Jeremiah 9:10 - Yn Vible Casherick 1775 1819

¹⁰ Son ny sleityn trog-yms keayney as yllagh, as son ynnydyn-vaghee ny cheerey dobberan, er-yn-oyr dy vel ad losht seose, myr shen nagh vod unnane erbee goll nyn drooid, ny clashtyn eam yn ollagh: ta chammah eeanlee’n aer as y maase er chosney roue; t’ad er n’immeeaght.

Jeremiah 9:10 ပူးပေါင်းရင်းမြစ်များ

Isaiah 41:15

Cur-my-ner, nee’m oo y yannoo myr greïe noa gyere-feeacklagh, ry-hoi tasteraght: as nee oo tasteraght ny sleityn, as broo ad dy myn, as nee oo ny croink myr coau.

Isaiah 49:19

Son dty ynnydyn-vaghee faase as treigit, as cheer dty hraartys, bee ad dy jarroo nish ro choon son ny cummaltee, as bee adsyn ren uss y lhuggey seose eebrit foddey jeh.

Jeremiah 12:10

Shimmey bochill t’er lhiggey naardey my gharey-feeyney, t’ad er stampey sheese my eiraght, t’ad er n’yannoo my hoghyr aalin ny aasagh fadane.

Jeremiah 12:11

T’ad er n’yannoo eh follym-faase, as nish te ny hraartys te gaccan hym; ta’n slane cheer er ny choyrt naardey, er-yn-oyr nagh vel dooinney erbee dy ghoaill shoh gys e chree.

Jeremiah 12:4

Caïd nee’n cheer dobberan, as glassyraght dy chooilley vagher fioghey, kyndagh rish mee-chraueeaght ny cummaltee? ta’n maase shymley ersooyl, as ny eeanlee; son dy dooyrt ad, Cha vel sooill echey er nyn raaidyn.

Jeremiah 14:6

As hass ny assylyn feïe er ny sleityn, ren ad yn gheay y stronnal myr dragonyn; daase ny sooillyn oc moal, er-y-fa nagh row faiyr ry-gheddyn.

Jeremiah 2:15

Ren ny lionyn aegey garveigagh n’oï as gullyrnee, as hug ad yn cheer echey naardey: ta ny ard-valjyn echey losht, as gyn cummaltagh.

Jeremiah 2:6

Chamoo t’ad er ghra, Cre vel y Chiarn hug lesh shin seose ass cheer Egypt, ren leeideil shin trooid yn aasagh; trooid cheer reeastaneagh, as ooiganagh; trooid cheer fowan-loshtee, as scadoo yn vaaish; cheer nagh jagh dooinney rieau ny hrooid, as raad nagh row dooinney erbee cummal?

Jeremiah 23:10

Son ta’n cheer lane maarderee; son kyndagh rish gweeaghyn as loo oaiagh, ta’n cheer dobberan, ta aberyn aalin yn aasagh chyrmit seose, as ta nyn gliaghtaghyn olk, as nyn booar gys drogh ymmyd.

Jeremiah 50:3

Son ass y twoaie ta cheet seose ashoon noi eck, nee jannoo yn cheer eck follym-faase, as cha bee cummaltagh ayn; nee ad scughey, nee ad treigeil ee, chammah dooinney as baagh.

Jeremiah 7:29

Giare jeed dty olt, O Yerusalem, as tilg voïd eh, as trog seose dobberan er ny ard-ynnydyn; son ta’n Chiarn er n’yiooldey voish as er hreigeil sheeloghe e yymmoose.

Jeremiah 8:18

Tra ta mee son gerjagh y gheddyn noi trimshey, ta my chree traashtit cheu-sthie jee’m.

Dobberan 1:16

Son ny oyryn shoh ta my hrimshey, ta my hooill, ta my hooill roie lesh ushtey, son dy vel gerjeyder m’annym foddey voym: my chloan’s ta treigit er-y-fa dy vel y noid er ghoaill niart orrym.

Dobberan 2:11

Ta my hooillyn moal lesh jeïr; ta my chree seaghnit, ta my aane er ny gheayrtey magh er y thalloo, er coontey toyrt-mow inneen my phobble, er-yn-oyr dy vel yn chloan as ny oikanyn tuittym neeal ayns straïdyn yn ard-valley.

Dobberan 5:18

Eer son slieau Zion, ta ny hraartys, te ec ny shynnee dy hooyl ayn.

Ezekiel 14:15

My ver-ym beishtyn dewilley trooid y cheer, as ad dy chur mow eh, myr shen dy bee eh ny hraartys, nagh vod dooinney erbee goll ny hrooid, kyndagh rish ny beishtyn:

Ezekiel 27:2

Nish uss vac y dooinney, gow lesh bardoon son Tyrus;

Ezekiel 29:11

Cha jean cass erbee dy ghooinney goll ny hrooid, ny cass dy vaagh, chamoo vees cummaltee aynjee son da-eed bleïn.

Ezekiel 33:28

Son ver-yms er y cheer dy ve dy bollagh ny hraartys, as bee mooaralys yn niart ecksh harrish: as bee sleityn Israel follym-faase, nagh jed unnane nyn drooid.

Ezekiel 6:6

Ayns ooilley nyn ynnydyn-vaghee, bee ny ard-valjyn er nyn goyrt-mow, as bee ny ard-ynnydyn follym-faase: dy vod nyn altaryn ve er ny choyrt naardey, as treigit: as ny jallooyn eu ve er ny vrishey sheese as scuirr, as nyn go-chaslyssyn giarit sheese, as nyn obbraghyn cherraghtyn.

Hosea 4:3

Shen-y-fa nee’n cheer dobberan, as hed ooilley ny cummaltee t’ayn naardey, marish maase y vagher, as eeanlee yn aer, nee eer eeastyn ny marrey cherraghtyn.

Joel 1:13

Trog-jee erriu, as keayn-jee, shiuish haggyrtyn: yllee-jee shiuish shirveishee yn altar: tar-jee, lhie-jee fud-ny-hoie ayns aanrit-sack, shiuish shirveishee yn Jee aym’s: son ta’n oural-arran, as yn oural-jough er ny lhiettal voish thie yn Jee eu.

Joel 1:19

O Hiarn, hood’s nee’m geamagh: son ta’n aile er stroie aberyn yn aasagh, as ta’n aile er lostey ooilley biljyn y vagher.

Amos 5:1

Eaisht-jee rish yn goo shoh, ta mee goaill seose noi eu, eer dobberan hene, O hie Israel.

Amos 5:16

Shen-y-fa, myr shoh ta’n Chiarn, Jee ny flaunyssee, yn Chiarn dy ghra, Bee dobberan ayns ooilley ny straïdyn, as nee ad gra ayns ooilley ny raaidyn mooarey, Ah treih, treih: as nee ad geamagh er yn eirinnagh gys dobberan, as ny bardoonee schleioil gys keayney.

Micah 2:4

Ayns y laa shen nee fer goaill seose coraa-dorraghey nyn ’oï, as nee eh dobberan lesh dobberan hrimshagh, as jir eh, Ta shin dy bollagh spooillit: t’eh er chaghlaa eiraght my phobble: kys t’eh er scughey foddey voym eh! caghlaa yn chagliagh t’eh er rheynn nyn magheryn.

Micah 3:12

Shen-y-fa kyndagh riuish bee Zion er ny hraaue myr magher, as hig Jerusalem dy ve carnaneyn, as bee slieau yn chiamble myr ard-aasaghyn ny keylley.