Jeremiah 8:8 - Yn Vible Casherick 1775 1819

⁸ Kys oddys shiu gra, Ta shinyn creeney, as mârin ta leigh’n Chiarn? Cur-my-ner, son shickyrys ta pen ny scrudeyryn dellal ayns molteyrys.

Jeremiah 8:8 ပူးပေါင်းရင်းမြစ်များ

Lioar Yob 11:12

Son baillish dooinney donney ve coontit creeney, ga dy vel eh er ny ruggey myr lhiy yn assyl fadane.

Lioar Yob 12:20

T’eh jannoo gyn bree glare ny fir-choyrlee, as cur shaghrynys er tushtey’n chenndeeaght.

Psalmyn 147:19

Hoilshee eh e ghoo da Jacob: e lattyssyn as e oardaghyn da Israel.

Raaghyn Creeney 17:6

Ta cloan chlienney ooashley da shenn gheiney: as ta ayraghyn gloyr nyn gloan.

Isaiah 43:27

Ta dty henn-ayr er n’yannoo peccah, as ta dty ir-ynsee er ve foiljagh m’oï.

Jeremiah 18:18

Eisht dooyrt ad, Tar-jee, as lhig dooin kialgyn croutagh y ghoaill noi Jeremiah; son cha vaillee yn leigh veih’n taggyrt, ny coyrle veih’n er-creeney, ny’n goo veih’n adeyr: tar-jee, as lhig dooin eh y woalley lesh y chengey, as gyn geill y choyrt da veg jeh e ghoan.

Jeremiah 19:7

As ver-ym shaghrynys er coyrle Yudah as Yerusalem ’sy voayl shoh; as ver-ym orroo tuittym liorish y chliwe roish nyn noidyn, as liorish ny laueyn ocsyn ta shirrey nyn mioys; as ver-ym ny kirp oc son beaghey da eeanlee’n aer, as da beishtyn y thallooin.

Jeremiah 2:8

Cha dooyrt ny fir-ynsee, Cre vel y Chiarn? as adsyn va’n leigh er nyn gurrym, cha bione daue mee: ny fir-reill myrgeddin ren ad olk m’oï, as ren ny phadeyryn phadeyrys liorish Baal, as hie ad geiyrt er fardail gyn-ymmyd.

Jeremiah 4:22

Son ta my phobble ommijagh, cha vel ad er chur enney orrym’s; t’ad cloan vee-cheeayllagh, as cha vel veg y toiggal oc: ta keeayll oc dy yannoo olk, agh dy yannoo mie cha vel oc veg y tushtey.

Jeremiah 48:14

Kys dy vel shiu gra, Ta shin deiney niartal, as trean son y chaggey?

Hosea 8:12

Ta mee er scrieu dasyn nheeghyn mooarey my leigh, agh ren ad soiaghey jeu, myr jeh reddyn joarree.

Noo Mian 15:6

As nagh lhiass da cooney sodjey ’choyrt da e ayr ny e voir. Ta shiu myr shoh jannoo sarey Yee gyn vree liorish ny oardaghyn eu.

Noo Ean 9:41

Dooyrt Yeesey roo, Dy beagh shiu doal, cha beagh peccah eu: agh nish ta shiu gra, Ta shin fakin; shen-y-fa ta nyn beccah tannaghtyn erriu.

Romanee 1:22

Goaill orroo hene dy ve creeney, haink ad dy ve nyn ommydanyn: