Jeremiah 8:2 - Yn Vible Casherick 1775 1819

² As nee ad skeayley ad roish y ghrian, as yn eayst, as slane armee rollageagh yn aer, orroosyn va nyn ghraih soit, as adsyn t’ad er hirveish, as nyn lurg t’ad er n’immeeaght, as hucsyn ren ad shirrey, as daue hug ad ooashley: cha bee ad er nyn jaglym, ny er nyn oanluckey; bee ad son eoylley er eaghtyr y thallooin.

Jeremiah 8:2 ပူးပေါင်းရင်းမြစ်များ

2 Reeaghyn 17:16

As hreig ad ooilley annaghyn y Chiarn y Jee oc, as ren ad daue hene jallooyn grainnit, eer daa lheiy, as hoie ad keyll, as hug ad ooashley da ooilley rollageyn yn aer, as hirveish ad Baal.

2 Reeaghyn 21:3

Son hrog eh seose reesht ny ynnydyn ardey va Hezekiah e ayr er stroie; as hrog eh seose altaryn son Baal, as biljyn mygeayrt-y-moo, myr ren Ahab ree Israel; as hug eh ooashley da ooilley pooaraghyn yn aer, as hirveish eh ad.

2 Reeaghyn 21:5

As hrog eh altaryn son ooilley pooaraghyn yn aer ayns daa chooyrt thie yn Chiarn.

2 Reeaghyn 23:5

As hug eh sheese saggyrtyn ny jallooyn, va reeaghyn Yudah er phointeil dy lostey incense ayns ny ard-ynnydyn ayns ard-valjyn Yudah, as ayns ny ynnydyn mygeayrt Jerusalem; adsyn myrgeddin ren lostey incense da Baal, da’n ghrian, as da’n eayst, as da ny planetyn, as da ooilley pooaraghyn yn aer.

Psalmyn 53:5

Nagh vel adsyn fegooish tushtey ta gobbraghey olkys: gee seose my phobble myr ee-agh ad arran? cha vel ad er n’eamagh er Jee.

Psalmyn 83:10

Va er nyn stroie ec Endor: as haink dy ve myr eoylley er y thalloo.

Psalmyn 83:11

Jean uss adsyn as ny princeyn oc goll-rish Oreb as Zeeb: dy jarroo, jean ooilley ny princeyn oc myr Zeba as Salmana;

Ecclesiastes 6:3

Ga dy jinnagh dooinney keead lhiannoo y gheddyn, as e vea dy ve beayn son ymmodee bleeantyn, as ga dy darragh eh gys eash as ooashley yn chanstyr; ny-yeih mannagh vel yn annym echey jeant magh lesh foays e laboraght, as nagh vel wheesh boayl-oanluckee echey; ta mee gra, dy vel lhiannoo ruggit roish e hraa ny share na eh.

Jeremiah 14:16

As bee yn pobble daue t’ad phadeyrys er nyn dilgey magh ayns straïdyn Yerusalem, kyndagh rish y ghortey as y cliwe; as cha bee unnane erbee dy oanluckey ad, ad-hene, nyn mraane, ny nyn mec, ny nyn inneenyn; son neem’s kerraghey nyn mee-chraueeaght y gheayrtey magh orroo.

Jeremiah 16:11

Eisht dy jir uss roo, Er-y-fa dy vel nyn ayraghyn er my hreigeil, ta’n Chiarn dy ghra, as son dy vel ad er n’eiyrt er jeeghyn joarree, as er hirveish ad, as er chur ooashley daue, as er hreigeil mish, as nagh vel ad er reayll my leigh’s:

Jeremiah 16:4

Yiow ad baase atchimagh: cha bee dobberan jeant er nyn son, chamoo vees ad er n’oanluckey; agh bee ad myr eoylley er eaghtyr y thallooin; as hed ad er stroie lesh y chliwe, as lesh gortey; as bee ny callinyn oc son beaghey da eeanlee yn aer, as son beishtyn y thallooin.

Jeremiah 16:6

Yiow chammah beg as mooar baase ’sy cheer shoh: cha bee ad er nyn oanluckey, chamoo nee sleih dobberan er nyn son, tayrn fuill orroo hene, ny jannoo ad-hene meayl er nyn son.

Jeremiah 19:13

As bee thieyn Yerusalem, as thieyn reeaghyn Yudah, feohdoil myr yn ynnyd Tophet, kyndagh rish ooilley ny thieyn er y vullagh oc t’ad er lostey oural-incense da slane armee yn aer, as er gheayrtey magh chebballyn-feeyney da jeeghyn joarree.

Jeremiah 22:19

Agh hed eh er oanluckey lesh oanluckey assyl, sleaydit as tilgit magh cheu-mooie jeh giattyn Yerusalem.

Jeremiah 25:33

As bee merriu yn Chiarn ec y laa shen veih kione dy kione ny hooirey: cha bee dobberan jeant harrystoo, chamoo hed ad er jaglym, ny er n’oanluckey; agh bee ad myr eoylley er y thalloo.

Jeremiah 31:40

As bee slane coan ny kirp marroo, as thorran ny leoie, as ooilley ny magheryn, choud’s strooan Chidron, gys corneil giat ny gabbyl lesh y shiar, casherick gys y Chiarn: cha bee eh er ny rassey veih’n undin, ny lhieggit, arragh son dy bragh.

Jeremiah 36:30

Shen-y-fa myr shoh ta’n Chiarn dy ghra mychione Jehoiakim ree Yudah, Cha bee dooinney echey dy hoie er stoyl-reeoil Ghavid; as bee yn corp marroo echey tilgit magh ’sy laa gys y chiass, as ’syn oie gys y rio.

Jeremiah 9:20

Ny-yeih clasht-jee goo yn Chiarn, O shiuish vraane, as lhig da’n chleaysh eu goaill stiagh goo e veeal, as ynsee-jee da ny inneenyn eu dy yannoo kiaull trimshagh, as dagh unnane e naboo dy ghobberan:

Jeremiah 9:21

Son ta’n baase er jeet stiagh er ny uinniagyn ain, as er n’ghoaill ynnyd ayns ny plaaseyn ain, dy stroie yn chloan veih cheu-mooie, as ny deiney aegey veih ny straïdyn.

Jeremiah 9:22

Abbyr, Myr shoh ta’n Chiarn dy ghra, Dy jarroo myr eoylley tuittee kirp deiney er y vagher foshlit, as myr gleih-arroo lurg y beaynee, as cha jean unnane erbee ad y haglym.

Ezekiel 29:5

As faag-ym oo tilgit magh ayns yn aasagh, uss as ooilley eeastyn dty awinyn: nee oo tuittym ayns ny magheryn foshlit, cha bee oo er dty hymsagh, ny er dty haglym: ta mish er dty choyrt son beaghey da maase y vagheragh, as da eeanlee yn aer.

Ezekiel 39:5

As nee oo tuittym er y vagher feayn, son ta mish er loayrt eh, ta’n Chiarn Jee dy ghra.

Ezekiel 6:5

As lhie-yms kirp marroo cloan Israel kiongoyrt rish ny jallooyn eu, as neem’s ny craueyn eu y skeayley mygeayrt ny altaryn eu.

Ezekiel 8:16

Eisht hug eh lesh mee gys y chooyrt sodjey stiagh jeh thie yn Chiarn, as cur-my-ner, ec dorrys chiamble y Chiarn, eddyr y phorch as yn altar, va mysh queig deiney as feed, as nyn ghreeym er chiamble y Chiarn, as nyn oaie lesh y niar, as hug ad ooashley da’n ghrian lesh y niar.

Zephaniah 1:17

As ver-ym lhiam seaghyn er deiney, dy jean ad shooyl myr deiney doal, er-yn-oyr dy vel ad er n’yannoo peccah noi yn Chiarn: as bee yn uill oc deayrtit magh myr joan, as yn eill oc myr gaerr.

Zephaniah 1:5

As adsyn ta cur ooashley da sheshaght rollageagh yn aer, er mullagh ny thieyn, as adsyn ta ooashlaghey, as breearrey liorish y Chiarn, as breearrey liorish Malcham;

Jannoo 7:42

Eisht hyndaa Jee, as livrey eh ad seose dy chur ooashley da pooaraghyn yn aer; myr te scruit ayns lioar ny phadeyryn, O hie Israel, vel shiu er hebbal dooys beïyn marroo as ourallyn, rish da-eed bleïn ayns yn aasagh?

Deuteronomy 17:3

As t’er n’gholl as er hirveish jeeghyn joarree, as er choyrt ooashley daue, edyr da’n ghrian, ny da’n eayst, ny da veg jeh pooaraghyn sollys yn aer, shoh ta mish er lhiettal;

Deuteronomy 4:19

As er-aggle dy drog oo dty hooillyn lesh yn aer, as tra hee oo yn ghrian, yn eayst, as ny rollageyn, dy jarroo slane sheshaght yn aer, dy bee oo cleaynit dy choyrt ooashley daue, as dy hirveish ad shen, ta’n Chiarn dty Yee er rheynn er dy chooilley ashoon fo niau.