Joel 1:10 - Yn Vible Casherick 1775 1819

¹⁰ Ta’n magher ny hraartys, ta’n thalloo dobberan, son ta’n arroo mow: ta’n feeyn noa chyrmit seose, ta’n ooil cherraghtyn.

Joel 1:10 ပူးပေါင်းရင်းမြစ်များ

Genesis 4:12

Tra t’ou laboragh y thalloo, cha jean ee, maghey shoh, gymmyrkey dhyt’s e niart; dty yoarree, as dty wagaantagh vees oo er yn ooir.

Isaiah 15:6

Son bee ushtaghyn Nimrim treigit: son ta’n traagh fiojit ersooyl, ta’n faiyr failleil, cha vel glassyraght erbee faagit.

Isaiah 24:11

Ta yllaghey son feeyn ayns ny straïdyn, ta dy chooilley voggey er ny vooghey, ta gennallys yn cheer er n’immeeaght.

Isaiah 24:7

Ta’n feeyn noa goll eig, ta’n billey-feeyney fioghey, ta ooilley yn vooinjer ghennal-chreeagh gosnaghey.

Jeremiah 12:11

T’ad er n’yannoo eh follym-faase, as nish te ny hraartys te gaccan hym; ta’n slane cheer er ny choyrt naardey, er-yn-oyr nagh vel dooinney erbee dy ghoaill shoh gys e chree.

Jeremiah 12:4

Caïd nee’n cheer dobberan, as glassyraght dy chooilley vagher fioghey, kyndagh rish mee-chraueeaght ny cummaltee? ta’n maase shymley ersooyl, as ny eeanlee; son dy dooyrt ad, Cha vel sooill echey er nyn raaidyn.

Jeremiah 48:33

As ta boggey as gennallys er hreigeil yn magher messoil, as thalloo Voab; ta mee er choyrt daue genney feeyn ayns ny doaghyn-feeyney; cha bee yn fouyr-feeyney lesh gennallys yllaghey; cha bee yn eam oc er ny chlashtyn.

Hosea 4:3

Shen-y-fa nee’n cheer dobberan, as hed ooilley ny cummaltee t’ayn naardey, marish maase y vagher, as eeanlee yn aer, nee eer eeastyn ny marrey cherraghtyn.

Hosea 9:2

Cha jean y laare ny yn press-feeyney ad y veaghey, as nee yn feeyn noa failleil aynjee.

Joel 1:12

Ta’n billey-feeyney fiojit, as ta’n billey-figgagh creenagh, yn billey-pomegranate, yn billey-palm myrgeddin, as yn billey-ooyl, eer ooilley biljyn y vagheragh t’ad fiojit: as ta’n boggey fioghey ersooyl veih mec deiney.

Joel 1:5

Dooisht-jee, shiuish veshtallee, as keayn-jee: as gull-jee, ooilley shiuish iuderyn-feeyney, son y feeyn noa, er-yn-oyr dy vel eh giarit jeh veih nyn meeal.

Joel 2:19

Dy jarroo, nee yn Chiarn gansoor, as gra rish e phobble, Cur-jee my-ner, ver-yms hiu arroo as feeyn, as ooil, as bee shiu jeant magh lhieu: as cha der-ym erriu arragh dy ve son oltooan mastey ny ashoonee.

Leviticus 26:20

As bee’n niart eu baarit ayns fardail son cha jean y thalloo eu cur magh e bishagh, ny biljyn y thallooin nyn mess.

Habakkuk 3:17

Ga nagh der y billey-figgagh magh e vlaa, as nagh bee mess er ny biljyn-feeyney; dy jean foast yn billey-olive failleil, as nagh jean ny magheryn gymmyrkey beaghey: dy bee yn chioltane giarit jeh veih’n woaillee, as nagh bee dew ayns ny bwaneyn:

Haggai 1:11

As deïe mee son fowan er y thalloo, as er ny sleityn, as er yn arroo, as er y feeyn noa, as er yn ooil, as er dty chooilley nhee ta’n thalloo dy ymmyrkey, as er deiney, as er maase, as er slane troar y thallooin.

Malachi 2:3

Cur-jee my-ner, mhill-yms nyn arroo-correy, as skeayl-yms eoylley er yn eddin eu, eer gaerr ny feaillaghyn casherick eu, as bee shiuish tilgit magh mârish.