Jeremiah 9:7 - Yn Vible Casherick 1775 1819

⁷ Shen-y-fa shoh myr ta Chiarn ny pooaraghyn flaunyssagh dy ghra, Cur-my-ner, neem’s ad y lheïe, as y phrowal; as shoh myr nee’m rish inneen my phobble.

Jeremiah 9:7 ပူးပေါင်းရင်းမြစ်များ

2 Samuel 13:26

Eisht dooyrt Absalom, Mannagh jeu hene, ta mee guee ort, lhig da my vraar Amnon goll mârin. As dooyrt y ree rish, Cre’n-fa ragh eshyn mayrt?

2 Recortyssyn 36:15

As hug y Chiarn Jee nyn ayraghyn huc e haghteryn, coyrlaghey ad dy kinjagh as dy kiaralagh; son dy row chymmey echey er e phobble, as er e chummal chasherick.

Psalmyn 120:4

Smerg dou dy vel mee êginit dy chummal marish Mesech: as dy vel my ynnyd-vaghee mastey cabbaneyn Kedar!

Psalmyn 55:22

Va goan e veeal ny s’buiggey na eeym, as caggey ayns e chree: va e ghoan ny shliawney na ooil, as foast t’ad cliwenyn hene.

Psalmyn 62:5

Ny-yeih, m’annym, farkee uss dy kinjagh er Jee: son ta my hreishteil aynsyn.

Isaiah 1:25

As chyndaa-ym my laue ort, as glen-ym ersooyl dy bollagh dty vergid, as goym ersooyl ooilley dty stainney:

Isaiah 48:10

Cur-my-ner, ta mee er lheïe oo ’syn aile, agh cha nee myr argid; ta mee er dty phrowal ayns y choirrey dy heaghyn.

Isaiah 59:3

Son ta ny laueyn eu sollit lesh fuill, as ny meïr eu lesh mee-chairys; ta ny meillyn eu er loayrt breagyn, ta nyn jengey er n’ockley magh foalsaght.

Jeremiah 31:20

Vel Ephraim my vac deyr? vel eh my lhiannoo ennoil? son neayr’s loayr mee n’oï, ta mee dy jeean cooinaghtyn er dy kinjagh; shen-y-fa ta my chree seaghnit er e hon: son shickyrys bee myghin aym er, ta’n Chiarn dy ghra.

Jeremiah 5:1

Roie-jee noon as noal trooid straïdyn Yerusalem, as jeeagh-jee nish, as shir-jee ayns e ynnydyn smoo taaghit, my oddys shiu dooinney y gheddyn, my ta fer erbee ta coyrt briwnys cairagh, ta shirrey magh yn ynrickys; as neem’s leih jee.

Jeremiah 6:27

Ta mee er dty hoiaghey son toor as carrick mastey my phobble, dy vod oo toiggal as prowal nyn raaidyn.

Hosea 4:1

Eaisht-jee rish goo yn Chiarn, shiuish chloan Israel: son ta cooish ec y Chiarn rish cummaltee ny cheerey, son nagh vel ynrickys, ny myghin, ny tushtey dy Yee ayns y cheer.

Zechariah 13:9

As ver-ym lhiam yn trass ayrn trooid yn aile, as nee’m ad y ghlenney myr ta arroo er ny ghlenney, as nee’m ad y phrowal myr ta airh er ny phrowal: as nee ad geamagh er my ennym’s, as nee’m ad y chlashtyn: as jir-ym, T’adsyn my phobble: as jir adsyn, Ta’n Chiarn my Yee.

Malachi 3:3

As nee eh soie goll-rishyn ta glenney as scarrey argid veih’n dross: as nee eh mec Levi y chasherickey, as ad y ghlenney myr airh as argid, dy vod ad oural gys y Chiarn y hebbal ayns ynrickys.

1 Peddyr 1:7

Dy vod prowal nyn gredjue ta foddey s’costal na airh ta ceau ersooyl, ga er ny hrial lesh aile, ve er ny gheddyn gys moylley, as ooashley, as gloyr ec cheet Yeesey Creest:

1 Peddyr 4:12

Chaarjyn ghraihagh, ny gow-jee yindys mychione y trial aileagh ta ry-hoi prowal shiu, myr dy beagh red ennagh joarree er daghyrt diu: