Jeremiah 8:4 - Yn Vible Casherick 1775 1819

⁴ Ny-sodjey, jir uss roo, Myr shoh ta’n Chiarn dy ghra; Jean ad tuittym, as nagh n’irree ad reesht? jean eh chyndaa ersooyl, as nagh jig eh reesht?

Jeremiah 8:4 ပူးပေါင်းရင်းမြစ်များ

1 Reeaghyn 8:38

Cre-erbee’n phadjer as aghin vees jeant liorish dooinney erbee, ny liorish ooilley dty phobble Israel, dy chooilley ghooinney ta toiggal loght e chree hene, as nee eh skeayley magh e laueyn lesh y thie shoh:

Raaghyn Creeney 24:16

Son ta’n dooinney cairagh tuittym ayns seaghyn shiaght keayrtyn, as t’eh girree reesht: agh nee drogh-sleih tuittym fo drogh haghyrtyn.

Isaiah 44:22

Ta mee er gholley dty ghrogh-yannoo myr bodjal dorraghey, as dty pheccaghyn myr kay: chyndaa hym’s; son mish t’er dty livrey.

Isaiah 55:7

Lhig da’n drogh ghooinney treigeil e raad, as y dooinney neu-ynrick e smooinaghtyn: as lhig da chyndaa gys y Chiarn, as bee myghin echey er; as gys y Jee ain, as nee eh dy arryltagh leih da.

Jeremiah 23:14

Ta mee er vakin myrgeddin ayns phadeyryn Yerusalem red feer atchimagh: t’ad brishey poosey, as gimmeeaght ayns breagyn; t’ad myrgeddin niartaghey laueyn ny drogh-yantee, nagh vel unnane erbee chyndaa veih e vee-chraueeaght: t’ad ooilley dooys myr Sodom, as ny cummaltee eck myr Gomorrah.

Jeremiah 3:1

Jir ad, My ta dooinney scarrey rish e ven, as ee dy gholl voish, as cheet dy ve ben da fer elley, jean eh reesht goaill r’ee? nagh bee’n cheer shen fo loght neu-ghlennid? agh t’ou uss er n’yannoo oainjyrys rish maarderagh ny ghaa; ny-yeih chyndaa reesht hym’s, ta’n Chiarn dy ghra.

Jeremiah 3:22

Chyndaa-jee reesht, shiuish chloan chooyl-skyrraghtyn, as neem’s nyn skyrraghtyn y leih diu. Cur-my-ner, ta shin cheet hood’s; son she uss y Chiarn yn Jee ain.

Jeremiah 36:3

Hoiggal, foddee eh ’ve dy jean thie Yudah clashtyn ooilley nyn gerraghey ta mish kiarail orroo; dy vod ad chyndaa dy chooilley ghooinney veih e ghrogh raad, as mish dy leih daue yn vee-chairys oc, as nyn beccah.

Jeremiah 4:1

My hyndaa-ys oo reesht, O Israel, ta’n Chiarn dy ghra, chyndaa hym’s; as my ver oo ersooyl dty pheccaghyn eajee ass my hilley, eisht cha bee oo er dty scughey.

Ezekiel 18:23

Vel taitnys erbee aym’s ayns baase y drogh-yantagh? ta’n Chiarn Jee dy ghra: agh dy jinnagh eh chyndaa veih eh raaidyn, as ve bio?

Hosea 14:1

O Israel, chyndaa gys y Chiarn dty Yee; son t’ou er duittym liorish dty vee-chairys hene.

Hosea 6:1

Tar-jee, as lhig dooin chyndaa gys y Chiarn: son t’eh er raipey, as nee eh nyn lheihys; t’eh er woalley shin, as nee eh nyn slaanaghey.

Hosea 7:10

As ta moyrn Israel gymmyrkey feanish gys e eddin, ny-yeih cha vel ad chyndaa gys y Chiarn nyn Yee, ny shirrey huggey son ooilley shoh.

Amos 5:2

Ta moidyn Israel er duittym, cha n’irree ee arragh: t’ee treigit er e thalloo hene, cha vel unnane dy hroggal seose ee.

Micah 7:8

Ny jean boggyssagh m’oï, O my noid, ga dy duittym, irree-ym reesht; as ga dy vel mee soie ayns dorraghys, bee yn Chiarn son soilshey dou.