Joel 1:7 - Yn Vible Casherick 1775 1819

⁷ T’eh er choyrt mow my villey-feeyney, as er roostey my villey-figgagh: t’eh er n’yannoo eh glen-lhome, as er yiarey sheese eh, ta ny banglaneyn echey bane-fiojit.

Joel 1:7 ပူးပေါင်းရင်းမြစ်များ

Psalmyn 105:33

Woaill eh neesht ny biljyn-feeyney as ny biljyn-figgagh oc: as hug eh naardey ny biljyn v’ayns ny ardjyn oc.

Exodus 10:14

As hie ny locustyn seose harrish ooilley cheer Egypt; as lhie ad er ooilley ardjyn Egypt: v’ad erskyn earroo, as dewil: roue cha row rieau lheid ny locustyn, chamoo vees nyn lheid nyn yeï.

Exodus 10:15

Son choodee ad ooilley eaghtyr y thallooin, myr shen dy row’n cheer fo dorraghys, as d’ee ad ooilley lossreeyn y cheer, as ooilley mess ny biljyn va’n sniaghtey-garroo er n’aagail; as cha row glassyraght erbee er-mayrn er ny biljyn, ny ayns lossreeyn y vagheragh, trooid ooilley cheer Egypt.

Isaiah 24:7

Ta’n feeyn noa goll eig, ta’n billey-feeyney fioghey, ta ooilley yn vooinjer ghennal-chreeagh gosnaghey.

Isaiah 32:12

Nee ad dobberan son ny sheeintyn, son ny magheryn aalin, son y billey-feeyney messoil.

Isaiah 5:6

As lhig-ym naardey eh: as cha bee eh er ny phollal, chamoo vees eh er ny rourey; agh ver eh magh dressyn as drineyn: ver-yms ny bodjallyn myrgeddin fo harey, nagh shill ad fliaghey er.

Jeremiah 8:13

Ver-yms mow ad son shickyrys, ta’n Chiarn dy ghra: cha bee veg y vess er y villey-feeyney, ny figgyn er y villey-figgagh, as nee’n duillag fioghey; as nee’n chooid hug mee daue shymley ersooyl voue.

Hosea 2:12

As ver-ym naardey myrgeddin e biljyn-feeyney, as e biljyn-figgagh, my-nyn-gione t’ee er ghra, Ad shoh yn faill ta my gheiney-sooree er choyrt dou: as nee’m faasagh jeu, as bee ad son beaghey da maase y vagheragh.

Joel 1:12

Ta’n billey-feeyney fiojit, as ta’n billey-figgagh creenagh, yn billey-pomegranate, yn billey-palm myrgeddin, as yn billey-ooyl, eer ooilley biljyn y vagheragh t’ad fiojit: as ta’n boggey fioghey ersooyl veih mec deiney.

Amos 4:9

Ta mee er woalley shiu lesh fowan as millchea; tra ren nyn gharaghyn, as nyn gharaghyn-feeyney, as nyn miljyn-figgagh, as nyn miljyn-olive bishaghey, ren yn veishteig-loauee ad y stroie: ny-yeih, cha vel shiu er hyndaa hym’s, ta’n Chiarn dy ghra.

Habakkuk 3:17

Ga nagh der y billey-figgagh magh e vlaa, as nagh bee mess er ny biljyn-feeyney; dy jean foast yn billey-olive failleil, as nagh jean ny magheryn gymmyrkey beaghey: dy bee yn chioltane giarit jeh veih’n woaillee, as nagh bee dew ayns ny bwaneyn:

Malachi 3:11

As nee’m yn stroider y chastey er y ghraih euish, nagh jean eh stroie messyn y thallooin: chamoo nee yn billey-feeyney tilgey yn mess eck ayns y vagher roish e traa, ta Chiarn ny flaunyssee dy ghra.