Jeremiah 9:11 - Yn Vible Casherick 1775 1819

¹¹ As neem’s Jerusalem y yannoo ny holtanyn, as ooig dy ghragonyn; as neem’s ard-valjyn Yudah y yannoo ny hraartys, gyn cummaltagh.

Jeremiah 9:11 ပူးပေါင်းရင်းမြစ်များ

Nehemiah 4:2

As loayr eh roish e vraaraghyn, as sheshaght-caggee Samaria, as dooyrt eh, Cre ta ny Hewnyn kercheenagh shoh kiarail dy yannoo? vel ad son fendeil ad-hene? jean ad ourallyn y hebbal? der ad kione er yn obbyr ayns laa? vel ad son doostey reesht ny claghyn ta losht, ass ny carnaneyn dy holtanyn losht?

Psalmyn 107:43

Quoi-erbee ta creeney nee ad goaill ny reddyn shoh gys nyn gree: as toiggee ad kenjallys-ghraihagh y Chiarn.

Psalmyn 44:19

Cha vel nyn gree er choyrt cooyl rhyt: chamoo ta ny kesmadyn ain er gholl ass dty raad;

Psalmyn 79:1

O Yee, ta ny ashoonyn-quaagh er jeet stiagh ayns dt’eiraght: dty hiamble casherick t’ad er yannoo neu-ghlen, as er yannoo Jerusalem carnane dy chlaghyn.

Isaiah 13:22

As maase feïe ny ellanyn nee geam ayns nyn dholtanyn, as dragonyn ayns nyn blaaseyn aalin; as ta’n traa eck er-gerrey, as cha bee ny laghyn eck foddey beayn.

Isaiah 25:2

Son t’ou er n’yannoo ard-valley ny charnane; ard-valley lajer voallit ny holtanyn: cummal aalin pobble joarree nagh bee eh ny-sodjey ard-valley; cha bee eh dy bragh troggit arragh.

Isaiah 34:13

As aasee drineyn seose ayns ny plaaseyn eck, undaagagh as dressyn ayns ny cashtallyn eck; as bee eh son cummal dragonyn, as oayll son hulladyn.

Isaiah 44:26

Ta cooilleeney goo e harvaant, as jannoo mie coyrle e haghteryn; ta gra rish Jerusalem, Bee cummaltee aynyd; as rish ard-valjyn Yudah, Bee shiu er ny hroggal; as neem’s aa-hroggal ny ynnydyn eck ta er n’gholl naardey;

Jeremiah 1:15

Son cur-my-ner, neem’s geamagh er ooilley cummaltee reeriaghtyn y twoaie, ta’n Chiarn dy ghra; as hig ad, as nee ad soiaghey dagh fer jeu e stoyl-reeoil eddyr giattyn Yerusalem, as noi ooilley e voallaghyn cruin mygeayrt, as noi ooilley ard-valjyn Yudah.

Jeremiah 10:22

Cur-my-ner, ta sheean y naight er jeet, as irree-magh dewil ass y cheer my-hwoaie, dy yannoo ard-valjyn Yudah ny hraartys, as ooig son dragonyn.

Jeremiah 16:10

As hig eh gy-kione, tra vees oo er hoilshaghey ooilley ny goan shoh da’n pobble shoh, as dy jir ad rhyt, Cre’n-fa ta’n Chiarn er n’ockley magh ooilley yn olk vooar shoh nyn ’oï? ny cre ta nyn loght? ny cre’n peccah ta shin er n’yannoo noi’n Chiarn nyn Yee?

Jeremiah 25:11

As bee yn slane cheer ny aasagh, as ny atchim; as nee ny ashoonyn shoh shirveish ree Vabylon three-feed bleïn as jeih.

Jeremiah 25:18

Ta shen dy ghra, Jerusalem, as ard-valjyn Yudah, as nyn reeaghyn, as nyn brinceyn, dy yannoo ad ny hraartys, as ny atchim, son flout, as faghid, as mollaght; (myr te ec y laa t’ayn jiu;)

Jeremiah 26:18

Ren Micah yn Morasthite phadeyrys rish lhing Hezekiah ree Yudah, as loayr eh rish ooilley pobble Yudah, gra, Myr shoh ta Chiarn ny sheshaghtyn flaunyssagh dy ghra, Bee Zion traaueit myr magher, as bee Jerusalem jeant ny holtanyn, as yrjid y thie myr ardjyn ny keylley.

