Jeremiah 9:8 - Yn Vible Casherick 1775 1819

⁸ Ta’n chengey oc myr side gyere lhiggit; te loayrt molteyrys: ta fer loayrt dy dooie rish e naboo lesh e veeal, agh ayns e chree t’eh lhie cooyl-chlea.

Jeremiah 9:8 ပူးပေါင်းရင်းမြစ်များ

2 Samuel 3:27

As tra va Abner er jeet back gys Hebron, ghow Joab eh dy lhiattee ’sy yiat, myr-yien dy loayrt rish dy sheeoil, as woaill eh eh ayns shen fo’n wheiggoo asney, dy dooar eh baase, er coontey fuill Asahel e vraar.

Psalmyn 12:2

T’ad taggloo jeh fardail dagh unnane rish e naboo: cha vel ad agh brynneraght lesh nyn meillyn, as jannoo molteyrys ayns nyn gree dooble.

Psalmyn 12:3

Ver y Chiarn mow ooilley ny meillyn molteyragh: as y chengey ta loayrt goan mooaralagh;

Psalmyn 120:3

Cre’n leagh vees er ny choyrt ny er ny yannoo dhyt’s, O hengey oalsey: dy jarroo sideyn lajer as gyere, lesh smarageyn jiarg loshtee.

Psalmyn 28:3

O ny tayrn mee ersooyl, chamoo jean m’y stroie marish ny mee-chrauee as drogh-yantee: ta loayrt dy dooie rish nyn naboo, agh t’ad smooinaghtyn er olkys ayns nyn gree.

Psalmyn 35:20

As cre’n-oyr? cha vel y ghlare oc son shee: agh t’ad soit er goan scammyltagh noi ocsyn ta sheeoil ayns y cheer.

Psalmyn 55:21

Chur eh e laueyn orroosyn va ayns shee rish: as vrish eh e chonaant.

Psalmyn 57:4

Ver Jee magh e vyghin as e ynrickys: ta m’annym mastey lionyn.

Psalmyn 62:5

Ny-yeih, m’annym, farkee uss dy kinjagh er Jee: son ta my hreishteil aynsyn.

Psalmyn 64:8

Dy feer, ver nyn jengaghyn hene orroo tuittym: ayns wheesh as dy jean adsyn ta fakin ad, garaghtee as craid y yannoo jeu.

Raaghyn Creeney 25:18

Dooinney ta gymmyrkey feanish foalsey noi e naboo, t’eh ny oayrd, as cliwe, as side gyere.

Jeremiah 5:26

Son mastey my phobble ta drogh gheiney ry-gheddyn: t’ad lhie farkiaght myr y chelgeyr; t’ad soiaghey ribbey, t’ad tayrtyn deiney.

Jeremiah 5:9

Nagh jean-yms kerraghey son ny peccaghyn shoh? ta’n Chiarn dy ghra; as nagh jean m’annym’s cooilleeney ’ghoaill er lheid yn ashoon shoh?

Jeremiah 9:3

As t’ad lhoobey nyn jengaghyn myr nyn mhow son breagyn; agh cha vel ad dunnal son yn ynrickys er y thalloo; son t’ad goll er nyn doshiaght veih olk dy olk, as cha vel enney oc orrym’s, ta’n Chiarn dy ghra.

Jeremiah 9:4

Cur-jee twoaie, dagh unnane jeh e naboo, as ny cur-jee nyn dreisht ayns braar erbee: son nee dagh braar cleiy-fo braar, as nee dy chooilley naboo troggal scammyltyn.

Jeremiah 9:5

As nee dagh unnane e naboo y volley, as cha loayree ad yn irriney: t’ad er chliaghtey nyn jengey gys breagyn, as t’ad deinagh ayns jannoo olk.

Micah 6:12

Son ta ny deiney berchagh oc nyn ard-hranlaasee, as ta ny cummaltee cur-rish breagyn, as ta’n chengey oc molteyragh ayns nyn meeal.