Joel 2:2 - Yn Vible Casherick 1775 1819

² Laa dy ghorraghys, as dy ghrooid, laa dy vodjallyn as dy ghorraghys dowin, myr y voghrey skeaylt er ny sleityn; pobble mooar as niartal, cha row rieau nyn lheid, chamoo vees arragh ny lurg oc, eer gys bleeantyn ymmodee sheelogheyn.

Joel 2:2 ပူးပေါင်းရင်းမြစ်များ

Psalmyn 10:6

Son t’eh er ghra ayns e chree, Cha n’aggle dou, cha bee’m dy bragh er my hilgey sheese: cha daghyr skielley erbee my raad.

Psalmyn 97:2

Ta bodjallyn as dorraghys mygeayrt-y-mysh: ta cairys as briwnys coamrey e stoyl-reeoil.

Exodus 10:14

As hie ny locustyn seose harrish ooilley cheer Egypt; as lhie ad er ooilley ardjyn Egypt: v’ad erskyn earroo, as dewil: roue cha row rieau lheid ny locustyn, chamoo vees nyn lheid nyn yeï.

Exodus 10:6

As lhieenee ad ny thieyn ayd’s, as thieyn dty harvaantyn, as thieyn ooilley ny Egyptianee; lheid nagh vaik rieau dty ayraghyn, ny dty henn-ayryn, veih’n traa ruggyr ad gys y laa t’ayn jiu. As hyndaa eh mygeayrt, as hie eh magh veih Pharaoh.

Exodus 20:21

As hass y pobble foddey jeh, as hayrn Moses er-gerrey da’n dorraghys choo, raad va Jee.

Isaiah 5:30

As ayns y laa shen nee ad buirroogh nyn ’oï, myr freaney ny marrey; as my yeeaghys fer stiagh ’sy cheer, ver eh my-ner dorraghys as trimshey; as ta’n soilshey er ny hyndaa gys dorraghys ayns yn aer er-y-skyn.

Isaiah 8:22

As nee ad jeeaghyn er y thalloo; as cur-my-ner seaghyn as dorraghys, dooid dy angaish; as bee ad er nyn imman gys dorraghys.

Jeremiah 13:16

Cur-jee gloyr da’n Chiarn nyn Yee, roish my der eh dorraghys, as roish my nee ny cassyn eu snapperal er ny sleityn dorraghey, as choud’s ta shiu jeeaghyn son soilshey, dy jyndaa eh shen gys scadoo yn vaaish, as dy bee eh er ny chaghlaa gys dorraghys dullyr.

Jeremiah 13:6

As shen myr ve, lurg ymmodee laghyn, dy dooyrt y Chiarn rhym, Trog ort, immee gys Euphrates, as gow veih shen y cryss, doardee mee dhyt dy ollaghey ayns shen.

Dobberan 1:12

Nagh vel scansh euish jeh, ooilley shiuish ta goll shaghey? cur-jee my-ner as jeeagh, my ta trimshey erbee goll-rish yn trimshey aym’s, t’er duittym orrym, lesh ta’n Chiarn er my laadey ayns laa e yymmoose hrome.

Ezekiel 32:7

As tra nee’m oo y vooghey, coodee-ym yn aer, as dollee-ym ny rollageyn: as tilg-ym bodjal er y ghrian, as cha der yn eayst magh e ray-sollys.

Ezekiel 34:12

Myr ta bochilley shirrey magh e hioltane, er y laa t’eh mastey e chirree t’er nyn skeayley; myr shen neem’s shirrey magh my chirree, as livrey-ym ad veih dy chooilley voayl, raad t’ad er ve er nyn skeayley ’sy laa bodjallagh as dorraghey.

Ezekiel 38:9

Hed uss seose, as hig oo myr dorrin, coodee oo yn thalloo myr bodjal, uss, as ooilley dty heshaghyn, as ymmodee pobble mayrt’s.

