Joel 2:1 - Yn Vible Casherick 1775 1819

¹ Sheid-jee yn trumpet ayns Zion, as trog-jee tharmane caggee ayns my chronk casherick: lhig da ooilley cummaltee ny cheerey ve er-creau: son ta laa yn Chiarn cheet, son te faggys dy laue.

Joel 2:1 ပူးပေါင်းရင်းမြစ်များ

1 Recortyssyn 15:28

Shoh myr hug ooilley Israel lhieu seose arg conaant y Chiarn lesh yllagh, as lesh feiyr y chornet, as lesh trumpetyn, as lesh cymballyn, jannoo kiaull lesh psaltereeyn as claasaghyn.

Psalmyn 119:120

Ta my eill er-creau son aggle jeed’s: as ta mee fo atchim dty vriwnyssyn.

Psalmyn 87:1

Ta ny undinyn eck er ny croink chasherick: shynney lesh y Chiarn giattyn Sion ny share na ooilley cummallyn Yacob.

Exodus 10:14

As hie ny locustyn seose harrish ooilley cheer Egypt; as lhie ad er ooilley ardjyn Egypt: v’ad erskyn earroo, as dewil: roue cha row rieau lheid ny locustyn, chamoo vees nyn lheid nyn yeï.

Isaiah 13:6

Jean-jee gullyrnee; son ta laa yn Chiarn ec laue; hig eh myr toyrt-mow veih’n Ooilley-niartal.

Isaiah 13:9

Cur-my-ner, ta laa yn Chiarn cheet, dewil chammah lesh jymmoose as corree trome, dy yannoo yn cheer ny hraartys; as nee eh stroie ny peccee ass.

Isaiah 2:12

Son bee laa Chiarn ny flaunyssee er dagh unnane ta moyrnagh as mooaralagh, as er dagh unnane ta ard-chreeagh, as bee eh er ny injillaghey;

Isaiah 66:2

Son dy chooilley nhee jeu shoh ooilley ta my laue hene er chummey, as liorym’s ta ooilley ny reddyn shoh tannaghtyn, ta’n Chiarn dy ghra: agh gys y dooinney shoh neem’s jeeaghyn, dy jarroo dasyn ta boght as dy chree arryssagh, as arrymagh da my ghoo.

Isaiah 66:5

Clasht-jee rish goo yn Chiarn, shiuish ta craa ec y ghoo; dooyrt nyn mraaraghyn hug dwoaie diu, as hilg magh shiu er graih my ennym’s, Lhig da’n Chiarn v’er ny ghloyraghey: agh hig eshyn kionfenish gys y gherjagh euish, as bee adsyn er nyn naaraghey.

Jeremiah 16:10

As hig eh gy-kione, tra vees oo er hoilshaghey ooilley ny goan shoh da’n pobble shoh, as dy jir ad rhyt, Cre’n-fa ta’n Chiarn er n’ockley magh ooilley yn olk vooar shoh nyn ’oï? ny cre ta nyn loght? ny cre’n peccah ta shin er n’yannoo noi’n Chiarn nyn Yee?

Jeremiah 16:7

Chamoo vees arran er ny vrishey er nyn son ayns trimshey, dy gherjaghey ad son ny merriu; chamoo ver deiney daue yn cappan dy gherjagh dy iu son ayr ny moir.

Jeremiah 4:5

Jean-jee shoh y hoilshaghey ayns Judah, as fockley-magh eh ayns Jerusalem; as abbyr-jee, Sheid-jee yn trumpet ayns y cheer: Yllee-jee, tar-jee cooidjagh, as abbyr-jee, Chaggle-jee, shiu hene dy cheilley, as lhig dooin cosney stiagh gys ny ard-valjyn voallit.

Jeremiah 5:22

Nagh jean-jee aggle y ghoaill roym’s? ta’n Chiarn dy ghra: nagh bee shiu er-creau ec my enish, t’er hoiaghey yn gheinnagh son cagliagh ny marrey, liorish sarey shickyr, nagh jed eh harrish; as ga dy vel ny tonnyn eck troggal ad-hene dy ard, ny-yeih cha vod ad goll harrish; ga s’mooar y feiyr t’ad dy yannoo, ny-yeih cha jarg ad goll ny-sodjey?