Jeremiah 26:9

Cre’n-fa t’ou er n’yannoo phadeyrys ayns ennym y Chiarn, gra, Bee’n thie shoh myr Shiloh, as bee’n ard-valley shoh follym-faase fegooish cummaltagh? As va ooilley’n pobble er nyn jaglym noi Jeremiah ayns thie yn Chiarn.

Jeremiah 34:22

Cur-my-ner, ver-yms magh sarey, ta’n Chiarn dy ghra, dauesyn dy hyndaa reesht noi’n ard-valley shoh; as nee ad caggey rish, as goaill eh, as lostey lesh aile eh: as ver-ym er ard-valjyn Yudah dy ve ny hraartys gyn cummaltagh faagit ayn.

Jeremiah 4:27

Son myr shoh ta’n Chiarn er ghra, Bee’n slane cheer ny hraartys; ny-yeih cha jean-yms slane jerrey.

Jeremiah 44:2

Myr shoh ta Chiarn ny flaunyssee, Jee Israel, dy ghra, Ta shiu er vakin ooilley yn olk ta mee er choyrt er Jerusalem, as er ooilley ard-valjyn Yudah; as cur-my-ner, yn laa jiu t’ad ny hraartys, as cha vel dooinney erbee baghey ayndoo;

Jeremiah 49:33

As bee Hazor ny oayll son dragonyn, as ny hraartys son earishyn foddey: cha jean fer erbee baghey ayns shen, ny mac dooinney cummal ayn.

Jeremiah 50:3

Son ass y twoaie ta cheet seose ashoon noi eck, nee jannoo yn cheer eck follym-faase, as cha bee cummaltagh ayn; nee ad scughey, nee ad treigeil ee, chammah dooinney as baagh.

Jeremiah 51:37

As hig Babylon dy ve ny holtanyn, ynnyd-vaghee son dragonyn, atchim, as faghid, fegooish cummaltagh.

Jeremiah 8:22

Vel veg y valm ayns Gilead? vel fer-lhee erbee ayns shen? Cre’n-fa eisht nagh vel aslaynt inneen my phobble er ny choural?

Dobberan 1:4

Ta raaidyn Zion dobberan, son nagh vel unnane taaghey ny feaillaghyn casherick: ta ooilley ny giattyn eck treigit: ta ny saggyrtyn eck gosnaghey, ta ny moidynyn eck seaghnit, as t’ee hene ayns sherriuid.

Dobberan 2:2

Ta’n Chiarn er lhuggey seose ooilley cummaltee Yacob, cha row chymmey echey orroo: t’eh er cheau sheese ayns e eulys cashtallyn lajer inneen Yudah: t’eh er lhieggal ad kiart rish y thalloo: t’eh er n’yiooldey veih yn reeriaght as ny princeyn eck.

Dobberan 3:47

Ta aggle as y ribbey er jeet orrin, traartys as toyrt-mow.

Leviticus 26:32

As neem’s y cheer eu follym-faase: as nee nyn noidyn cummal ayn, as gowee ad yindys.

Micah 1:6

Er-y-fa shen, nee’m Samaria y yannoo myr carnaneyn ayns magher traaueit, as myr smooirlagh y gharey-feeyney: as lhieg-yms sheese ny claghyn echey ayns y choan, as nee’m ny undinyn echey y hilgey bun-ry-skyn.

Micah 3:12

Shen-y-fa kyndagh riuish bee Zion er ny hraaue myr magher, as hig Jerusalem dy ve carnaneyn, as bee slieau yn chiamble myr ard-aasaghyn ny keylley.

Micah 6:16

Son ta slattyssyn Omri freilt, as ooilley cliaghtaghyn thie Ahab, as ta shiu gimmeeaght lurg ny coyrleyn ocsyn, dooys dy yannoo uss dty hraartys, as dty chummaltee son faghid; shen-y-fa nee shiu gymmyrkey oltooan my phobble.

Deuteronomy 29:23

As dy vel ooilley’n thalloo echey, brimstone, as sollan, as lostey: nagh vel eh cuirt, ny gymmyrkey mess, ny veg y faiyr gaase ayn, casley rish toyrt-mow Sodom, as Gomorrah, Admah, as Zeboim, ta’n Chiarn er stroie ayns e chorree, as e yymmoose:

Ashlish 18:2

As deïe eh dy niartal lesh coraa lajer, gra, Ta’n Babylon yn ard-valley mooar er duittym, er duittym, as er jeet dy ve ynnyd-vaghee dy youyil, as cummal dy chooilley spyrryd neu-ghlen, as edd son dy chooilley eean neu-ghlen as eajee.