Jeremiah 9:23 - Yn Vible Casherick 1775 1819

²³ Myr shoh ta’n Chiarn dy ghra, Ny lhig da’n dooinney creeney boggyssagh ass e chreenaght, chamoo lhig da’n dooinney niartal boggyssagh ass e niart, ny lhig da’n dooinney berchagh boggyssagh ass e verchys:

Jeremiah 9:23 ပူးပေါင်းရင်းမြစ်များ

Isaiah 5:21

Smerg dauesyn ta creeney ayns ny sooillyn oc hene, as keeayllagh ’sy chilley oc hene!

Ecclesiastes 9:11

Ghow mee smooinaght elley, as honnick mee fo’n ghrian, nagh row yn race lesh y vieau, ny’n caggey lesh y niartal, ny foast arran ec deiney creeney ny foast berchys ec deiney tushtagh, ny foast foayr ec deiney schleioil; agh ta traa as taghyrt cheet orroo ooilley.

Romanee 1:22

Goaill orroo hene dy ve creeney, haink ad dy ve nyn ommydanyn:

Ezekiel 7:19

Nee ad nyn argid y hilgey ersooyl ayns ny straïdyn, as bee nyn airh goit voue: cha vod nyn argid, ny nyn airh ad y livrey ayns laa jymmoose y Chiarn: cha jean ad nyn anmeenyn y yannoo magh, ny nyn gallinyn y lhieeney: son t’ad shoh oyr nyn duittym ayns mee-chairys.

Raaghyn Creeney 11:4

Cha vel berchys jeh foays erbee ayns laa’n cherraghey, agh ta cairys livrey veih baase.

Daniel 4:37

Nish ta mish Nebuchadnezzar cur moylley, as ard-voylley, as ooashley da ree ny flaunys, ta ooilley e obbraghyn firrinys, as e raaidyn briwnys, as adsyn ta gimmeeaght ayns moyrn t’eshyn niartal dy injillaghey.

Psalmyn 62:10

O ny treisht-jee ayns aggair as roosteyrys; ny cur-jee shiu hene seose gys molteyrys: my ta berchys bishaghey, ny soie-jee nyn gree orroo.

Deuteronomy 8:17

As dy jir oo ayns dty chree, My phooar, as niart my laue hene ta er chosney’n verchys shoh dou.

1 Timothy 6:10

Son saynt argid fraue dy chooilley olk: da’n chooid cheddin choud as va paart miandagh er, t’ad er n’gholl er-shaghryn veih’n chredjue, as er vroddey ad-hene trooid lesh mooarane torchaghyn.

Noo Mark 10:24

As ghow adsyn yindys jeh ny goan echey. Agh dreggyr Yeesey reesht, as dooyrt eh roo, Chloan, cre cha doillee as te dauesyn ta treishteil ayns berchys, dy gholl stiagh ayns reeriaght Yee!

Zephaniah 1:18

Chamoo oddys yn argid, ny yn airh oc sauail ad ayns laa jymmoose y Chiarn, agh bee yn slane cheer er ny choyrt mow lesh aile yn eadolys echey: son nee eh dy jarroo, dy leah geddyn rea rish ooilley cummaltee yn cheer.

Ezekiel 29:9

As bee thalloo Egypt treigit, as naardey; as bee fys oc dy nee mish y Chiarn; er-yn-oyr dy vel ad er ghra, Ta’n awin shoh lhiam’s, as ta mee hene er n’yannoo eh.

Isaiah 10:8

Son t’eh gra, Nagh vel my phrinceyn corrym rish reeaghyn?

Ecclesiastes 2:19

As quoi ec ta fys nee dooinney creeney, ny ommydan vees eh? ny-yeih bee eh ny vainshtyr harrish ooilley my chooid-seihlt, ta mee dy deinagh er chosney, as ayn ta mee er hoilshaghey my chreenaght fo’n ghrian. Ta shoh myrgeddin fardail.

1 Samuel 17:42

As yeeagh y Philistine mygeayrt, as tra honnick eh David, hoie eh beg jeh; son cha row eh agh ny scollag, as ruishagh, as dy eddin aalin.

Daniel 3:15

Nish my ta shiu arryltagh, cre-erbee yn traa chlinnys shiu feiyr yn trumpet, feddan, claasagh, sackbut, psalteree, dulcimer, as dy chooilley cheint dy chiaulleeaght, dy huittym sheese as dy ooashlaghey yn jalloo shen ta mee er hoiaghey seose, s’mie shen: agh mannagh jean shiu ooashlaghey, bee shiu ceaut yn oor cheddin stiagh ayns mean coirrey aileagh-loshtee, as quoi yn Jee shen livrey-ys shiu veih my laueyn’s?

1 Corinthianee 1:31

Son, myr te scruit, Eshyn ta boggyssagh, lhig da boggyssagh, ayns y Chiarn.

Philippianee 3:8

As dy firrinagh, cha vel mee coontey dy chooilley nhee agh coayl, son y tushtey smoo ooasle jeh Creest Yeesey my Hiarn: er y hon ta mee er hurranse coayl dy chooilley nhee, as cha vel mee soiaghey jeu agh myr eoylley, dy voddym Creest y chosney,

Philippianee 3:10

Dy vod enney ’ve aym ersyn, as toiggal pooar yn irree-seose-reesht echey, as yn ayrn t’aym’s ayns e hurranse, dy ve er my yannoo casley rishyn ayns e vaase;

Lioar Yob 32:13

Nagh beagh oyr eu dy ghra, Ta shin er gheddyn magh creenaght: liorish Jee bee eh er ny gheyrey, as cha nee liorish dooinney.

Raaghyn Creeney 3:5

Cur dty hreishteil ayns y Chiarn lesh ooilley dty chree; as ny cur barrant er dty hushtey hene.

Raaghyn Creeney 21:30

Cha vel creenaght, ny tushtey, ny coyrle, noi yn Chiarn.

Isaiah 20:5

As bee ad agglagh as naareydagh jeh Ethiopia nyn marrant, as jeh Egypt nyn moggyssagh.

Isaiah 47:10

Son t’ou er hreishteil ayns dty vee-chraueeaght hene: t’ou er ghra, Cha vel unnane dy my akin. Ta dty chreenaght as dty hushtey er choyrt oo fo shaghrynys; as t’ou er ghra ayns dty chree, Shee mee hene t’ayn, as cha vel ayn agh mee.

Jeremiah 48:7

Er-yn-oyr dy vel oo er hreishteil ayns obbyr dty laueyn hene, as ayns dty verchys, bee uss myrgeddin goit; as hed Chemosh magh ayns cappeeys, marish e haggyrtyn as e phrinceyn dy cheilley.

Jeremiah 49:4

Kys dy vel oo boggyssagh jeh dty choanyn, dty choan vessoil, O inneen vee-viallagh? ren treishteil ayns dty hashtaghyn, gra, Quoi hig orrym?

Lioar Yob 41:15

Ta e scaailey e voyrn, lhiantyn er y cheilley myr lesh seal shickyr.

Psalmyn 33:5

T’eh graihagh er cairys as briwnys: ta’n seihll lane jeh mieys y Chiarn.

Psalmyn 34:3

O moylley-jee yn Chiarn mârym: as lhig dooin ard-voylley ’choyrt da’n Ennym echey ry-cheilley.

Psalmyn 44:9

Ta shin boggyssagh ayns Jee fey-ny-laa: as ver mayd moylley da dt’ennym son dy bragh.

Jeremiah 31:34

As cha n’ynsee ad ny smoo dagh dooinney e naboo, as dy chooilley ghooinney e vraar, gra, Ynsee-jee tushtey yn Chiarn: son bee ad ooilley as tushtey oc jeem’s, veih’n er sloo gys yn er smoo jeu, ta’n Chiarn dy ghra: son leih-yms daue nyn loghtyn, as cha gooin-yms er y peccah oc ny smoo.

Jeremiah 48:14

Kys dy vel shiu gra, Ta shin deiney niartal, as trean son y chaggey?

Micah 6:8

T’eh er hoilshaghey dhyt O ghooinney, cre ta’n mie; as cre ta’n Chiarn shirrey jeed, agh dy yannoo dy cairal, as dy chur graih da myghin, as dy immeeaght dy imlee marish dty Yee?