Jeremiah 9:12 - Yn Vible Casherick 1775 1819

¹² Quoi yn dooinney creeney oddys shoh y hoiggal; as quoi eh ta beeal y Chiarn er loayrt rish, dy vod eh shoh y hoilshaghey, cre’n-oyr ta’n cheer goll naardey, as dy vel eh losht seose myr faasagh, nagh vel unnane erbee goll ny hrooid?

Jeremiah 9:12 ပူးပေါင်းရင်းမြစ်များ

Psalmyn 107:34

Cheer messoil t’eh dy yannoo faase: er coontey’n drogh-yannoo ocsyn ta baghey ayn.

Psalmyn 107:43

Quoi-erbee ta creeney nee ad goaill ny reddyn shoh gys nyn gree: as toiggee ad kenjallys-ghraihagh y Chiarn.

Isaiah 42:23

Quoi ta ny mast’ eu eaishtys rish shoh? quoi ver geill, ny clashtyn son y traa ry-heet?

Jeremiah 23:10

Son ta’n cheer lane maarderee; son kyndagh rish gweeaghyn as loo oaiagh, ta’n cheer dobberan, ta aberyn aalin yn aasagh chyrmit seose, as ta nyn gliaghtaghyn olk, as nyn booar gys drogh ymmyd.

Jeremiah 23:16

Myr shoh ta Chiarn ny sheshaghtyn flaunyssagh dy ghra, Ny eaisht-jee rish goan ny phadeyryn ta phadeyrys diu; cha vel ad agh jannoo molteyrys erriu; t’ad loayrt ashlish ass nyn gree hene, as cha nee veih beeal y Chiarn.

Jeremiah 23:22

Agh dy beagh ad er hassoo gys my choyrle, as v’er choyrt da my phobble toiggal jeh my ghoo, eisht veagh ad er hyndaa ad veih nyn raaidyn mee-chrauee, as veih nyn ghrogh-yannoo.

Jeremiah 23:28

Yn phadeyr ta dreamal echey, lhig da e ghreamal y insh; as eshyn ta my ghoo’s echey, lhig da my ghoo y loayrt dy firrinagh. Cre ta’n coau ayns soylaghey da’n churnaght, ta’n Chiarn dy ghra.

Jeremiah 9:20

Ny-yeih clasht-jee goo yn Chiarn, O shiuish vraane, as lhig da’n chleaysh eu goaill stiagh goo e veeal, as ynsee-jee da ny inneenyn eu dy yannoo kiaull trimshagh, as dagh unnane e naboo dy ghobberan:

Ezekiel 14:23

As nee ad shiuish y gherjaghey, tra hee shiu nyn raaidyn as nyn obbraghyn: as bee fys eu, nagh vel mee er n’yannoo gyn oyr, ooilley ny ta mee er n’yannoo ayn, ta’n Chiarn Jee dy ghra.

Hosea 14:9

Quoi ta creeney, as nee eh toiggal ny reddyn shoh? toiggalagh, as yiow eh fys orroo? son ta raaidyn y Chiarn jeeragh, as nee’n vooinjer ynrick gimmeeaght ayndoo: agh nee ny mee-viallee cherraghtyn lioroo.

Hosea 4:10

Son nee ad gee, as cha bee ad jeant magh: ver ad rish maarderys, agh cha jean ad bishaghey: son dy vel ad er scuirr dy choyrt tastey da’n Chiarn.

Joel 1:11

Bee-jee seaghnit, O shiuish eirinnee: yllee-jee, O shiuish ghareyderyn-feeyney, son y churnaght, as son yn oarn, son ta troar y vagheragh er n’gholl naardey.

Zephaniah 3:6

Ta mee er yiarey jeh ny ashoonyn, ta ny tooryn oc treigit, ta mee er vrishey seose ny straidyn oc, nagh vel unnane dy haaghey ad: ta ny ard-valjyn oc er n’gholl naardey, myr shen nagh vel dooinney faagit ayndoo, ny cummaltagh er-mayrn.

Noo Mian 24:15

Tra hee shiu er-y-fa shen eajeeys yn traartys, ta loayrit jeh liorish Daniel y phadeyr, ny hassoo ayns yn ynnyd casherick, (eshyn ta lhaih, lhig da tastey ’ghoaill).

Deuteronomy 32:29

O dy beagh ad creeney, dy doiggagh ad shoh, dy goghe ad gys nyn gree nyn laghyn jerrinagh!

Ashlish 1:3

Bannit ta eshyn ta lhaih, as adsyn ta clashtyn goan y phadeyrys shoh, as freayll ny reddyn shen ta scruit ayn: son ta’n traa er-gerrey.