Joel 2:21 - Yn Vible Casherick 1775 1819

²¹ Ny gow aggle, O heer, bee jeh gien mie, as gow boggey: son s’mooar nee’n Chiarn er dty hon.

Joel 2:21 ပူးပေါင်းရင်းမြစ်များ

Genesis 15:1

Lurg ny reddyn shoh haink goo yn Chiarn gys Abram ayns Ashlish, gra, Ny bee aggle ort, Abram: mish dty endeilagh, as mooar erskyn towse vees dty leagh.

Psalmyn 71:19

T’ou er chur lhiat mee gys onnor: as er my gherjaghey er dy chooilley heu;

Psalmyn 98:8

Lhig da’n faarkey feiyr y yannoo, as ooilley ny t’ayn: yn seihll cruin, as adsyn ta baghey ayn.

Isaiah 35:1

Nee’n aasagh, as y reeastane goaill boggey jeu; bee’n fadaneys gennal, as blaaghey myr y rose.

Isaiah 41:10

Ny bee aggle ort, son ta mish mayrt; ny bee lhag-chreeagh, son mish y Jee ayd’s: nee’m dty niartaghey; dy feer, neem’s cooney lhiat; neem’s dy jarroo uss y reir lesh laue yesh my ynrickys.

Isaiah 44:23

Trog-jee kiaull, O shiuish niaughyn; son she yn Chiarn t’er n’yannoo eh: yllee-jee, shiuish ayrnyn s’inshley yn thallooin: brish-jee magh ayns kiaulleeaght, shiuish sleityn, O cheyll, as dy chooilley villey t’ayn: son ta’n Chiarn er livrey Jacob, as er ghloyraghey eh-hene ayns Israel.

Isaiah 54:4

Ny gow aggle; son cha bee oyr nearey ort: chamoo bee uss er dty chastey; son cha bee oyr nearey ort: son nee oo jarrood nearey dty aegid, as cha gooinee oo ny smoo er oltooan dty stayd-treoghe.

Isaiah 55:12

Son hed shiu magh lesh boggey, as bee shiu er nyn leeideil ayns shee: nee ny sleityn as ny croink brishey magh ayns kiaulleeaght kiongoyrt riu, as nee ooilley biljyn y vagheragh nyn massyn y woalley.

Jeremiah 33:3

Eïe orrym’s, as nee’m oo y reggyrt, as jeeagh-ym dhyt reddyn mooarey as yindyssagh, nagh vel toiggal ad jeu.

Hosea 2:21

As hig eh gy-kione ’sy laa shen, dy der-yms clashtyn, ta’n Chiarn dy ghra, ver-yms clashtyn da ny niaughyn, as ver adsyn clashtyn da’n thalloo.

Joel 2:20

Agh scugh-ym foddey veue sheshaght-caggee yn twoaie, as eiyr-ym eh gys cheer gennish as follym-faase, lesh e eddin gys yn aarkey shiar, as e chooyl gys yn aarkey sodjey magh, as hig e vreinid seose, as nee drogh hoar troggal jeh, son t’eh er n’ymmyrkey eh-hene dy mooaralagh.

Joel 2:26

As nee shiu gee ayns palchey, as bee shiu jeant magh, as ver shiu booise da ennym y Chiarn yn Jee eu, ta er ghellal dy yindyssagh riu: as cha bee my phobble dy bragh er nyn goyrt gys nearey.

Zechariah 8:15

Myr shen reesht ta mee er chiarail ayns ny laghyn shoh, dy yannoo dy mie son Jerusalem as thie Yudah: ny bee aggle erriu.

Deuteronomy 4:32

Son jean briaght nish mychione ny laghyn t’er n’gholl shaghey, va roish dty hraa, er-dyn laa chroo Jee dooinney er y thalloo, as veih’n derrey chione jeh’n seihll, gys y chione elley, row rieau lheid y red mooar yindyssagh shoh, ny row clashtyn jeh e lheid?

1 Samuel 12:16

Nish er-y-fa shen, shass-jee, as cur-jee tastey da’n red yindyssagh shoh, nee’n Chiarn y yannoo kiongoyrt rish nyn sooillyn.

1 Samuel 12:24

Ynrycan gow-jee aggle roish y Chiarn, as shirveish-jee eh ayns firrinys lesh ooilley nyn gree: son smooinee-jee cre ny reddyn yindyssagh t’eh er n’yannoo er nyn son.