Joel 1:4 - Yn Vible Casherick 1775 1819

⁴ Shen ny ta’n veishteig-loauee er n’aagail, ta’n locust er n’ee; as shen ny ta’n locust er n’aagail, ta’n veishteig-vergagh er n’ee; as shen ny ta’n veishteig-vergagh er n’aagail, ta’n vraddag er n’ee.

Joel 1:4 ပူးပေါင်းရင်းမြစ်များ

1 Reeaghyn 8:37

My vees gortey ’sy cheer, my vees y chramp ayn, blest, millchea, locust, ny my vees y vraddag ayn; my nee nyn noid chionney ad stiagh ayns cheer nyn ard-valjyn, cre-erbee’n doghan, cre-erbee’n chingys t’ayn;

2 Recortyssyn 6:28

My vees gortey ’sy cheer, my vees y chramp ayn, my vees blest ayn, ny druight pyshoonagh, locustyn, ny praddagyn; my nee nyn noidyn ad y hionney stiagh ayns ard-valjyn nyn jeer, cre-erbee’n doghan, ny cre-erbee’n chingys vees ayn:

2 Recortyssyn 7:13

My nee’m yn aer y ghooney seose nagh bee fliaghey ayn, ny my ver-ym sarey da ny locustyn dy chur mow yn cheer, ny my ver-ym y chramp magh mastey my phobble;

Psalmyn 105:34

Loayr eh yn fockle, as haink ny locustyn, as braddagyn erskyn-earroo: as d’ee ad seose ooilley yn faiyr v’ayns y cheer oc, as stroie ad messyn y thallooin.

Psalmyn 78:46

Hug eh meeylyn ny mast’ oc, dy chur mow ad: as froggyn dy stroie ad.

Exodus 10:4

Er-nonney, my obbys oo dy lhiggey yn raad da my phobble, cur-my-ner, mairagh ver-yms lhiam stiagh ny locustyn ayns dty ardjyn.

Exodus 10:5

As nee ad coodaghey eaghtyr y thallooin, nagh vod fer cronnaghey yn thalloo, as nee ad stroie yn fooilliagh shen t’er scapail, shen ny t’er-mayrn diuish veih’n sniaghtey-garroo, as ver ad naardey dy chooilley villey ta gaase diuish ’sy vagher.

Isaiah 33:4

As bee yn spooilley eu er ny hymsagh dy ve stroit, myr braddagyn; myr ny locustyn ta roie noon as noal, nee eh roie orroo.

Jeremiah 51:14

Ta Chiarn ny flaunyssee er loo liorish hene, gra, Shickyr lhieen-yms oo lesh deiney, myr lesh braddagyn; as troggee ad yllaghey dt’oï.

Jeremiah 51:27

Soie-jee seose mergey ayns y cheer, sheid-jee yn trumpet mastey ny ashoonyn, soie-jee ny ashoonyn urree, muster-jee cooidjagh noi eck reeriaghtyn Ararat, Minni, as Ashchenaz; reih-jee captan noi eck; lhig da ny cabbil cheet seose myr ny braddagyn mollagh.

Joel 2:25

As ver-ym diu reesht ny bleeantyn ren ny locustyn stroie, yn veishteig-vergagh, yn vraddag, as yn veishteig-loauee, my heshaght-chaggee vooar hug mee ny mast’ eu.

Amos 4:9

Ta mee er woalley shiu lesh fowan as millchea; tra ren nyn gharaghyn, as nyn gharaghyn-feeyney, as nyn miljyn-figgagh, as nyn miljyn-olive bishaghey, ren yn veishteig-loauee ad y stroie: ny-yeih, cha vel shiu er hyndaa hym’s, ta’n Chiarn dy ghra.

Amos 7:1

Myr shoh ta’n Chiarn Jee er hoilshaghey dooys, as cur-my-ner, ren eh kiaddey ny locustyn ayns toshiaght cur magh yn vaare s’jerree, as cur-my-ner, she yn baare s’jerree ve lurg fouyr yn ree.

Malachi 3:11

As nee’m yn stroider y chastey er y ghraih euish, nagh jean eh stroie messyn y thallooin: chamoo nee yn billey-feeyney tilgey yn mess eck ayns y vagher roish e traa, ta Chiarn ny flaunyssee dy ghra.

Deuteronomy 28:38

Ver oo lhiat mooarane rass magh gys y vagher, agh s’beg ver oo stiagh: son ver y locust eh naardey.

Deuteronomy 28:42

Ooilley dty viljyn as dty vess hallooin ver yn locust naardey.