Joel 2:17 - Yn Vible Casherick 1775 1819

¹⁷ Lhig da ny saggyrtyn, shirveishee yn Chiarn dobberan eddyr y phorch as yn altar, as lhig daue gra, Ymmyrk lesh dty phobble, O Hiarn, as ny cur dty eiraght dy ve ny oltooan, son ny ashoonee dy reill harrystoo: cre’n-fa yiarragh ad mastey yn pobble, Cre vel nish yn Jee oc?

Joel 2:17 ပူးပေါင်းရင်းမြစ်များ

1 Reeaghyn 6:3

As va’n porch roish chiamble y thie feed cubit er lhiurid, cordail rish lheead y thie: as jeih cubityn va’n lheead echey er eddin y thie.

1 Reeaghyn 9:7

Eisht nee’m Israel y yiarey magh veih’n cheer ta mee er chur daue: as y thie shoh ta mee er chasherickey son my ennym, scugh-ym ass my hilley; as hig Israel dy ve son craid as an-ghoo mastey dy chooilley phobble:

2 Recortyssyn 7:20

Eisht nee’m ad y astyrt ass ny fraueyn veih’n cheer ta mee er choyrt daue; as y thie shoh ta mee er chasherickey son m’ennym, nee’m eh y scughey ass my hilley, as eh y yannoo ny an-ghoo as oltooan mastey dy chooilley ashoon.

2 Recortyssyn 8:12

Eisht heb Solomon ourallyn-losht da’n Chiarn, er altar y Chiarn, v’eh er hroggal roish y phorch:

Nehemiah 9:36

Cur-my-ner, ta shin yn laa jiu ayns stayd sharvaantyn; as er son y cheer hug oo da ny ayraghyn ain, dy ee yn mess echey, as dy ghoaill soylley jeh, cur-my-ner, cha vel shin agh myr sharvaantyn ayn.

Psalmyn 115:2

Cre’n-fa jir ny ashoonyn-quaagh: Cre’n raad ta nish yn Jee oc?

Psalmyn 42:10

Ta’n Chiarn er choyrt e chenjallys-ghraihagh ’sy laa: as ayns imbagh ny hoie ghow mish arrane jehsyn, as ren mee my phadjer gys y Jee jeh my vea.

Psalmyn 42:11

Jir-yms rish Jee my niart, Cre’n-fa t’ou er my yarrood: kys ta mee myr shoh goll trimshagh, choud as ta’n noid jannoo tranlaase orrym?

Psalmyn 42:3

Ta my yheïr er ve my veaghey laa as oie: choud as t’ad gagh laa gra rhym, Cre vel nish dty Yee?

Psalmyn 42:4

Nish tra ta mee smooinaghtyn er shoh, ta mee deayrtey magh my chree rhym pene: son hie mee marish y cheshaght, as hug mee lhiam adsyn mârym stiagh ayns thie Yee:

Psalmyn 74:10

Cha vel shin fakin nyn gowraghyn; cha vel phadeyr er-mayrn: cha vel unnane ta toiggal caïd.

Psalmyn 79:10

Cre’n-fa ta ny ashoonyn-quaagh gra: Cre vel nish yn Jee oc?

Psalmyn 79:4

Ta shin er jeet dy ve nearey foshlit da nyn noidyn: eer craid as faghid dauesyn ta mygeayrt-y-mooin.

Psalmyn 89:41

T’ou er hoiaghey seose laue yesh e noidyn: as er chur orroosyn ooilley va n’oï dy ghoaill boggey.

Exodus 34:9

As dooyrt eh, My ta mee nish er gheddyn foayr ayns dty hilley, O Hiarn, lhig da my Hiarn, ta mee guee ort, goll nyn mastey, (ga dy nee pobble creoi-wannallagh ad) as leih dooin nyn loghtyn, as nyn beccaghyn, as gow shin son dty eiraght hene.

Isaiah 22:12

As er y laa shen ren y Chiarn, Jee ny flaunyssee, geamagh erriu gys keayney, as gys dobberan, as gys meaylid, as dy chur erriu aanrit-sack:

Isaiah 37:20

Nish er-y-fa shen, O Hiarn nyn Yee, saue shin veih’n laue echey, dy vod ooilley reeriaghtyn ny hooirey toiggal dy nee uss y Chiarn, eer uss dty-lomarcan.

Ezekiel 20:9

Agh dobbree mee er graih m’ennym hene, nagh beagh eh er ny oltooaney kiongoyrt rish ny ashoonee, nyn mastey v’ad, ayns y chilley oc ren mee mee-hene y hoilshaghey daue, ayns coyrt lhiam ad magh ass cheer Egypt.

Ezekiel 8:16

Eisht hug eh lesh mee gys y chooyrt sodjey stiagh jeh thie yn Chiarn, as cur-my-ner, ec dorrys chiamble y Chiarn, eddyr y phorch as yn altar, va mysh queig deiney as feed, as nyn ghreeym er chiamble y Chiarn, as nyn oaie lesh y niar, as hug ad ooashley da’n ghrian lesh y niar.

Hosea 14:2

Gow-jee mêriu goan [arryssagh] as chyndaa-jee gys y Chiarn: abbyr-jee rish, Gow ersooyl dy chooilley vee-chairys, as jean soiaghey graysoil j’in: myr shen chebbee mayd dhyt oural nyn meillyn.

Joel 1:13

Trog-jee erriu, as keayn-jee, shiuish haggyrtyn: yllee-jee shiuish shirveishee yn altar: tar-jee, lhie-jee fud-ny-hoie ayns aanrit-sack, shiuish shirveishee yn Jee aym’s: son ta’n oural-arran, as yn oural-jough er ny lhiettal voish thie yn Jee eu.

Joel 1:9

Ta’n oural-arran, as yn oural-jough giarit jeh veih thie yn Chiarn, ta ny saggyrtyn, shirveishee yn Chiarn, dobberan.

Amos 7:2

As haink eh gy-kione, erreish daue v’er stroie faiyr y thallooin, eisht dooyrt mee, O Hiarn Yee, leih dooin, ta mee guee ort; quoi nee Jacob y niartaghey? son t’eh faase.

Amos 7:5

Eisht dooyrt mee, O Hiarn Yee, lhaggee dty laue, ta mee guee ort; quoi nee Jacob y niartaghey? son t’eh faase.

Micah 7:10

Eisht nee ish ta my noid fakin shoh, as nee nearey ish y choodaghey, dooyrt rhym, Cre vel yn Chiarn yn Jee ayd? ver my hooillyn my-ner ee: nish bee ee stampit sheese myr laagh ny straidey.

Malachi 1:9

As nish ta mee geearree erriu, guee-jee gys Jee, dy bee eh graysoil diu, kyndagh riu hene va shoh: jean eshyn soiaghey jeh ny persoonyn euish? ta Chiarn ny flaunyssee dy ghra.

Earrooyn 25:6

As cur-my-ner, haink dooinney jeh cloan Israel, as hug eh lesh gys e vraaraghyn ben jeh Midian, ayns shilley Voses, as ayns fakin slane sheshaght cloan Israel, va dobberan ec dorrys y chabbane-agglish.

Noo Mian 23:35

Dy vod ooilley yn uill chairagh hie er deayrtey er y thalloo tuittym erriu, veih fuill Abel cairagh, gys fuill Zacharias, mac Varachias, eh ren shiu y varroo eddyr y chiamble as yn altar.

Noo Mian 27:43

Hreisht eh ayns Jee; lhig da eh y livrey nish my saillish eh: son dooyrt eh, She mac Yee mee.

Deuteronomy 28:37

As hig oo dy ve son atchim, as son an-ghoo, as son oltooan, mastey ooilley ny ashoonyn, huc nee’n Chiarn oo y eebyrt.

Deuteronomy 32:27

Agh lhig mee lhieu er coontey’n noid, nagh jinnagh nyn noidyn gymmyrkey ad hene dy mooaralagh, as gra, Niart nyn laue hene, as cha nee’n Chiarn, t’er n’yannoo ooilley shoh.

Joshua 7:9

Son nee ny Canaaniteyn, as ooilley cummaltee ny cheerey, clashtyn jeh, as nee ad shin y chruinnaghey mygeayrt, as giarey jeh yn ennym ain veih’n thalloo: as cre nee uss er son gloyr dty ennym mooar hene?