Joel 1:18 - Yn Vible Casherick 1775 1819

¹⁸ Kys ta ny beïyn garveigagh! ta ny shellooyn ollagh seaghnit, son nagh vel aber oc: dy jarroo ta ny shioltaneyn keyrragh shymley ersooyl.

Joel 1:18 ပူးပေါင်းရင်းမြစ်များ

1 Reeaghyn 18:5

As dooyrt Ahab rish Obadiah, Immee trooid y cheer, gys ooilley ny farraneyn ushtey, as gys ooilley ny strooanyn: foddee dy vow mayd faiyr dy hauail ny cabbil as ny muleyn bio, nagh gaill mayd ooilley’n maase.

1 Reeaghyn 8:5

As ree Solomon, as ooilley sheshaght Israel, va er nyn jaglym cooidjagh huggey, v’ad mârish kiongoyrt rish yn arg, chebbal kirree as dew ayns oural, nagh voddagh ve inshit ny coontit son earroo.

Jeremiah 12:4

Caïd nee’n cheer dobberan, as glassyraght dy chooilley vagher fioghey, kyndagh rish mee-chraueeaght ny cummaltee? ta’n maase shymley ersooyl, as ny eeanlee; son dy dooyrt ad, Cha vel sooill echey er nyn raaidyn.

Hosea 4:3

Shen-y-fa nee’n cheer dobberan, as hed ooilley ny cummaltee t’ayn naardey, marish maase y vagher, as eeanlee yn aer, nee eer eeastyn ny marrey cherraghtyn.

Joel 1:20

Ta beïyn y vagher geamagh myrgeddin hood’s: son ta ny hawinyn ushtey chyrmit seose, as ta’n aile er stroie aberyn yn aasagh.

Amos 1:2

As dooyrt eh, Nee yn Chiarn freaney veih Zion, as fockley-magh e choraa veih Jerusalem: as nee ynnydyn-vaghee ny bochillyn dobberan, as nee mullagh Charmel fioghey.

Habakkuk 3:17

Ga nagh der y billey-figgagh magh e vlaa, as nagh bee mess er ny biljyn-feeyney; dy jean foast yn billey-olive failleil, as nagh jean ny magheryn gymmyrkey beaghey: dy bee yn chioltane giarit jeh veih’n woaillee, as nagh bee dew ayns ny bwaneyn:

Haggai 1:10

Shen-y-fa ta’n druight er ny lhiettal ’syn aer harrishdiu, as cha vel y thalloo cur magh e mess.

Romanee 8:22

Son ta fys ain dy vel yn slane seihll geamagh magh, as myr ayns pianyn troailt cooidjagh derrey nish: