Jeremiah 9:18 - Yn Vible Casherick 1775 1819

¹⁸ As lhig daue siyr y yannoo, as yllagh y hroggal seose er nyn son, dy vod nyn sooillyn shilley sheese lesh jeïr, as ferroogh nyn sooillyn roie harrish lesh ushtey.

Jeremiah 9:18 ပူးပေါင်းရင်းမြစ်များ

Psalmyn 119:136

Ta my hooillyn shilley lesh jeïr: er-yn-oyr nagh vel deiney freayll dty leigh.

Isaiah 22:4

Er-y-fa shen dooyrt mee, Ny jeeagh-jee orrym; neem’s keayney dy sharroo, ny shir-jee dy my gherjaghey; er-yn-oyr dy vel ad er spooilley inneen my phobble.

Jeremiah 13:17

Agh mannagh n’eaisht shiu rish, nee m’annym’s dobberan ayns ynnydyn follit son y voyrn eu, as nee my hooill’s keayney dy sharroo, as roie sheese lesh jeïr, er-yn-oyr dy vel shioltane y Chiarn goit ersooyl ayns cappeeys.

Jeremiah 14:17

Shen-y-fa jir oo ny goan shoh roo, Lhig da my hooillyn’s roie sheese lesh jeïr oie as laa, as ny lhig fea ’ve orroo: son ta brishey trome er jeet er y voidyn inneen my phobble, eer builley baaish.

Jeremiah 3:24

Son ta’n scammylt er stroie laboraght nyn ayraghyn veih nyn aegid; nyn shioltaneyn kirree as ollagh, nyn mec as nyn inneenyn.

Jeremiah 3:25

Ta shin lhie sheese ayns nyn nearey, as ta nyn sou-aigney dy laadey shin: son ta shin er n’yannoo peccah noi’n Chiarn nyn Yee, shin hene as nyn ayraghyn, veih nyn aegid eer gys y laa jiu, as cha vel shin er choyrt biallys da coraa yn Chiarn y Jee ain.

Jeremiah 4:20

Ta traartys er traartys er ny eam, son ta’n slane cheer spooillit: doaltattym ta my chabbaneyn rooishtit, as my churtanyn ’sy tullogh.

Jeremiah 6:26

O inneen my phobble, jean aanrit-sack y chryssey mood, as seiy oo hene ’sy leoie; jean farrarey trimshagh myr son ynrycan mac, yn dobberan s’doogh: son hig y roosteyr doaltattym orrin.

Jeremiah 7:29

Giare jeed dty olt, O Yerusalem, as tilg voïd eh, as trog seose dobberan er ny ard-ynnydyn; son ta’n Chiarn er n’yiooldey voish as er hreigeil sheeloghe e yymmoose.

Jeremiah 9:1

O dy beagh my chione ny ushtaghyn, as my hooillyn farrane dy yeïr, dy voddin keayney oie as laa son cloan stroit inneen my phobble!

Jeremiah 9:10

Son ny sleityn trog-yms keayney as yllagh, as son ynnydyn-vaghee ny cheerey dobberan, er-yn-oyr dy vel ad losht seose, myr shen nagh vod unnane erbee goll nyn drooid, ny clashtyn eam yn ollagh: ta chammah eeanlee’n aer as y maase er chosney roue; t’ad er n’immeeaght.

Jeremiah 9:20

Ny-yeih clasht-jee goo yn Chiarn, O shiuish vraane, as lhig da’n chleaysh eu goaill stiagh goo e veeal, as ynsee-jee da ny inneenyn eu dy yannoo kiaull trimshagh, as dagh unnane e naboo dy ghobberan:

Dobberan 1:2

T’ee keayney dy sharroo fud-ny-hoie, as ta jeïr er e gruaie: mastey ooilley e ainjyssee cha vel unnane dy gherjaghey ee, ta ny caarjyn eck er n’ghellal dy foalsey r’ee, t’ad er hyndaa dy ve e noidyn.

Dobberan 2:11

Ta my hooillyn moal lesh jeïr; ta my chree seaghnit, ta my aane er ny gheayrtey magh er y thalloo, er coontey toyrt-mow inneen my phobble, er-yn-oyr dy vel yn chloan as ny oikanyn tuittym neeal ayns straïdyn yn ard-valley.

Dobberan 2:13

Quoi nee’m y ghoaill son feanish ort? cre gys nee’m dty hoylaghey, O inneen Yerusalem? cre nee’m y chormal rhyt, dy voddym dty gherjaghey, O voidyn inneen Zion? son ta dty vrishey mooar myr yn aarkey; quoi oddys dty lheihys?

Dobberan 2:18

Lesh nyn gree deïe ad gys y Chiarn, O voalley inneen Zion, lhig da jeïr roie sheese myr thooilley, laa as oie: ny cur aash dhyt hene, chamoo lhig fea da clagh dty hooilley.

Dobberan 3:48

Ta my hooill roie sheese lesh strooanyn ushtey, kyndagh rish toyrt-mow inneen my phobble.

Amos 5:16

Shen-y-fa, myr shoh ta’n Chiarn, Jee ny flaunyssee, yn Chiarn dy ghra, Bee dobberan ayns ooilley ny straïdyn, as nee ad gra ayns ooilley ny raaidyn mooarey, Ah treih, treih: as nee ad geamagh er yn eirinnagh gys dobberan, as ny bardoonee schleioil gys keayney.

Noo Luke 19:41

As tra v’eh er jeet er-gerrey, yeeagh eh er yn ard-valley, as cheayn eh harrish.