Joel 2:19 - Yn Vible Casherick 1775 1819

¹⁹ Dy jarroo, nee yn Chiarn gansoor, as gra rish e phobble, Cur-jee my-ner, ver-yms hiu arroo as feeyn, as ooil, as bee shiu jeant magh lhieu: as cha der-ym erriu arragh dy ve son oltooan mastey ny ashoonee.

Joel 2:19 ပူးပေါင်းရင်းမြစ်များ

Jeremiah 31:12

Shen-y-fa hig ad as gowee ad arrane ayns yrjid Zion, as nee ad roie cooidjagh gys mieys y Chiarn, son curnaght, as son feeyn, as son ooil, as son ingan kirree as ollagh: as bee’n annym oc oorit myr garey ushtit; as cha shymlee ad ersooyl arragh lesh trimshey.

Ezekiel 34:29

As trog-ym seose dauesyn plant ooasle, as cha bee ad ny-sodjey naardey lesh accyrys ayns y cheer, chamoo nee ad arragh gymmyrkey oltooan ny ashoonee.

Ezekiel 36:15

Chamoo ver-yms er sleih clashtyn aynyd nearey ny ashoonee ny-sodjey, chamoo nee oo arragh gymmyrkey oltooan y phobble, chamoo ver oo er dty heelogheyn hene dy huittym arragh, ta’n Chiarn Jee dy ghra.

Ezekiel 36:29

As neem’s myrgeddin livrey shiu veih ooilley loght nyn neu-ghlennid, as ver-yms sarey da’n arroo dy ve er ny vishaghey, as cha jean-ym shiu y smaghtaghey lesh gortey.

Ezekiel 36:30

As nee’m bishaghey dy palchey mess y villey, as troar y vagheragh, nagh bee shiu ny-sodjey er nyn oltooan son y ghortey mastey ny ashoonee.

Ezekiel 39:29

Chamoo nee’m maghey shoh follaghey my eddin vouesyn: son ta mee er gheayrtey magh my spyrryd er lught-thie Israel, ta’n Chiarn Jee dy ghra.

Hosea 2:15

As veih shen ver-ym jee e garaghyn-feeyney, as glione Achor son dorrys dy hreishteil, as nee ee arrane y ghoaill ayns shen, myr ayns laghyn e aegid, as myr ayns y laa haink ee seose ass thalloo Egypt.

Hosea 2:21

As hig eh gy-kione ’sy laa shen, dy der-yms clashtyn, ta’n Chiarn dy ghra, ver-yms clashtyn da ny niaughyn, as ver adsyn clashtyn da’n thalloo.

Hosea 2:22

As ver y thalloo clashtyn da’n arroo, as da’n feeyn, as da’n ooil, as ver adsyn clashtyn da Jezreel.

Joel 1:10

Ta’n magher ny hraartys, ta’n thalloo dobberan, son ta’n arroo mow: ta’n feeyn noa chyrmit seose, ta’n ooil cherraghtyn.

Joel 2:24

As bee ny laareyn-vooie lane dy churnaght, as ny doaghyn lhieeney harrish lesh feeyn as ooil.

Leviticus 26:5

As nee’n bwoalley eu roshtyn gys y fouyr-feeyney, as y fouyr-feeyney gys y traa-correy: as bee nyn saie arran eu, as nee shiu baghey dy sauchey ayns y cheer.

Zechariah 8:12

Son bee yn sheel correy messoil, nee yn billey gymmyrkey mess, as ver y thalloo magh brat palchey, as ver ny niaughyn nyn ghruight, as ver-yms da fooilliagh yn phobble shoh ooilley ny reddyn shoh ayns nyn gummal.

Noo Mian 6:33

Agh shir-jee hoshiaght reeriaght Yee as e chairys, as bee shiu jeant magh lesh ooilley ny reddyn shoh.

Deuteronomy 11:14

Dy der-yms da’n thalloo eu fliaghey cooie ny imbaghyn, toshiaght as jerrey ny bleeaney, dy vod oo chaglym stiagh dty arroo, feeyn, as ooil.

Ruth 1:6

Eisht hrog ee urree marish ny inneenyn-’sy-leigh eck, dy aagail cheer Voab: son v’ee er chlashtyn ayns cheer Voab, dy row’n Chiarn er yeeaghyn er e phobble, as er choyrt daue arran.