Jeremiah 9:2 - Yn Vible Casherick 1775 1819

² O dy beagh aym ’syn aasagh boayl-aaghtee myr t’ec troailtee, dy voddin my phobble y aagail, as goll roym voue! son t’ad ooilley maarderee, sheshaght dy gheiney foalsey.

Jeremiah 9:2 ပူးပေါင်းရင်းမြစ်များ

Isaiah 59:3

Son ta ny laueyn eu sollit lesh fuill, as ny meïr eu lesh mee-chairys; ta ny meillyn eu er loayrt breagyn, ta nyn jengey er n’ockley magh foalsaght.

Jeremiah 12:1

Ynrick t’ou uss, O Hiarn, tra ta mee arganey rhyt; ny-yeih lhig dou loayrt rhyt mychione dty vriwnyssyn: Cre’n-fa ta stayd ny mee-chrauee bishaghey? cre’n-fa ta ooilley ny ard-volteyryn as ad maynrey?

Jeremiah 12:6

Son eer dty vraaraghyn, as thie dt’ayrey, t’adsyn neesht er ghellal dy foalsey rhyt; t’ad myrgeddin er lhiggey’n theay ort: ny treisht orroo, ga dy vel ad loayrt goan brynneragh rhyt.

Jeremiah 13:22

As my jir oo ayns dty chree, Cre’n-fa ta ny reddyn shoh cheet orrym? Son mooadys dty vee-chairys ta dty nearey ry-akin, as dty voynyn er nyn roostey.

Jeremiah 23:10

Son ta’n cheer lane maarderee; son kyndagh rish gweeaghyn as loo oaiagh, ta’n cheer dobberan, ta aberyn aalin yn aasagh chyrmit seose, as ta nyn gliaghtaghyn olk, as nyn booar gys drogh ymmyd.

Jeremiah 4:22

Son ta my phobble ommijagh, cha vel ad er chur enney orrym’s; t’ad cloan vee-cheeayllagh, as cha vel veg y toiggal oc: ta keeayll oc dy yannoo olk, agh dy yannoo mie cha vel oc veg y tushtey.

Jeremiah 5:1

Roie-jee noon as noal trooid straïdyn Yerusalem, as jeeagh-jee nish, as shir-jee ayns e ynnydyn smoo taaghit, my oddys shiu dooinney y gheddyn, my ta fer erbee ta coyrt briwnys cairagh, ta shirrey magh yn ynrickys; as neem’s leih jee.

Jeremiah 5:11

Son ta thie Israel as thie Yudah er ghellal dy feer foalsey m’oï’s, ta’n Chiarn dy ghra.

Jeremiah 5:2

As ga t’ad breearrey, gra, Liorish y Chiarn bio; son shickyrys t’ad goaill loo oaiagh.

Hosea 4:2

Liorish loo oaiagh, as breagyn, as dunverys, as geid, as brishey-poosey, t’ad brishey magh, as ta dunverys er dunverys.

Hosea 5:7

T’ad er ghellal dy kialgeyragh noi yn Chiarn: son t’ad er gheddyn cloan yoarree: nish ver traa giare naardey chammah ad-hene as nyn gronney.

Hosea 6:7

Agh t’adsyn myr deiney t’er vrishey yn conaant: ayns shen t’ad er ghellal dy molteyragh rhym.

Hosea 7:4

T’ad ooilley loshtagh er maarderys, myr aile ayns oghe yn uinneyder, ta cur traa da’n theayst dy hroggal, erreish da v’er heaystney, derrey vees eh slane soorit.

Micah 6:12

Son ta ny deiney berchagh oc nyn ard-hranlaasee, as ta ny cummaltee cur-rish breagyn, as ta’n chengey oc molteyragh ayns nyn meeal.

Zephaniah 3:4

Ta ny phadeyryn eck deiney eddrym as cluicagh: ta ny saggyrtyn eck er an-chasherickey yn ynnyd casherick, t’ad er vrishey stiagh er y leigh.

Malachi 2:11

Ta Judah er ghellal dy foalsey, as ta peccah eajee jeant ayns Israel as ayns Jerusalem, son ta Judah er hayrn scammylt er casherickys y Chiarn, shen bynney lesh, as er phoosey inneen Yee quaagh.

Malachi 2:14

Foast ta shiuish gra, Cre’n-oyr? er-yn-oyr dy vel y Chiarn er ve feanish eddyr uss as ben dty aegid, noi eck t’ou er ghellal dy foalsey: foast she dty heshey ee, as ben dty vreearrey.

Jamys 4:4

Shiuish gheiney as vraane maarderee [spyrrydoil], nagh vel fys eu dy vel caarjys y theihll noidys rish Jee? quoi-erbee er-y-fa shen saillish ve ny charrey da’n seihll, t’eh noid Yee.

Briwnyn 2:10

As va ooilley’n sheeloghe shen myrgeddin er nyn jaglym gys nyn ayraghyn: as hrog seose sheeloghe elley nyn yeï, nagh dug geill da’n Chiarn, ny foast da ny obbraghyn v’eh er n’yannoo son Israel.