Joel 1:14 - Yn Vible Casherick 1775 1819

¹⁴ Jean-jee laa troshtee y chasherickey: cur-jee eam son feailley casherick dy ve er ny reayll: chaggle-jee yn chenndeeaght, as ooilley cummaltee ny cheerey, gys thie yn Chiarn y Jee eu, as eïe-jee gys y Chiarn,

Joel 1:14 ပူးပေါင်းရင်းမြစ်များ

2 Reeaghyn 10:20

As dooyrt Jehu, Jean-jee feailley casherick y ockley magh son Baal. As ren ad fockley magh eh.

2 Recortyssyn 20:13

As hass ooilley Judah kiongoyrt rish y Chiarn, marish nyn vooinjer veggey, nyn mraane, as nyn gloan.

Nehemiah 8:18

Myrgeddin, laa lurg laa, veih’n chied laa gys y laa s’jerree, ren eh lhaih ayns lioar leigh Yee; as dreill ad yn feailley shiaght laa, as er y hoghtoo laa chum ad feailley casherick, cordail rish y cliaghtey.

Esther 4:16

Immee as chaggil cooidjagh ooilley ny Hewnyn t’ayns Shushan, as trosht-jee er my hon’s, as ny jean-jee gee ny giu son three laa, oie ny laa: neem’s as my vraane aegey myrgeddin trostey, as eisht hem stiagh gys y ree, red nagh vel cordail rish y leigh: as my ta mee kiarit son cherraghtyn, lhig dou cherraghtyn.

Jeremiah 14:2

Ta Judah dobberan, as ny giattyn eck goll naardey; t’ad doogh er y thalloo, as ta eam Yerusalem er droggal.

Jeremiah 36:9

As haink eh gy-kione, ayns y wheiggoo vleïn jeh reill Yehoiakim mac Yosiah ree Yudah, ayns y nuyoo vee, dy dug ad eam son trostey fenish y Chiarn da ooilley cummaltee Yerusalem, as da ooilley’n pobble haink veih ard-valjyn Yudah gys Jerusalem.

Joel 1:2

Clasht-jee rish shoh, shiuish shenn gheiney, as eaisht-jee, ooilley shiuish chummaltee ny cheerey: vel shoh er ny ve ayns ny laghyn euish, ny dy jarroo ayns laghyn nyn shenn-ayryn?

Leviticus 23:36

Shiaght laa nee shiu chebbal oural jeant lesh aile da’n Chiarn: er yn hoghtoo laa bee meeiteil casherick eu; as nee shiu chebbal oural jeant lesh aile da’n Chiarn; te ard feailley, as cha jean shiu veg yn obbyr cadjin er.

Jonah 3:5

Myr shen ren sleih Nineveh credjal ayns Jee, as doardee ad laa troshtee, as hug ad orroo aanrit-sack veih’n vooinjer b’yrjey jeu, dy jarroo gys yn vooinjer b’inshley jeu.

Jonah 3:8

Agh lhig da dooinney as baagh ve er ny choodaghey lesh aanrit-sack, as geamagh dy jeean gys Jee: dy jarroo lhig daue chyndaa dy chooilley unnane veih e ghrogh raad, as veih’n tranlaase t’ayns nyn laueyn.

Zephaniah 2:1

Chaggle-jee shiu hene cooidjagh, dy jarroo chaggle-jee shiu hene cooidjagh, O ashoon dwoaiagh.