Joel 2:18 - Yn Vible Casherick 1775 1819

¹⁸ Eisht bee yn Chiarn eadolagh son y cheer echey, as chymmoil er e phobble.

Joel 2:18 ပူးပေါင်းရင်းမြစ်များ

2 Reeaghyn 19:31

Son hig fooilliagh magh ass Jerusalem, as adsyn nee scapail veih cronk Zion: nee graih jeean y Chiarn dy heshaght-flaunyss shoh y chooilleeney.

Psalmyn 103:13

Dy jarroo, myr ta chymmey ec ayr er e chloan hene: myr shen ta’n Chiarn myghinagh dauesyn ta goaill aggle roish.

Psalmyn 103:17

Agh ta mieys myghinagh y Chiarn farraghtyn son dy bragh as dy bragh orroosyn ta goaill aggle roish: as e chairys er cloan chlienney;

Isaiah 37:32

Son ass Jerusalem hed fooilliagh, as adsyn nee scapail ass slieau Zion: nee graih jeean Chiarn ny flaunyssee shoh y chooilleeney.

Isaiah 42:13

Hed y Chiarn magh myr treanagh, greinnee eh seose e ghunnallys myr dooinney-caggee: nee eh gyllagh, as s’agglagh vees e choraa; ver eh fo-chosh e noidyn.

Isaiah 60:10

As nee mec joarreeyn troggal ny voallaghyn ayd’s, as nee ny reeaghyn oc shirveish ort: son ayns my chorree ren mee oo y woalley, agh ayns my chenjallys ta mee er hoilshaghey myghin ort.

Isaiah 63:15

Jeeagh neose veih niau, as cur-my-ner veih ynnyd dty chasherickys as dty ghloyr: cre vel dty ghraih’s jeean as dty niart, slane erreeish dty chree as dty vyghinyn? vel ad er nyn lhiettal voym?

Isaiah 63:9

Ayns yn seaghyn oc va eshyn seaghnit, as ren ainle yn enish echeysyn adsyn y hauail: ayns e ghraih as ayns e erreeish ren eh ad y livrey: as hrog eh ad, as ren eh ad y ymmyrkey ooilley laghyn y chenn earish.

Jeremiah 31:20

Vel Ephraim my vac deyr? vel eh my lhiannoo ennoil? son neayr’s loayr mee n’oï, ta mee dy jeean cooinaghtyn er dy kinjagh; shen-y-fa ta my chree seaghnit er e hon: son shickyrys bee myghin aym er, ta’n Chiarn dy ghra.

Dobberan 3:22

She trooid myghinyn y Chiarn te, nagh vel shin stroit, as nagh vel e hymmey failleil.

Zechariah 1:14

Myr shoh dooyrt yn ainle va taggloo rhym, Cur uss eam, gra, Myr shoh ta Chiarn ny flaunyssee dy ghra, Ta mish eadolagh son Jerusalem, as son Zion, lesh eadolys jeean.

Zechariah 8:2

Myr shoh ta Chiarn ny flaunyssee dy ghra, Va mish eadolagh son Zion lesh eadaghey jeean, as va mee geadaghey moee lesh jiarg-eulys.

Noo Luke 15:20

As hrog eh er, as haink eh gys e ayr. Agh tra v’eh foast foddey veih, honnick e ayr eh, as va chymmey echey er, as roie eh, as ghow eh eh ayns e roihaghyn, as phaag eh eh.

Deuteronomy 32:16

Ren ad eh y vrasnaghey gys corree, lesh jeeghyn joarree, lesh nyn obbraghyn eajee vrasnee ad eh.

Deuteronomy 32:36

Son nee’n Chiarn briwnys e phobble, as bee chymmey echey er e harvaantyn; tra hee eh dy vel y phooar oc er n’immeeaght, as nagh vel veg y chooney faagit nyn gour.

Deuteronomy 32:43

Gow-jee boggey, marish e phobble, O shiuish ashoonyn: son nee eh cooilleeney ’ghoaill son fuill e harvaantyn, as kerraghey er e noidyn, as bee eh myghinagh da e heer, as da e phobble.

Jamys 5:11

Cur-jee my-ner, ta shin jeeaghyn orroosyn dy ve maynrey ta gymmyrkey seaghyn. Ta shiu er chlashtyn jeh meenid Yob, as cre chiare y Chiarn da ec y jerrey: dy vel y Chiarn feer chymmoil, as jeh myghin meiygh.

Briwnyn 10:16

As hug ad ersooyl ny jeeghyn joarree veih nyn mast’, as hirveish ad yn Chiarn; as va e chree er ny veiyghaghey son seaghyn Israel.