Ezekiel 12:23

Insh daue er-y-fa shen, Myr shoh ta’n Chiarn Jee dy ghra, Ver-yms naardey yn raa-cadjin shoh, nagh jean ad imraa sodjey er myr raa-cadjin ayns Israel: agh abbyr roo, Ta ny laghyn er-gerrey, as bun dagh ashlish [dy ve cooilleenit.]

Ezekiel 21:12

Jean gyllagh as geam, vac y dooinney, son hig eh er my phobble, hig eh er ooilley princeyn Israel: bee atchim er my phobble kyndagh rish y chliwe: bwoaill er-y-fa shen er dty lheayst.

Ezekiel 30:3

Son ta’n laa er-gerrey, eer laa yn Chiarn t’er-gerrey, laa bodjallagh; shoh vees traa ny ashoonee.

Ezekiel 33:3

As tra hee-ys eh yn cliwe cheet er y cheer, my heidys eh yn trumpet, as dy der eh raaue da’n pobble;

Ezekiel 33:6

Agh my hee-ys yn arreyder yn cliwe cheet, as gyn sheidey yn trumpet, as gyn raaue ’ve ec y pobble: my hig y cliwe, as goaill persoon erbee veih ny mast’ oc, ta eshyn goit ersooyl ayns e pheccah, agh yn uill echey nee’m y yeearree ec laue yn arreyder.

Ezekiel 7:10

Cur-jee my-ner yn laa, cur-jee my-ner te er jeet, ta’n moghrey er n’gholl magh, ta’n clatt er vlaaghey, ta moyrn er chur magh.

Ezekiel 7:12

Ta’n traa er jeet, ta’n laa tayrn er-gerrey, ny lhig da’n kionneyder goaill boggey, ny’n creckeyder dobberan: son ta jymmoose er y slane sheshaght.

Daniel 6:26

Ta mish jannoo slattys ayns dy chooilley rheam jeh my reeriaght, dy bee deiney er-creau, as ayns aggle, roish Jee Ghaniel: son eshyn y Jee bio, as firrinagh son dy bragh, as e reeriaght, shen nagh bee er ny stroie, as e reiltys dy bragh farraghtyn.

Daniel 9:16

O Hiarn, cordail rish ooilley dty ynrickys, ta mee guee ort, lhig da dty chorree, as dty yymmoose va er ny chastey veih dty ard-valley Jerusalem, dty lieau casherick: son kyndagh rish nyn beccaghyn hene, as drogh-yannoo nyn ayraghyn, ta Jerusalem, as dty phobble, er jeet dy ve an-ghoo dauesyn ooilley ta mygeayrt-y-mooin.

Daniel 9:20

As nish choud as va mee loayrt, as goaill padjer, as goaill-rish my pheccah, as peccah my phobble Israel, as chebbal my aghin kiongoyrt rish y Chiarn my Yee, son slieau casherick my Yee:

Hosea 5:8

Sheid-jee yn cornet ayns Gibeah, as y trumpet ayns Ramah: yllee-jee dy ard ec Beth-aven: dty yeï’s, O Venjamin.

Hosea 8:1

CUR y trumpet gys dty veeal; hig eh myr urley noi thie yn Chiarn, er-yn-oyr dy vel ad er vrishey my chonaant, as er hoiaghey beg jeh my leigh.

Joel 1:15

Ah treih son y laa! son ta laa yn Chiarn er-gerrey, as goll-rish toyrt-mow veih yn Ooilley-niartal hig eh.

Joel 2:11

As nee yn Chiarn fockley-magh e choraa roish e heshaght-chaggee; son ta’n camp echey feer vooar, son s’niartal t’eshyn, ta cooilleeney e ghoo: son ta laa yn Chiarn mooar, as feer atchimagh, as quoi oddys shassoo roish?

Joel 2:15

Sheid-jee yn trumpet ayns Zion, oardee-jee trostey casherick, cur-jee eam son ard-feailley.

Joel 2:31

Bee yn ghrian er ny hyndaa gys dorraghys, as yn eayst gys fuill, roish my jig laa mooar as atchimagh y Chiarn.

Joel 3:14

Earrooyn mooarey, erskyn earrooyn mooarey ayns coan y vriwnys: son ta laa yn Chiarn er-gerrey ayns coan y vriwnys.

Joel 3:17

Myr shen bee fys eu, dy nee mish y Chiarn yn Jee eu, ta cummal ayns Zion, my lieau’s casherick: eisht bee Jerusalem casherick, as cha jed joarreeyn arragh ny hrooid.

