Jeremiah 9:16 - Yn Vible Casherick 1775 1819

¹⁶ Nee’m ad y skeayley myrgeddin mastey ny ashoonee, nagh row enney chamoo oc hene ny ec nyn ayraghyn orroo: as ver-ym magh y cliwe geiyrt orroo, derrey vee’m er stroie ad.

Jeremiah 9:16 ပူးပေါင်းရင်းမြစ်များ

Nehemiah 1:8

Cooinee, ta mee guee ort, er y goo doardee oo dty harvaant Moses gra, My vrishys shiu my leighyn, neem’s shiu y skeayley mastey ny ashoonyn:

Psalmyn 106:27

Dy hilgey magh yn sluight oc mastey ny ashoonyn: as dy skeayley ad trooid ny cheeraghyn.

Ecclesiastes 12:5

Myrgeddin, tra vees aggle orroo dy hooyl er boayl ard, as atchim rhymboo ’sy raad, as bee’n billey-almond ny vlaa, as bee’n lheimeyder-faiyr ny errey, as nee geearree failleil; er-yn-oyr dy vel dooinney goll gys e hie foddey-farraghtyn, as ny trimshee dobberan ayns ny straïdyn.

Jeremiah 13:24

Shen-y-fa nee’m ad y skeayley myr coau t’er ny heebey ersooyl lesh geay yn aasagh.

Jeremiah 24:10

As ver-ym yn cliwe, yn ghortey, as y chramp, ny mast’ oc, derrey vees kione orroo ’sy cheer hug mee dauesyn as da nyn ayraghyn.

Jeremiah 25:27

Shen-y-fa jir oo roo, Myr shoh ta Chiarn ny sheshaghtyn flaunyssagh, Jee Israel, dy ghra, Iu-jee, as bee-jee er-meshtey, as jean-jee tilgey as tuittym, as ny irree-jee arragh, kyndagh rish y chliwe ver-yms ny mast’ eu.

Jeremiah 29:17

Ad shoh goan Chiarn ny sheshaghtyn flaunyssagh, Cur-my-ner, ver-yms orroo yn cliwe, yn ghortey, as y chramp, as nee’m ad y yannoo myr figgyn loau, nagh vod ve eeit, t’ad cha olk shen.

Jeremiah 44:27

Cur-my-ner bee sooill aym’s orroo son olk, as cha nee son mie; as bee ooilley deiney Yudah ta ayns cheer Egypt er nyn stroie liorish y chliwe as liorish y chramp, derrey vees slane jerrey orroo.

Jeremiah 7:29

Giare jeed dty olt, O Yerusalem, as tilg voïd eh, as trog seose dobberan er ny ard-ynnydyn; son ta’n Chiarn er n’yiooldey voish as er hreigeil sheeloghe e yymmoose.

Jeremiah 8:19

Cur-my-ner, coraa accan inneen my phobble, kyndagh roosyn ta cummal ayns cheer foddey. Nagh vel y Chiarn ayns Zion? nagh vel y ree ecksh aynjee? cre’n-fa eisht t’ad er my vrasnaghey gys corree lesh nyn yallooyn grainnit, as lesh fardalyssyn joarree?

Ezekiel 11:17

Shen-y-fa, abbyr uss, Myr shoh ta’n Chiarn Jee dy ghra, Ver-yms lhiam shiu dy jarroo veih mastey yn pobble, as neem’s shiu y haglym ass ny cheeraghyn, raad va shiu er nyn skeayley, as ver-yms diu thalloo Israel.

Ezekiel 12:15

As bee fys oc dy nee mish y Chiarn, tra ta mee er skeayley ad mastey ny ashoonyn, as er spreih ad fud ny cheeraghyn.

