Joel 1:19 - Yn Vible Casherick 1775 1819

¹⁹ O Hiarn, hood’s nee’m geamagh: son ta’n aile er stroie aberyn yn aasagh, as ta’n aile er lostey ooilley biljyn y vagher.

Joel 1:19 ပူးပေါင်းရင်းမြစ်များ

Psalmyn 50:15

As eïe orrym’s ayns traa dy heaghyn: myr shen neem’s geaishtagh rhyt, as nee oo mish y voylley.

Psalmyn 91:15

Nee eh geamagh orrym, as ver-ym clashtyn da: dy jarroo, ta mee mârish ayns seaghyn; livrey-ym eh, as ver-ym lhiam eh gys onnor.

Jeremiah 14:4

Er-yn-oyr dy vel y thalloo gaagey, gyn fliaghey er yn ooir, va ny errooyn ass cree, choodee ad nyn ghing.

Jeremiah 3:9

As shen myr ve, trooid an-ghoo e maarderys, dy ren ee yn cheer neu-ghlen, as poosey y vrishey rish jallooyn cloaie as fuygh.

Jeremiah 9:10

Son ny sleityn trog-yms keayney as yllagh, as son ynnydyn-vaghee ny cheerey dobberan, er-yn-oyr dy vel ad losht seose, myr shen nagh vod unnane erbee goll nyn drooid, ny clashtyn eam yn ollagh: ta chammah eeanlee’n aer as y maase er chosney roue; t’ad er n’immeeaght.

Jeremiah 9:9

Nagh jean-yms ad y smaghtaghey son ny peccaghyn shoh? ta’n Chiarn dy ghra: nagh jean m’annym’s cooilleeney y ghoaill er lheid yn ashoon shoh?

Joel 2:3

Rhymboo ta aile stroie, as nyn gooyl ta yn lossey coyrt naardey: ta’n cheer myr garey Eden kiongoyrt roo, as nyn yeï faasagh follym-feayn, dy jarroo, as cha jean nhee erbee shaghney ad.

Amos 1:2

As dooyrt eh, Nee yn Chiarn freaney veih Zion, as fockley-magh e choraa veih Jerusalem: as nee ynnydyn-vaghee ny bochillyn dobberan, as nee mullagh Charmel fioghey.

Amos 7:4

Shoh myr ta’n Chiarn Jee er hoilshaghey dooys, as cur-my-ner ta’n Chiarn Jee er chur eam dy cherraghey lesh aile, as stroie eh yn diunid vooar, as hug eh naardey ayrn [jeh’n thalloo].

Micah 7:7

Shen-y-fa, jeeagh-yms gys y Chiarn; nee’m farkiaght son Jee my haualtys: nee my Yee mish y chlashtyn.

Noo Luke 18:1

As loayr eh coraa-dorraghey roo, dy lhisagh deiney kinjagh padjer y ghoaill, as gyn ad y ve liastey;

Noo Luke 18:7

As nagh jean Jee cooilleeney ass lieh e chloan reiht hene, ta geamagh huggey oie as laa, ga dy vel eh foddey lhiggey shaghey?