Amos 3:6

Bee trumpet er ny heidey ayns yn ard-valley, as gyn y pobble ve agglit? bee seaghyn ayn, as nagh nee yn Chiarn t’er n’yannoo eh?

Amos 5:18

Smerg diuish ta geearree laa yn Chiarn! cre’n vondeish te diu? ta laa yn Chiarn dorraghys, as cha nee soilshey.

Amos 8:2

As dooyrt eh, Amos, cre t’ou fakin? As dooyrt mee, Baskad dy vessyn-souree. Eisht dooyrt y Chiarn rhym’s, Ta’n jerrey er jeet er my phobble Israel, cha lhiggym shaghey ny-sodjey.

Obadiah 1:15

Son ta laa yn Chiarn er-gerrey da ooilley ny ashoonee: myr t’ou uss er n’yannoo, bee eh er ny yannoo rhyt, nee dty leagh chyndaa er dty chione hene.

Zephaniah 1:14

Ta laa mooar y Chiarn er-gerrey, as cheet feer siyragh, dy jarroo coraa laa yn Chiarn: nee yn dooinney niartal keayney ayns shen dy sharroo.

Zephaniah 1:16

Laa da’n trumpet as larm-caggee, noi ny ard-valjyn voallit, as noi ny tooryn ard.

Zephaniah 1:7

Bee dty host ec fenish y Chiarn Jee: son ta laa yn Chiarn er-gerrey: son ta’n Chiarn er n’aarlagh oural, t’eh er chuirrey e ghoaldee.

Zephaniah 3:11

Ayns y laa shen cha bee nearey ort son ooilley dty obbraghyn, ayndoo t’ou er ve mee-viallagh m’oï: son eisht goyms ersooyl veih ny mast’ eu adsyn ta boggyssagh ayns dty voym, as cha bee oo arragh mooaralagh jeh my chronk casherick.

Zechariah 14:1

Cur-my-ner ta laa yn Chiarn cheet, as bee yn spooilley ayd’s er ny rheynn ayns dty vean.

Zechariah 8:3

Myr shoh ta’n Chiarn dy ghra, Ta mee er hyndaa gys Zion, as nee’m cummal ayns mean Yerusalem, as bee Jerusalem enmyssit, Ard-valley yn ynrickys, as slieau Chiarn ny flaunyssee, Yn slieau casherick.

Malachi 4:1

Son cur-my-ner ta’n laa cheet nee lostey myr oghe, as bee ooilley ny mooaralee, as eer adsyn ta cur-rish olkys, myr y coau, as nee yn laa ta cheet ad y lostey seose, ta Chiarn ny flaunyssee dy ghra; myr shen nagh vaag eh daue, eddyr fraue ny banglane.

Earrooyn 10:2

Jean dhyt daa hrumpet argid; jeh un pheesh slane nee oo ad; dy vod oo ymmyd y yannoo jeu dy haglym y pobble cooidjagh, as son jurnah ny cabbaneyn.

Earrooyn 10:3

As tra nee ad sheidey lhieu, nee ooilley’n cheshaght chaglym ad hene cooidjagh hood’s, ec dorrys y chabbane-agglish.

1 Corinthianee 14:8

Son my ta’n cayrn coyrt kiaull neu-chooie, quoi nee eh-hene y chiartaghey son y chaggey?

Philippianee 2:12

Shen-y-fa, my chaarjyn, myr ta shiu dy kinjagh er ve biallagh, cha nee myr ayns my enish ny-lomarcan, agh nish foddey smoo myr ta mee veue; obbyr-jee magh nyn saualtys hene lesh aggle as atchim.

1 Thessalonianee 5:2

Son ta fys dy mie eu hene, dy vel laa yn Chiarn cheet myr maarliagh ’syn oie.

Jamys 5:8

Fark-jee shiuish myrgeddin dy surransagh; niartee-jee nyn greeaghyn: son ta cheet y Chiarn tayrn er-gerrey.

1 Peddyr 4:7

Agh ta jerrey dy chooilley nhee er-gerrey: bee-jee er-y-fa shen sheelt, as watch-jee gys padjer.

Ashlish 6:17

Son ta laa mooar e yymmoose er jeet, as quoi oddys shassoo?