Ezekiel 14:17

Er-nonney, my ver-ym lhiam cliwe er y cheer shen, as my jir-ym, Chliwe, gow trooid y cheer; myr shen dy giare-ym jeh deiney as maase:

Ezekiel 20:23

Hrog mee seose my laue huc myrgeddin ayns yn aasagh, dy skeayley ad mastey ny ashoonee, as dy eiyrt ad noon as noal trooid ny cheeraghyn;

Ezekiel 27:2

Nish uss vac y dooinney, gow lesh bardoon son Tyrus;

Ezekiel 5:12

Yiow yn trass ayrn jeed baase lesh y phaitt, as lesh gortey bee ad er ny choyrt mow cheu-sthie jeed; as nee trass ayrn tuittym liorish y chliwe mygeayrt-y-mood; as trass ayrn nee’m y skeayley lesh dy chooilley gheay, as nee’m cliwe y hayrn geiyrt orroo.

Ezekiel 5:2

Yn trass ayrn nee oo lostey lesh aile ayns mean yn ard-valley, tra ta laghyn y chionney-stiagh noi eck er ny chooilleeney, as trass ayrn nee oo y ghoaill, as giarey dy myn eh lesh y skynn; as trass ayrn ver oo lesh y gheay, as neem’s cliwe y hayrn geiyrt orroo.

Leviticus 26:33

As nee’m nyn skeayley fud ny ashoonyn-quaagh, as y cliwe y hayrn nyn yeï: as bee’n cheer eu treigit, as nyn ard-valjyn follym-faase.

Amos 5:16

Shen-y-fa, myr shoh ta’n Chiarn, Jee ny flaunyssee, yn Chiarn dy ghra, Bee dobberan ayns ooilley ny straïdyn, as nee ad gra ayns ooilley ny raaidyn mooarey, Ah treih, treih: as nee ad geamagh er yn eirinnagh gys dobberan, as ny bardoonee schleioil gys keayney.

Micah 2:4

Ayns y laa shen nee fer goaill seose coraa-dorraghey nyn ’oï, as nee eh dobberan lesh dobberan hrimshagh, as jir eh, Ta shin dy bollagh spooillit: t’eh er chaghlaa eiraght my phobble: kys t’eh er scughey foddey voym eh! caghlaa yn chagliagh t’eh er rheynn nyn magheryn.

Zechariah 7:14

As skeayl mee ad lesh geay-chassee, mastey ooilley ny ashoonee quaagh daue: myr shoh va’n cheer ny hraartys nyn yeï, nagh jagh dooinney erbee ny hrooid huggey ny veih: son ren ad yn cheer aalin ny hraartys.

Deuteronomy 28:25

Ver y Chiarn ort dy ve er dty imman roish dty noidyn: hed oo magh un raad nyn ’oï, as chea ersooyl rhymboo shiaght raaidyn, as bee shiu skeaylt fud ooilley reeriaghtyn y thallooin.

Deuteronomy 28:36

Nee’n Chiarn oo hene, as y ree ver oo harryd, y livrey gys ashoon, vees joarree dhyt’s, as da dty ayraghyn: as ayns shen nee shiu shirveish jeeghyn elley, fuygh as clagh.

Deuteronomy 28:64

As nee’n Chiarn oo y skeayley mastey dy chooilley ashoon, veih’n derrey chione jeh’n theihll gys y chione elley; as ayns shen nee oo jeeghyn elley ’hirveish, nagh vel enney er ve ayd’s, ny ec dty ayraghyn orroo, eer fuygh as clagh.

Deuteronomy 32:26

Dooyrt mee, Dy jinnin ad y skeayley dys corneilyn, dy jinnin yn imraa jeu dy ve caillit mastey deiney:

Deuteronomy 4:27

As nee’n Chiarn shiu y skeayley dy lhean mastey ny ashoonyn, as cha nhimmey jiu vees faagit, mastey ny ashoonyn, raad nee’n Chiarn geiyrt shiu.

Jamys 1:1

Jamys sharvaant Yee as nyn Jiarn Yeesey Creest, gys y daa heeloghe jeig ta skeaylt fud y theihll, bea as slaynt.