Joel 2:14 - Yn Vible Casherick 1775 1819

¹⁴ Quoi ec ta fys, nagh jyndaa eh reesht, as arrys y ghoaill, as bannaght y aagail ny yeï, dy jarroo, oural-arran, as oural-feeyney da’n Chiarn y Jee eu?

Joel 2:14 ပူးပေါင်းရင်းမြစ်များ

2 Samuel 12:22

As dooyrt eh, Choud’s va bioys foast ’sy lhiannoo, ren mee trostey as dobberan; son dooyrt mee, Quoi ec ta fys nagh bee Jee cha graysoil dou as dy vod y lhiannoo coural.

2 Samuel 16:12

Foddee dy jean y Chiarn jeeaghyn er my hrimshey, as dy der y Chiarn cooilleeney mie dou son y ghweeaghyn echeysyn er y laa shoh.

2 Reeaghyn 19:4

Foddee eh ve, dy jean y Chiarn dty Yee clashtyn ooilley goan Rab-shakeh, ta ree Assyria e vainshtyr er choyrt dy oltooaney yn Jee bio; as dy der eh oghsan da ny goan ta’n Chiarn yn Jee ayd’s er chlashtyn: Shen-y-fa trog seose dty phadjer son y fooilliaght t’er-mayrn.

Exodus 32:30

As haink eh gy-kione er laa-ny-vairagh, dy dooyrt Moses rish y pobble, Ta shiu er n’yannoo peccah mooar: as nish hem’s seose gys y Chiarn; foddee dy voddym lhiasaghey ’yannoo son nyn beccah.

Isaiah 65:8

Shoh myr ta’n Chiarn dy ghra, Myr ta’n feeyn noa er ny gheddyn ’sy dhossan, as jir fer, Ny stroie eh; son ta bannaght ayn: myr shen neem’s er graih my harvaantyn, nagh stroie-ym ad ooilley.

Jeremiah 18:8

My ta’n ashoon shen, n’oï ta mee er n’ockley magh my vriwnys, chyndaa veih’n olkys oc, goym arrys jeh yn olk shen va mee kiarit dy yannoo roo.

Jeremiah 26:13

Shen-y-fa nish jean-jee nyn raaidyn as nyn ymmyrkey-bea y lhiasaghey, as bee-jee biallagh da coraa yn Chiarn yn Jee eu; as nee yn Chiarn yn briwnys y chaghlaa, t’eh er n’ockley magh nyn ’oï.

Jeremiah 26:3

My she shen dy jean ad geaishtagh, as dy chooilley ghooinney chyndaa veih e ghrogh raad, dy voddyms myrgeddin chyndaa ersooyl yn olk ta mee kiarail nyn gour son ooilley nyn ghrogh-yannoo.

Joel 1:13

Trog-jee erriu, as keayn-jee, shiuish haggyrtyn: yllee-jee shiuish shirveishee yn altar: tar-jee, lhie-jee fud-ny-hoie ayns aanrit-sack, shiuish shirveishee yn Jee aym’s: son ta’n oural-arran, as yn oural-jough er ny lhiettal voish thie yn Jee eu.

Joel 1:16

Nagh vel yn beaghey giarit jeh roish nyn sooillyn, eer boggey as gennallys veih thie yn Jee ain?

Joel 1:9

Ta’n oural-arran, as yn oural-jough giarit jeh veih thie yn Chiarn, ta ny saggyrtyn, shirveishee yn Chiarn, dobberan.

Amos 5:15

Bee-jee dwoaiagh er yn olk, as aggindagh er y vie, as jean-jee briwnys y niartaghey ayns y yiat: foddee dy bee yn Chiarn Jee ny flaunyssee, graysoil da fooilliagh Yoseph.

Jonah 1:6

Myr shen haink mainshtyr y lhong huggey, as dooyrt eh rish, Kys t’ou cadley myr shoh, y chadlag? irree, eïe er dty Yee, my she shen dy jean Jee smooinaghtyn orrin, nagh bee mayd caillit.

Jonah 3:9

Quoi ec ta fys my nee Jee chyndaa as meiyghey, as e yymmoose hrome y lhiettal, nagh jean mayd cherraghtyn?

Zephaniah 2:3

Shir-jee yn Chiarn, ooilley shiuish ta imlee er y thalloo, ta er chooilleeney e vriwnys, shir-jee lurg ynrickys, shir-jee lurg meenid-cree: hoiggal, dy bee shiu er nyn goadey ayns laa jymmoose y Chiarn.

Haggai 2:19

Vel yn arroo foast ayns y toalt? dy jarroo cha vel y billey-feeyney, ny yn billey-figgagh, ny yn pomegranate, ny yn billey-olive foast er n’ymmyrkey nyn mess: veih’n laa shen neem’s shiu y vannaghey.

2 Timothy 2:25

Ayns meenid gynsaghey adsyn ta shassoo magh; my saillish Jee arrys y chur daue gys goaill-rish yn irriney;

Joshua 14:12

Nish er-y-fa shen, cur dou yn cheer sleitagh shoh, my-e-chione loayr y Chiarn ’sy laa cheddin; (son cheayll oo ayns y laa shen dy row cloan Anak ayns shen, as dy row ny ard-valjyn mooar as fencit:) my she shen dy bee’n Chiarn lhiam, bee’m eisht abyl dy eiyrt magh ad, myr yiall y Chiarn.

1 Samuel 6:5

Shen-y-fa nee shiu cummey ’yannoo goll-rish ny pileyn, as caslys jeh ny loaghee ta cur mow yn thalloo; as ver shiu gloyr da Jee Israel: foddee dy jean eh scughey e laue veue, as veih ny jeeghyn eu, as veih’n cheer eu.