Jeremiah 9:4 - Yn Vible Casherick 1775 1819

⁴ Cur-jee twoaie, dagh unnane jeh e naboo, as ny cur-jee nyn dreisht ayns braar erbee: son nee dagh braar cleiy-fo braar, as nee dy chooilley naboo troggal scammyltyn.

Jeremiah 9:4 ပူးပေါင်းရင်းမြစ်များ

Genesis 32:28

As dooyrt eh, Cha bee dty ennym ny sodjey Jacob, agh Israel: son myr prince ta pooar ayd marish Jee, as marish deiney, as t’ou er gheddyn y varriaght.

Psalmyn 101:5

Bee cree camlaagagh er n’eiyrt ass m’enish: cha bee ainjys aym rish drogh phersoon.

Psalmyn 15:3

Eshyn nagh vel er chliaghtey molteyraght erbee ayns e hengey, ny er n’yannoo olk da e naboo: as nagh vel er chooyl-chassid e naboo.

Raaghyn Creeney 10:18

Eshyn ta keiltyn myskid lesh meillyn breagagh, as eshyn ta cur scammylt er y hoshiaght, t’eh ny ommydan.

Raaghyn Creeney 25:18

Dooinney ta gymmyrkey feanish foalsey noi e naboo, t’eh ny oayrd, as cliwe, as side gyere.

Raaghyn Creeney 4:16

Son cha vod ad cadley mannagh vel ad er n’yannoo olk: as ta’n cadley oc goll voue, mannagh der ad er paart dy huittym.

Raaghyn Creeney 4:17

Son t’ad gee arran y vee-chraueeaght, as giu feeyn y dewilys.

Raaghyn Creeney 6:16

Ny shey reddyn shoh ta’n Chiarn feohdaghey, as ta eer yn chiaghtoo dwoaiagh da.

Raaghyn Creeney 6:19

Feanish foalsey ta ginsh breagyn, as eshyn ta doostey anvea eddyr braaraghyn.

Isaiah 59:13

Ayns jannoo peccah as loayrt breagyn noi yn Chiarn, as coyrt cooyl rish y Jee ain, ayns goan dy hranlaase as dy irree-magh, giennaghtyn as loayrt veih’n chree ny goan dy oalsaght.

Isaiah 9:16

Son ta leeideilee yn phobble shoh coyrt ad er-shaghryn, as t’adsyn er nyn stroie ta er ny leeideil lioroo.

Jeremiah 12:6

Son eer dty vraaraghyn, as thie dt’ayrey, t’adsyn neesht er ghellal dy foalsey rhyt; t’ad myrgeddin er lhiggey’n theay ort: ny treisht orroo, ga dy vel ad loayrt goan brynneragh rhyt.

Jeremiah 6:28

T’ad ooilley nyn ard-vee-viallee, gimmeeaght lesh scammyltyn: t’ad prash as yiarn; t’ad ooilley-cooidjagh shleeuit er olk.

Jeremiah 9:8

Ta’n chengey oc myr side gyere lhiggit; te loayrt molteyrys: ta fer loayrt dy dooie rish e naboo lesh e veeal, agh ayns e chree t’eh lhie cooyl-chlea.

Ezekiel 22:9

Aynyd’s ta deiney, ta gymmyrkey feanish foalsey, dy gheayrtey fuill: as aynyd’s t’ad gee er ny sleityn: aynyd’s t’ad lhie ayns rouanys.

Leviticus 19:16

Cha jed oo mygeayrt, myr skeealleyder mastey dty phobble: chamoo nee oo shassoo noi fuill dty naboo: Mish y Chiarn.

Malachi 2:10

Nagh vel yn un ayr ain ooilley? nagh vel yn un Jee er chroo shin? cre’n-fa ta shin dellal dy molteyragh dy chooilley ghooinney rish e vraar? liorish brishey conaant nyn ayraghyn.

Noo Mian 10:17

Agh bee-jee er nyn dwoaie roish deiney, son livreyee ad shiu seose gys ny coonceilyn, as scuitchee ad shiu ayns ny quaiylyn oc.

Noo Mian 10:21

As livreyee braar seose e vraar gys baase, as yn ayr e lhiannoo: as nee cloan girree magh noi nyn ayr as nyn moir, as bee ad feanishyn baaish orroo.

Noo Luke 21:16

As bee shiu er nyn mrah chammah liorish ayraghyn as moiraghyn, as braaraghyn as deiney mooinjerey, as caarjyn; as ver ad er paart eu ve er nyn goyrt gy-baase.

1 Thessalonianee 4:6

Nagh lhisagh dooinney erbee vondeish y ghoaill er e vraar as eh y voylley ayns cooish erbee: er-yn-oyr dy nee yn Chiarn ta goaill cooilleen er ooilley nyn lheid, myr ta shin er n’insh diu ro-laue, as er hoilshaghey.