Daniel 12:1

As ec y traa shen, shassee Michael seose, yn ard-phrince, ta ass lieh cloan dty phobble, as hig traa seaghnagh, lheid as nagh row rieau neayr va ashoon, gys yn eer traa cheddin: as ec y traa shen bee dty phobble er ny livrey, dagh unnane vees ry-gheddyn scruit ayns y lioar.

Daniel 9:12

As t’eh er chooilleeney e ghoan, loayr eh nyn ’oï, as noi ny briwnyn va dy vriwnys shin, liorish coyrt lesh orrin kerraghey trome: son fo ooilley niau cha row rieau y lheid as ta er ny ve jeant er Jerusalem.

Joel 1:6

Son ta ashoon er jeet seose er my heer, niartal, as gyn earroo, ta ny feeacklyn oc myr feeacklyn lion: as ta oc feeacklyn-keeilley lion mooar.

Joel 2:25

As ver-ym diu reesht ny bleeantyn ren ny locustyn stroie, yn veishteig-vergagh, yn vraddag, as yn veishteig-loauee, my heshaght-chaggee vooar hug mee ny mast’ eu.

Joel 2:31

Bee yn ghrian er ny hyndaa gys dorraghys, as yn eayst gys fuill, roish my jig laa mooar as atchimagh y Chiarn.

Joel 2:5

Myr feiyr fainee er mullagh sleityn nee ad lheim; myr sheean lossey dy aile ta stroie yn stubble, myr pobble niartal soit ayns order-caggee.

Joel 3:4

As dy jarroo, cre’n eïe t’eu orrym, O Tyre as Zidon, as ooilley ardjyn Phalestine? jean shiu cooilleeney ’ghoaill orrym, as my ta shiu goaill lhiasaghey jeem’s, dy tappee as dy leah chyndaa-yms reesht yn cooilleeney eu er nyn ghing hene.

Amos 4:13

Son cur-my-ner, eshyn ta cummey ny sleityn, as croo yn gheay, as soilshaghey da dooinney, cre ta e smooinaght, ta jannoo yn moghrey dorraghys, as shooyl er ard-ynnydyn y thallooin, yn Chiarn, Jee ny flaunyssee, yn ennym echey.

Zephaniah 1:7

Bee dty host ec fenish y Chiarn Jee: son ta laa yn Chiarn er-gerrey: son ta’n Chiarn er n’aarlagh oural, t’eh er chuirrey e ghoaldee.

Zechariah 14:6

As hig eh gy-kione ’sy laa shen, nagh bee’n soilshey sollys ny dorraghey.

Noo Mian 24:21

Son bee seaghyn mooar ec y traa shen, lheid as nagh row er-dy hoshiaght y theihll gys y traa t’ayn nish, as lheid as nagh bee dy bragh arragh.

Noo Mark 13:19

Son bee seaghyn ayns ny laghyn shen, lheid as nagh row er-dy hoshiaght y theihll ta Jee er chroo, gys yn earish shen, as lheid as nagh bee arragh dy bragh.

Deuteronomy 32:7

Cooinee er ny shenn earishyn, smooinee er bleeantyn ymmodee sheelogheyn: fênee jeh dty ayr, as inshee eh dhyt; jeh dty henn-ayryn, as soilshee ad dhyt.

Hebrewnee 12:18

Son cha vel shiuish er jeet gys y chronk oddagh ve er ny ventyn rish, as ren lossey lesh aile, ny gys dooid, as dorraghys, as dorrin,

Jude 1:13

Tonnyn freanagh yn aarkey, keshal magh yn nearey oc hene; rollageyn rouail, daue ta kiarit yn dooid dy ghorraghys son dy bragh.

Ashlish 9:2

As doshil eh yn diunid gyn-grunt, as dirree jaagh ass y diunid myr jaagh coirrey; as va’n ghrian as yn aer ayns dorraghys, kyndagh rish jaagh y diunid.