Joel 1:13 - Yn Vible Casherick 1775 1819

¹³ Trog-jee erriu, as keayn-jee, shiuish haggyrtyn: yllee-jee shiuish shirveishee yn altar: tar-jee, lhie-jee fud-ny-hoie ayns aanrit-sack, shiuish shirveishee yn Jee aym’s: son ta’n oural-arran, as yn oural-jough er ny lhiettal voish thie yn Jee eu.

Joel 1:13 ပူးပေါင်းရင်းမြစ်များ

2 Samuel 12:16

Ren David er-y-fa shen guee gys y Chiarn son y lhiannoo; as ren David trostey, as hie eh stiagh as lhie eh fud-ny-hoie er y thalloo.

1 Reeaghyn 21:27

As haink eh gy-kione, tra cheayll Ahab ny goan shoh, dy raip eh e choamraghyn, as chur eh aanrit-sack er e chorp, as hrosht eh, as lhie eh ayns aanrit-sack, as huill eh dy trimshagh.

Isaiah 22:12

As er y laa shen ren y Chiarn, Jee ny flaunyssee, geamagh erriu gys keayney, as gys dobberan, as gys meaylid, as dy chur erriu aanrit-sack:

Isaiah 61:6

As bee shiuish enmyssit saggyrtyn y Chiarn; nee deiney genmys shiu shirveishee yn Jee ain: yiow shiu soylley jeh berchys ny ashoonee, as ayns y ghloyr ocsyn nee shiu boggyssagh.

Jeremiah 4:8

Son shoh cryss-jee shiu hene lesh aanrit-sack, jean-jee gullal as gluggernee; son cha vel eulys trome y Chiarn er ny hyndaa ersooyl voïn.

Jeremiah 9:10

Son ny sleityn trog-yms keayney as yllagh, as son ynnydyn-vaghee ny cheerey dobberan, er-yn-oyr dy vel ad losht seose, myr shen nagh vod unnane erbee goll nyn drooid, ny clashtyn eam yn ollagh: ta chammah eeanlee’n aer as y maase er chosney roue; t’ad er n’immeeaght.

Ezekiel 21:12

Jean gyllagh as geam, vac y dooinney, son hig eh er my phobble, hig eh er ooilley princeyn Israel: bee atchim er my phobble kyndagh rish y chliwe: bwoaill er-y-fa shen er dty lheayst.

Ezekiel 27:31

As nee ad jannoo ad-hene dy bollagh meayl er dty hon’s, as ver ad aanrit-sack orroo hene, as nee ad dobberan er dty hon, lesh sherriuid cree, as keayney ghyere.

Ezekiel 7:18

Nee ad myrgeddin ad-hene y chryssey lesh aanrit-sack, as nee atchim ad y choodaghey, as bee nearey er dy chooilley eddin, as meaylid er dy chooilley chione.

Hosea 9:5

Cre nee shiu er yn ard-laa-feailley, as er laa-feailley casherick y Chiarn?

Joel 2:12

Shen-y-fa myrgeddin nish, ta’n Chiarn dy ghra, Chyndaa-jee dy jarroo hym’s, lesh ooilley nyn gree, as lesh trostey, as lesh keayney, as lesh dobberan.

Joel 2:14

Quoi ec ta fys, nagh jyndaa eh reesht, as arrys y ghoaill, as bannaght y aagail ny yeï, dy jarroo, oural-arran, as oural-feeyney da’n Chiarn y Jee eu?

Joel 2:17

Lhig da ny saggyrtyn, shirveishee yn Chiarn dobberan eddyr y phorch as yn altar, as lhig daue gra, Ymmyrk lesh dty phobble, O Hiarn, as ny cur dty eiraght dy ve ny oltooan, son ny ashoonee dy reill harrystoo: cre’n-fa yiarragh ad mastey yn pobble, Cre vel nish yn Jee oc?

Earrooyn 28:14

As bee ny ourallyn-jough oc, lieh hin feeyney son dow, as yn trass ayrn dy hin son rea, as y chiarroo ayrn dy hin son eayn: shoh oural-losht dy chooilley vee ’sy vleïn.

Earrooyn 28:4

Yn derrey eayn nee oo chebbal ’sy voghrey, as yn eayn elley nee oo chebbal ec yn astyr;

Earrooyn 28:7

As bee’n oural-feeyney echey, yn chiarroo ayrn dy hin son un eayn: ayns yn ynnyd casherick nee oo yn feeyn lajer y gheayrtey magh gys y Chiarn, son oural-iu.

Earrooyn 29:6

Cheu-mooie jeh oural-losht y vee, as yn oural-arran, as yn oural-losht gagh-laa, as e oural-arran lesh, as nyn ourallyn-feeyney, cordail rish yn oardagh, son soar millish, oural jeant lesh aile gys y Chiarn.

1 Corinthianee 4:1

Lhig da dooinney myr shen soiaghey j’inyn, myr jeh shirveishee Chreest, as stiurtyn jeh folliaghtyn Yee.

1 Corinthianee 9:13

Nagh vel fys eu dy vel adsyn ta shirveish mysh nheeghyn casherick, baghey er yn oural? as dy vel adsyn ta tendeil ec yn altar, goaill ayrn jeh ny t’er yn altar?

2 Corinthianee 11:23

Nee shirveishee Chreest ad? (ta mee loayrt myr ommydan) ta mish er-nyn-skyn: ayns tooilleilyn ny s’palchey, ayns surranse buillaghyn erskyn towse, ayns pryssoonyn ny s’menkey, ayns gaue baaish dy mennick.

2 Corinthianee 3:6

Eh ta myrgeddin er n’yannoo shin shirveishee cooie jeh’n chonaant noa; cha nee jeh’n leigh, agh jeh’n spyrryd: son ta’n leigh gobbraghey baase, agh ta’n spyrryd coyrt bioys.

2 Corinthianee 6:4

Agh ayns dy chooilley nhee soilshaghey shin hene magh myr shirveishee Yee, ayns lane meenid, ayns seaghyn, ayns êgin, ayns chennid,

Ashlish 11:3

As ver-yms pooar da my ghaa eanish, as nee ad phadeyrys thousane daa cheead as three-feed laa coamrit ayns aanrit-sack.