi 3:10

Cur-jee lhieu ooilley ny jagheenyn gys y thie-tashtee, dy vod beaghey ’ve ayns my hie’s, as prow-jee mee nish lesh shoh, ta Chiarn ny flaunyssee dy ghra, mannagh voshil-yms diuish uinniagyn yn aer, as deayrtey magh bannaght, nagh bee room dy liooar dy ghoaill stiagh eh.