Joel 1:2 - Yn Vible Casherick 1775 1819

² Clasht-jee rish shoh, shiuish shenn gheiney, as eaisht-jee, ooilley shiuish chummaltee ny cheerey: vel shoh er ny ve ayns ny laghyn euish, ny dy jarroo ayns laghyn nyn shenn-ayryn?

Joel 1:2 ပူးပေါင်းရင်းမြစ်များ

Lioar Yob 12:12

Marish y chenndeeaght ta creenaght; as ayns lhiurid laghyn ta tushtey.

Lioar Yob 15:10

Ny mast’ ainyn ta chammah ny king lheeah as y chenndeeaght, foddey shinney na dty ayr.

Lioar Yob 21:7

Kys te dy vel ny mee-chrauee beayn, cheet dy ve shenn, as niartal ayns pooar?

Lioar Yob 8:8

Son fênee, ta mee guee ort, jeh’n chenndeeaght, as bee imneagh dy vriaght veih ny shenn-ayryn ocsyn:

Psalmyn 49:1

O clasht-jee rish shoh, ooilley shiuish phobble: eaisht-jee rish ooilley shiuish ta baghey ’sy theihll.

Isaiah 34:1

Tar-jee er-gerrey, shiuish ashoonyn, dy chlashtyn; as eaisht-jee, shiuish phobble; lhig da’n ooir clashtyn, as ooilley ny ta ayn; yn seihll, as ooilley ny te dy ymmyrkey.

Isaiah 7:17

Ver y Chiarn lesh ort’s, as er dty phobble, as er thie dty ayrey, laghyn nagh daink nyn lheid er-dyn laa jimmee Ephraim veih Judah; eer ree Assyria.

Jeremiah 30:7

Ah treih! son s’mooar seaghnagh vees y laa shen, laa nagh row rieau y lheid; eer earish hrimshagh Yacob; agh yiow eh livrey-ys.

Jeremiah 5:21

Clasht-jee rish shoh nish, O phobble vee-cheeayllagh, as gyn tushtey; ta sooillyn eu, as cha vel shiu fakin; ta cleayshyn eu, as cha vel shiu clashtyn:

Daniel 12:1

As ec y traa shen, shassee Michael seose, yn ard-phrince, ta ass lieh cloan dty phobble, as hig traa seaghnagh, lheid as nagh row rieau neayr va ashoon, gys yn eer traa cheddin: as ec y traa shen bee dty phobble er ny livrey, dagh unnane vees ry-gheddyn scruit ayns y lioar.

Hosea 4:1

Eaisht-jee rish goo yn Chiarn, shiuish chloan Israel: son ta cooish ec y Chiarn rish cummaltee ny cheerey, son nagh vel ynrickys, ny myghin, ny tushtey dy Yee ayns y cheer.

Hosea 5:1

Eaisht-jee rish shoh, O haggyrtyn, as cur-jee tastey, shiuish hie Israel, as jean-jee clashtyn, O hie yn ree; son ta briwnys ny chour eu, er-yn-oyr dy vel shiu er ve ny ribbey er Mizpah, as myr lieen skeaylt er Tabor.

Joel 1:14

Jean-jee laa troshtee y chasherickey: cur-jee eam son feailley casherick dy ve er ny reayll: chaggle-jee yn chenndeeaght, as ooilley cummaltee ny cheerey, gys thie yn Chiarn y Jee eu, as eïe-jee gys y Chiarn,

Joel 2:2

Laa dy ghorraghys, as dy ghrooid, laa dy vodjallyn as dy ghorraghys dowin, myr y voghrey skeaylt er ny sleityn; pobble mooar as niartal, cha row rieau nyn lheid, chamoo vees arragh ny lurg oc, eer gys bleeantyn ymmodee sheelogheyn.

Amos 3:1

Eaisht-jee rish goo yn vriwnys shoh, ta yn Chiarn er loayrt nyn ’oï, O chloan Israel, noi yn slane lught-thie shen, hug mee lhiam seose veih thalloo Egypt, gra,

Amos 4:1

Eaisht-Jee rish yn ockle shoh, shiuish ollagh Vashan, t’ayns slieau Samaria, ta jannoo tranlaase er ny boghtyn, ta broo ny ymmyrchee, ta gra rish nyn mainshtyryn, Cur-jee lhieu, as lhig dooin giu.

Amos 5:1

Eaisht-jee rish yn goo shoh, ta mee goaill seose noi eu, eer dobberan hene, O hie Israel.

Micah 1:2

Clasht-jee, ooilley shiuish phobble: eaisht, O halloo, as ooilley ny t’ayn: as lhig da’n Chiarn Jee ve feanish nyn ’oï, eer y Chiarn voish e hiamble casherick.

Micah 3:1

As dooyrt mish, clasht-jee, ta mee guee erriu, O shiuish leeideilee Yacob, as shiuish phrinceyn thie Israel, nagh vel eh bentyn diuish dy hoiggal briwnys?

Micah 3:9

Eaisht-jee rish shoh, ta mee guee erriu, shiuish leeideilee thie Yacob, as princeyn thie Israel, ta dwoaiagh er briwnys, as cassey dy chooilley chairys.

Noo Mian 13:9

Eshyn ta cleayshyn echey dy chlashtyn, lhig da clashtyn.

Noo Mian 24:21

Son bee seaghyn mooar ec y traa shen, lheid as nagh row er-dy hoshiaght y theihll gys y traa t’ayn nish, as lheid as nagh bee dy bragh arragh.

Ashlish 2:7

Eshyn ta cleaysh echey, lhig da clashtyn cre ta’n Spyrryd dy ghra rish ny kialteenyn. Dasyn yiow yn varriaght ver-ym’s dy ee jeh billey yn vea, ta ayns mean paradise Yee.