Joel 1:20 - Yn Vible Casherick 1775 1819

²⁰ Ta beïyn y vagher geamagh myrgeddin hood’s: son ta ny hawinyn ushtey chyrmit seose, as ta’n aile er stroie aberyn yn aasagh.

Joel 1:20 ပူးပေါင်းရင်းမြစ်များ

1 Reeaghyn 17:7

As haink eh gy-kione lurg earish, dy hyrmee yn strooan seose, er-yn-oyr nagh row veg y fliaghey er ve ’sy cheer.

1 Reeaghyn 18:5

As dooyrt Ahab rish Obadiah, Immee trooid y cheer, gys ooilley ny farraneyn ushtey, as gys ooilley ny strooanyn: foddee dy vow mayd faiyr dy hauail ny cabbil as ny muleyn bio, nagh gaill mayd ooilley’n maase.

Lioar Yob 38:41

Quoi ta kiarail beaghey son y feeagh? tra ta e eeanlee geamagh gys Jee, t’ad rouail mygeayrt son laccal bee.

Psalmyn 104:21

Ta ny lionyn garveigagh son nyn spooilley: shirrey nyn meaghey veih Jee.

Psalmyn 145:15

Ta sooillyn dy chooilley chretoor farkiaght ort’s, O Hiarn: as t’ou coyrt daue nyn meaghey ayns imbagh cooie.

Psalmyn 147:9

Ta coyrt foddyr da’n maase: as beaghey ny fee aegey ta geamagh huggey.

Jeremiah 14:4

Er-yn-oyr dy vel y thalloo gaagey, gyn fliaghey er yn ooir, va ny errooyn ass cree, choodee ad nyn ghing.

Jeremiah 28:8

Ren ny phadeyryn ta er ny ve roym’s as royd’s ’sy chenn earish phadeyrys chammah noi ymmodee cheeraghyn, as reeriaghtyn niartal, mychione caggey, as seaghyn, as cramp.

Joel 1:18

Kys ta ny beïyn garveigagh! ta ny shellooyn ollagh seaghnit, son nagh vel aber oc: dy jarroo ta ny shioltaneyn keyrragh shymley ersooyl.