Joel 1:12 - Yn Vible Casherick 1775 1819

¹² Ta’n billey-feeyney fiojit, as ta’n billey-figgagh creenagh, yn billey-pomegranate, yn billey-palm myrgeddin, as yn billey-ooyl, eer ooilley biljyn y vagheragh t’ad fiojit: as ta’n boggey fioghey ersooyl veih mec deiney.

Joel 1:12 ပူးပေါင်းရင်းမြစ်များ

Psalmyn 4:7

Hiarn, trog uss seose: soilshey dt’eddin orrin.

Psalmyn 92:12

Nee nyn lheid as t’er nyn soiaghey ayns thie yn Chiarn: bishaghey ayns cooyrtyn thie yn Jee ain.

Arrane Solomon 2:3

Myr yn billey-ooyl mastey biljyn ny keylley, myr shen ta my ghraih mastey ny deiney aegey. Hoie mee sheese fo’n scadoo echey lesh mooarane taitnys, as s’millish va e vess gys my vlass.

Arrane Solomon 4:13

T’ou uss myr garey Phargys, soit magh lesh pomegranateyn, lesh ny messyn s’aalin, lesh camphire as spikenard.

Isaiah 16:10

As ta gennallys goit ersooyl, as boggey ass y vagher messoil; as ayns ny garaghyn-feeyney cha bee arrane, chamoo vees yllaghey: cha jean ny fir-traashtee veg y feeyn y hraastey ayns nyn bressyn; ta mee er choyrt er eam nyn vouyr-feeyney dy scuirr.

Isaiah 24:11

Ta yllaghey son feeyn ayns ny straïdyn, ta dy chooilley voggey er ny vooghey, ta gennallys yn cheer er n’immeeaght.

Isaiah 24:7

Ta’n feeyn noa goll eig, ta’n billey-feeyney fioghey, ta ooilley yn vooinjer ghennal-chreeagh gosnaghey.

Isaiah 9:3

T’ou er vishaghey yn ashoon, as cha vel oo er vooadaghey nyn moggey: t’ad goaill boggey kiongoyrt rhyt, rere boggey yn ouyr, as myr ta deiney goaill boggey tra t’ad rheynn y chragh.

Jeremiah 48:3

Bee coraa yllaghey veih Horonaim, toyrt-mow, as traartys trome.

Jeremiah 48:33

As ta boggey as gennallys er hreigeil yn magher messoil, as thalloo Voab; ta mee er choyrt daue genney feeyn ayns ny doaghyn-feeyney; cha bee yn fouyr-feeyney lesh gennallys yllaghey; cha bee yn eam oc er ny chlashtyn.

Joel 1:10

Ta’n magher ny hraartys, ta’n thalloo dobberan, son ta’n arroo mow: ta’n feeyn noa chyrmit seose, ta’n ooil cherraghtyn.

Joel 1:16

Nagh vel yn beaghey giarit jeh roish nyn sooillyn, eer boggey as gennallys veih thie yn Jee ain?

Jonah 4:7

Agh chiare Jee beishteig, moghrey yn laa er-giyn, as woaill eh yn gourd, dy ren eh fioghey.

Haggai 2:19

Vel yn arroo foast ayns y toalt? dy jarroo cha vel y billey-feeyney, ny yn billey-figgagh, ny yn pomegranate, ny yn billey-olive foast er n’ymmyrkey nyn mess: veih’n laa shen neem’s shiu y vannaghey.

Malachi 3:11

As nee’m yn stroider y chastey er y ghraih euish, nagh jean eh stroie messyn y thallooin: chamoo nee yn billey-feeyney tilgey yn mess eck ayns y vagher roish e traa, ta Chiarn ny flaunyssee dy ghra.

Earrooyn 13:23

As haink ad gys coan Eshcol, as yiare ad veih shen un vanglane lesh dossan dy verrishyn-feeyney er, as hug ad lhieu eh eddyr jees, er lorg; as hug ad lhieu jeh ny pomegranateyn, as jeh ny figgyn.