Joel 1:15 - Yn Vible Casherick 1775 1819

¹⁵ Ah treih son y laa! son ta laa yn Chiarn er-gerrey, as goll-rish toyrt-mow veih yn Ooilley-niartal hig eh.

Joel 1:15 ပူးပေါင်းရင်းမြစ်များ

Psalmyn 37:13

Cha jean y Chiarn agh craid jeh: son t’eh er vakin dy vel y laa echey er-gerrey.

Jeremiah 30:7

Ah treih! son s’mooar seaghnagh vees y laa shen, laa nagh row rieau y lheid; eer earish hrimshagh Yacob; agh yiow eh livrey-ys.

Jeremiah 46:10

Son ta shoh laa yn Chiarn Jee ny sheshaghtyn-caggee, laa yn lhiasaghey, dy ghoaill cooilleeney er e noidyn: as nee yn cliwe sluggey gys y clane, as bee eh er-meshtey lesh yn uill oc; son ec y Chiarn Jee ny sheshaghtyn-caggee ta oural [folley] ayns y cheer twoaie liorish yn awin Euphrates.

Ezekiel 30:3

Son ta’n laa er-gerrey, eer laa yn Chiarn t’er-gerrey, laa bodjallagh; shoh vees traa ny ashoonee.

Joel 2:11

As nee yn Chiarn fockley-magh e choraa roish e heshaght-chaggee; son ta’n camp echey feer vooar, son s’niartal t’eshyn, ta cooilleeney e ghoo: son ta laa yn Chiarn mooar, as feer atchimagh, as quoi oddys shassoo roish?

Joel 2:31

Bee yn ghrian er ny hyndaa gys dorraghys, as yn eayst gys fuill, roish my jig laa mooar as atchimagh y Chiarn.

Joel 3:14

Earrooyn mooarey, erskyn earrooyn mooarey ayns coan y vriwnys: son ta laa yn Chiarn er-gerrey ayns coan y vriwnys.

Obadiah 1:15

Son ta laa yn Chiarn er-gerrey da ooilley ny ashoonee: myr t’ou uss er n’yannoo, bee eh er ny yannoo rhyt, nee dty leagh chyndaa er dty chione hene.

Zephaniah 1:7

Bee dty host ec fenish y Chiarn Jee: son ta laa yn Chiarn er-gerrey: son ta’n Chiarn er n’aarlagh oural, t’eh er chuirrey e ghoaldee.

Jamys 5:9

Ny gow-jee sproght goanlyssagh ry-cheilley, vraaraghyn, er-aggle dy bee shiu er nyn gheyrey: cur-my-ner ta’n briw shassoo ec y dorrys.

Ashlish 6:17

Son ta laa mooar e yymmoose er jeet, as quoi oddys shassoo?